Last Updated on by Sampurna Samachar
સ્મગલિંગનો નવો કિમીયો
કુલ ૯૪૮ ગ્રામ હાઈડ્રોપોનિક્સ ગાંજા જપ્ત કરાયો
(સંપૂર્ણ સમાચાર સેવા)
અમદાવાદ ઈન્ટરનેશનલ એરપોર્ટ પરથી સોનું અને હાઈબ્રિડ ગાંજા સહિતની હેરફેર સામે કસ્ટમ વિભાગ કડક કાર્યવાહી કરી રહ્યું છે. બેંગકોકથી આવેલી એક મહિલા એક કરોડનો હાઇબ્રીડ ગાંજા સાથે ઝડપાઈ હતી. આ મહિલા ચોકલેટના પેકેટની આડમાં ગાંજો છુપાવીને લાવી રહી હતી.
મળતી માહિતી અનુસાર, અમદાવાદ એરપોર્ટ પર કસ્ટમ્સના એર ઈન્ટેલિજન્સ યુનિટ દ્વારા હાઈડ્રોપોનિક્સ મરિજુઆના નામના ગાંજો ઝડપાયો છે. બાતમીને આધારે તપાસ કરતા બેંગકોકથી આવેલી ફ્લાઈટમાં એક મહિલા મુસાફરને રોકી તપાસ કરવામાં આવી હતી. આ દરમિયાન ટ્રાવેલિંગ બેગમાંથી ફૂડ અને ચોકલેટના કુલ ૯ પેકેટોમાં છુપાવેલું લીલા રંગનું પેકેટ મળી આવ્યું હતું.
NDPS એક્ટ હેઠળ કાર્યવાહી કરી મહિલા મુસાફરની ધરપકડ
પ્રાથમિક તપાસમાં આ પદાર્થ હાઇબ્રીડ ગાંજો હોવાનું સાબિત થયું હતું. કુલ ૯૪૮ ગ્રામ હાઈડ્રોપોનિક્સ ગાંજા જપ્ત કરવામાં આવ્યો છે. NDPS એક્ટ હેઠળ કાર્યવાહી કરી મહિલા મુસાફરની ધરપકડ કરીને વધુ તપાસ કરી રહી છે.
