Last Updated on by Sampurna Samachar
જામનગરમાં મોબાઈલ ફોનના આધારે ક્રિકેટનો સટ્ટો રમનારા બે શખ્સો પકડાયા
મોબાઈલની આઈ.ડીમાંથી ક્રિકેટનો સટ્ટો રમી રહ્યા છે, તેવા શખ્સોને શોધી કાઢવા માટે પોલીસે કમર કસી છે
(સંપૂર્ણ સમાચાર સેવા)
આઇપીએલની ક્રિકેટ મેચ ધૂમ મચાવી રહી છે, ત્યારે જામનગર શહેરમાં કેટલાક જુગારીયા તત્વ પણ સક્રિયબન્યા છે અને પોતાના મોબાઈલની આઈ.ડીમાંથી ક્રિકેટનો સટ્ટો રમી રહ્યા છે, તેવા શખ્સોને શોધી કાઢવા માટેપોલીસે કમર કસી છે.
ગઈ રાત્રે જામનગર શહેરમાંથી બે શખ્સોને ઓનલાઈન જુગાર રમતા પકડી પાડ્યા છે, જ્યારે તેઓની પૂછપરછદરમિયાન બે બુકીના નામ ખુલ્યા છે.જામનગર શહેરના સિટી સી ડિવિઝન પોલીસ સ્ટેશન વિસ્તારમાં ક્રિકેટ સટ્ટાબાજી કરતા બે શખ્સોને પોલીસે રંગેહાથ ઝડપી પાડ્યા છે, જ્યારે બે આરોપી ફરાર હોવાનું સામે આવ્યું છે .
સટ્ટો રમનારા બે શખ્સો પકડાયા
પોલીસ માહિતી મુજબ, આરોપીઓ જાહેરમાં ઉભા રહી મોબાઇલ ફોન દ્વારા હાલમાં ચાલી રહેલી ઇન્ડિયનપ્રીમિયર લીગ (આઈ.પી.એલ.) ટી–૨૦ ક્રિકેટ મેચ પર સટ્ટાબાજી કરી રહ્યા હતા. ખાસ કરીને આર.સી.બી. અનેએલ.એસ.જી. વચ્ચે ચાલી રહેલી મેચ દરમિયાન રનફેર તથા હાર–જીતના સોદા કરવામાં આવી રહ્યા હતા.
ઝડપાયેલા આરોપીઓમાં મયુર રાજેશભાઈ ફલીયા અને મિતેશ મુકેશભાઈ નંદા , (બંને રહે. પવનચક્કી ઢાળીયા નીચે, જામનગર)નો સમાવેશ થાય છે. જ્યારે ભાવિન પ્રકાશભાઈ ફલીયાતથા અન્ય એક વ્યક્તિને ફરાર જાહેર કરાયા છે, અને તેમની શોધખોળ ચાલુ છે.
પોલીસ રેઇડ દરમિયાન આરોપીઓ પાસેથી રોકડ રૂપિયા ૧,૦૦૦ તથા બે મોબાઇલ ફોન મળી કુલ રૂપિયા૧૧,૦૦૦નો મુદ્દામાલ કબ્જે કરવામાં આવ્યો છે. તપાસમાં ખુલ્યું છે કે આરોપી નં.૧ પોતાના મોબાઇલમાં “ઓલપેનલ એક્સચેન્જ” નામની આઈડી મારફતે સટ્ટો ચલાવતા હતા, જ્યારે આરોપી નં. ૨ લાઈવ મેચનો સ્કોર જોઈ ફોન દ્વારા સોદા કરતા હતા.
આ સમગ્ર સટ્ટાબાજી ફરાર આરોપી ભાવિન ફલીયાના માર્ગદર્શન હેઠળ ચાલી રહીહતી. આ અંગે જામનગર સિટી સી ડિવિઝન પોલીસ સ્ટેશનમાં જાહેર જુગાર અધિનિયમ હેઠળ કલમ ૧૨ મુજબગુનો નોંધવામાં આવ્યો છે. પોલીસ દ્વારા ફરાર આરોપીઓને ઝડપી પાડવા માટે વધુ તપાસ હાથ ધરવામાં આવી રહી છે.
