Last Updated on by Sampurna Samachar
ભારતીય સેના અને અમૃતસર એરબેઝની માહિતી પાકિસ્તાન પહોંચાડી
આ કૃત્યમાં કોણ કોણ સામેલ તે અંગે વધુ તપાસ હાથ ધરાઇ
(સંપૂર્ણ સમાચાર સેવા)
પહેલગામ આતંકવાદી હુમલા બાદ પાકિસ્તાન સાથે વધી રહેલા દુશ્મનાવટ વચ્ચે અમૃતસરમાં બે પાકિસ્તાની જાસૂસો પકડાયા હોવાના સમાચાર સામે આવ્યા છે. જ્યાં અમૃતસર ગ્રામીણ પોલીસે શેર મસીહ અને સૂરજ મસીહ નામના બે લોકોની ધરપકડ કરી છે, જેમના પર પાકિસ્તાનની ગુપ્તચર એજન્સી ISI ના એજન્ટ હોવાનો આરોપ છે.
આરોપી પાકિસ્તાની જાસૂસ અમૃતસરમાં રહીને ભારતીય સેના અને અમૃતસર એરબેઝ સંબંધિત માહિતી પાકિસ્તાનને પહોંચાડતો હતો. એવું કહેવામાં આવી રહ્યું છે કે પાકિસ્તાનની ગુપ્તચર એજન્સીઓએ અમૃતસર જેલમાં બંધ હરપ્રીત સિંહ ઉર્ફે હેપ્પી દ્વારા આ લોકોનો સંપર્ક કર્યો હતો.
ISI એજન્ટો પાસેથી મળી ગંભીર માહિતી
આ બંને આરોપી અમૃતસર (AMRUTSAR) ના બલહડવાલના રહેવાસી છે. પોલીસ તપાસમાં પુષ્ટિ થઈ છે કે બંને જાસૂસો પાકિસ્તાનની ગુપ્તચર એજન્સી ISI માટે કામ કરતા હતા. આ ISI એજન્ટો ફોન દ્વારા સેનાની હિલચાલ અને અમૃતસર એરબેઝના ફોટા અને વીડિયો ISI ને મોકલી રહ્યા હતા. આ માટે તેને સિમ કાર્ડ અને ફોન આપવામાં આવ્યો હતો.
અમૃતસર પોલીસનું કહેવું છે કે આ મામલાની ગંભીરતાથી તપાસ કરવામાં આવી રહી છે. બંને આરોપીઓએ અત્યાર સુધી પાકિસ્તાનને કઈ માહિતી પૂરી પાડી છે અને તેની પાછળ તેમનો હેતુ શું હતો તેની તપાસ કરવામાં આવી રહી છે. આ કૃત્યમાં તેની સાથે અન્ય કોણ કોણ સંડોવાયું છે તે પણ શોધવાનો પ્રયાસ કરવામાં આવી રહ્યો છે.
પોલીસ તપાસમાં જાણવા મળ્યું છે કે આ ISI એજન્ટો પાસેથી આર્મી કેન્ટોનમેન્ટ અને એરબેઝ વિશે માહિતી ધરાવતા દસ્તાવેજો મળી આવ્યા હતા અને કેટલાક ફોટોગ્રાફ્સ પણ મળી આવ્યા હતા. આ આરોપીઓના પાકિસ્તાન ગુપ્તચર એજન્સી સાથેના જોડાણની તપાસ કરવામાં આવી રહી છે.
