Last Updated on by Sampurna Samachar
DBT દ્વારા સીધા લાભાર્થીઓના ખાતામાં ભંડોળ ટ્રાન્સફર થશે
આ યોજનાનો ખર્ચ આશરે ૨૪૨.૭૭ કરોડ થશે
(સંપૂર્ણ સમાચાર સેવા)
દિલ્હીવાસીઓ માટે ખુશીના સમાચાર છે. રેખા ગુપ્તાની દિલ્હી સરકાર દ્વારા હોળીથી મફત સિલિન્ડર યોજના શરૂ કરવા જઇ રહી છે. આ યોજના હેઠળ, DBT દ્વારા સીધા લાભાર્થીઓના ખાતામાં ભંડોળ ટ્રાન્સફર કરવામાં આવશે. બધા રેશનકાર્ડ ધારકોને મફત સિલિન્ડર મળશે.
માત્ર હોળી પર જ નહીં, પરંતુ દિલ્હીના રેશનકાર્ડ ધારકોને પણ દિવાળી પર મફત ગેસ સિલિન્ડર મળશે. દિલ્હીના મુખ્યમંત્રી કાર્યાલયે ૫ ફેબ્રુઆરીના રોજ સોશિયલ મીડિયા દ્વારા આ માહિતી શેર કરી હતી. પોસ્ટમાં કહેવામાં આવ્યું હતું કે, “મુખ્યમંત્રી રેખા ગુપ્તાના નેતૃત્વમાં, દિલ્હી સરકારે દિલ્હીના લોકોને આપેલું બીજું એક વચન પૂર્ણ કર્યું છે.
PNG નો ઉપયોગ કરનારાઓના ખાતામાં ૮૫૩ ટ્રાન્સફર કરાશે
હવેથી, બધા રેશનકાર્ડ ધારકોને દર વર્ષે હોળી અને દિવાળી પર મફત ગેસ સિલિન્ડર મળશે. આ વર્ષે હોળીથી શરૂ થનારી આ યોજના હેઠળ, ભંડોળ સીધા લાભાર્થીઓના ખાતામાં DBT દ્વારા ટ્રાન્સફર કરવામાં આવશે.”દેશવ્યાપી હોળીનો તહેવાર ૪ માર્ચે ઉજવવામાં આવશે. તે પહેલાં, દિલ્હીના રહેવાસીઓને મફત સિલિન્ડર મળશે. મફત દિવાળી સિલિન્ડર ૮ નવેમ્બર, ૨૦૨૬ ની આસપાસ ઉપલબ્ધ થશે.
દિલ્હી સરકારની આ યોજનાનો ખર્ચ આશરે ૨૪૨.૭૭ કરોડ થશે. મુખ્યમંત્રી રેખા ગુપ્તાએ કહ્યું, “અમે અમારા મેનિફેસ્ટોમાં એક વચન આપ્યું હતું. અમે આ યોજનાને કેબિનેટની બેઠકમાં પસાર કરી. અમે આ માટે ૨૪૨ કરોડ ફાળવ્યા છે. આ હોળી પર, અમે એક સિલિન્ડરની કિંમત, એટલે કે ૮૫૩, બધા રેશનકાર્ડ ધારકોના ખાતામાં ટ્રાન્સફર કરીશું. અમે PNG નો ઉપયોગ કરનારાઓના ખાતામાં પણ ૮૫૩ ટ્રાન્સફર કરીશું.”
