ભારતના પાંચ ખેલાડીઓ ICC રેન્કિંગમાં નંબર 1 પર

Last Updated on 01/08/2025 by Sampurna Samachar

Contents

શુભમન ગિલ ૭૮૪ રેટિંગ પોઈન્ટ સાથે ODI માં પ્રથમ સ્થાન પર આ યાદીમાં વરુણ ચક્રવર્તી ત્રીજા નંબર પર ટ્રેવિસ હેડને પાછળ છોડી દીધો ICC રેન્કિંગમાં ત્રણેય ફોર્મેટમાં આ ૫ ખેલાડીઓ નંબર-૧

શુભમન ગિલ ૭૮૪ રેટિંગ પોઈન્ટ સાથે ODI માં પ્રથમ સ્થાન પર

આ યાદીમાં વરુણ ચક્રવર્તી ત્રીજા નંબર પર

(સંપૂર્ણ સમાચાર સેવા)

ભારત અને ઇંગ્લેન્ડ વચ્ચે હાલ ટેસ્ટ સીરિઝ રમાઈ રહી છે. ત્યારે પાંચમી અને અંતિમ ટેસ્ટ પહેલા, ICC એ ૩૦ જુલાઈના રોજ લેટેસ્ટ રેન્કિંગ જાહેર કર્યું છે, જેમાં T ૨૦ રેન્કિંગ, ટેસ્ટ કરતા વધુ લોકપ્રિયતા મેળવી રહ્યું છે. જેમાં યુવા બેટર અભિષેક શર્માએ ઇતિહાસ રચ્યો છે. તે પહેલીવાર ICC T20 બેટ્સમેન રેન્કિંગમાં નંબર-૧ પર પહોંચ્યો છે. તેણે ટ્રેવિસ હેડને હરાવીને આ સ્થાન મેળવ્યું છે. તેમજ શુભમન ગિલ, જસપ્રીત બુમરાહ, રવિન્દ્ર જાડેજા સહિત ૫ ભારતીય ખેલાડીઓ ત્રણેય ફોર્મેટ (ટેસ્ટ, ODI અને T૨૦) ની વિવિધ કેટેગરીમાં નંબર ૧ પર છે.

મેન્સ ટીમમાં ટેસ્ટ રેન્કિંગમાં ઓસ્ટ્રેલિયા ટીમ ટોચ પર છે, તે ૧૨૪ પોઈન્ટ સાથે નંબર ૧ પર છે. ટીમ ઈન્ડિયા ૧૦૫ પોઈન્ટ સાથે ટેસ્ટ રેન્કિંગમાં ચોથા નંબર પર છે. તેમજ ટીમ ઈન્ડિયા ODI અને T ૨૦I માં ટોચ પર છે. ભારત ODI માં ૧૨૪ પોઈન્ટ અને T ૨૦ માં ૨૭૧ પોઈન્ટ સાથે વિશ્વની નંબર-૧ ટીમ છે.

ટ્રેવિસ હેડને પાછળ છોડી દીધો

જો રૂટ ICC મેન્સ ટેસ્ટ બેટિંગ રેન્કિંગમાં નંબર-૧ સ્થાન પર છે, પરંતુ ભારતીય બેટ્સમેન અન્ય બંને ફોર્મેટમાં ટોચ પર છે. શુભમન ગિલ ૭૮૪ રેટિંગ પોઈન્ટ સાથે ODI માં પ્રથમ સ્થાન ધરાવે છે. તેમજ અભિષેક શર્માએ ૩૦ જુલાઈના રોજ T ૨૦ રેન્કિંગમાં નંબર-૧ બેટરનું સ્થાન મેળવ્યું છે. તેણે ૧ વર્ષ સુધી આ સ્થાન પર રહેલા ટ્રેવિસ હેડને પાછળ છોડી દીધો છે.

ICC મેન્સની ટેસ્ટ બોલિંગ રેન્કિંગમાં જસપ્રીત બુમરાહ વિશ્વનો નંબર-૧ બોલર છે. તેના ૮૯૮ રેટિંગ પોઈન્ટ છે. જ્યારે ODI બોલિંગ રેન્કિંગમાં ૬૭૧ પોઈન્ટ સાથે શ્રીલંકાનો મહિષ તિક્ષણા પ્રથમ સ્થાને છે. ભારતીય બોલર કુલદીપ યાદવ ૬૫૦ પોઈન્ટ સાથે આ યાદીમાં બીજા નંબર પર છે. T ૨૦ બોલિંગ રેન્કિંગમાં ૭૧૭ પોઈન્ટ સાથે ન્યુઝીલેન્ડના જેકબ ડફી નંબર-૧ પર છે. આ યાદીમાં વરુણ ચક્રવર્તી ત્રીજા નંબર પર છે.

રવિન્દ્ર જાડેજા ICC મેન્સ ટેસ્ટ ઓલરાઉન્ડર રેન્કિંગમાં નંબર-૧ બોલર છે. અફઘાનિસ્તાનના આઝમતુલ્લાહ ઓમરઝાઈ ODI ઓલરાઉન્ડર રેન્કિંગમાં નંબર-૧ છે. તેમજ T ૨૦ માં વિશ્વનો નંબર-૧ ઓલરાઉન્ડર હાર્દિક પંડ્યા છે.