Last Updated on by Sampurna Samachar
જસદણમાં હોસ્ટેલ ગૃહપતિએ વિદ્યાર્થીઓ સાથે અભદ્ર કૃત્ય કરતા રોષ
પોલીસે ગૃહપતિની ધરપકડ કરી
(સંપૂર્ણ સમાચાર સેવા)
ભારતીય સંસ્કૃતિમાં ગુરુ અને શિષ્ય વચ્ચેના સંબંધને અતિ ઉચ્ચ દરજ્જો આપવામાં આવ્યો છે. ત્યારે હવે ગુરુ દ્વારા સબંધને શર્મસાર કરતો કિસ્સો સામે આવ્યો છે. જેમાં રાજકોટ જિલ્લાના જસદણ તાલુકાના આંબરડી ગામની જીવનશાળાની હોસ્ટેલમાં હોસ્ટેલના ગૃહપતિએ હોસ્ટેલમાં રહેતા ૧૪ વર્ષના તરૂણની સાથે સૃષ્ટિ વિરુદ્ધનું કૃત્ય આચર્યું હોવાનું સામે આવતાં ચકચાર મચી છે.
ગુરુ શબ્દને લાંછન લગાવનારાના ગૃહપતિએ ન કરવાનું કર્યું હોવાની ફરિયાદ નોંધાવાતાં ફીટકાર વરસી રહ્યો છે. પોલીસે ગૃહપતિ અને આચાર્ય સામે પોકસો, એટ્રોસિટી સહિતની કલમો હેઠળ ગુનો નોંધી ગૃહપતિ કિશન ગાગડીયાની ધરપકડ કરી વધુ તપાસ શરૂ કરી છે.
આચાર્યને રજૂઆત કરતાં તે પણ સામેલ થઇ ગયો
મળતી માહિતી અનુસાર જસદણના આંબરડી ગામે આવેલ જીવનશાળાની હોસ્ટેલના ગૃહપતિ કિશન ગાગડીયા અને આચાર્ય રત્ના રાઘવાણી સામે સગીરના વાલીએ પોલીસ ફરિયાદ નોંધાવી છે. ૧૪ વર્ષના વિદ્યાર્થીએ કિશન ગાવડિયા સામે લાજ શરમ નેવે મૂકીને અત્યંત અભદ્ર વર્તન કર્યું હોવાનો આરોપ મૂક્યો છે.
અમુક વિદ્યાર્થીઓને જર્જરિત રૂમમાં લઈ જઈને નગ્ન કરાવતો અને બાદમાં ન કરવાના કૃત્ય કરવામાં આવતાં હતા. આ અંગે તેણે અગાઉ આચાર્ય રત્ના રાઘવાણીને રજૂઆત કરી હતી પરંતુ કોઇ કાર્યવાહી કરવાને બદલે એ પણ આ કૃત્યમાં સામેલ થઇ જતાં તરૂણે પોતાના વાલીએ આ સમગ્ર બનાવથી વાકેફ કર્યા હતા અને આખો મામલો પોલીસ મથક સુધી પહોંચ્યો હતો. જસદણ પોલીસે ગૃહપતિ અને આચાર્ય સામે પોક્સો, એટ્રોસિટી સહિતની કલમો હેઠળ ગુનો નોંધી ગૃહપતિની ધરપકડ કરી છે.
જસદણના આંબરડી ગામે જીવનશાળા સંસ્થાના હોસ્ટેલમાં ગૃહપતિ વિદ્યાર્થીઓને રૂમમાં બોલાવી ગંદી હરકતો કરતો હોવાથી આ બાબતે વિદ્યાર્થી અને વાલીઓ દ્વારા આચાર્ય ને પણ રજૂઆત કરતા હોસ્ટેલમાં આવું જ ચાલશે તેવો ઉડાવ જવાબ આપ્યો હતો. સાથે ગૃહપતિ ૧૪ વર્ષના બાળકો સાથે વિકૃત સેક્સુઅલ હેરેસમેન્ટ કરતો હતો સાથે વિદ્યાર્થી દ્વારા પોતાના વાલીને આ બાબતે ફોન કરીને હોસ્ટેલમાં આવી ગંદી હરકતો કરવામાં આવતી હોવાનું કહ્યું જેની ઓડિયો કલીપ સામે આવી હતી. સાથે વિદ્યાર્થીઓને અલગ જર્જરિત રૂમમાં બેસાડવામાં આવતા હોવાનો આક્ષેપ વાલીએ કર્યો હતો.
જસદણ પોલીસે પોકસો, એન્ટ્રોસિટી, સહિતની કલમો હેઠળ ગૃહપતિ અને આચાર્ય સામે ફરિયાદ નોંધી છે. સાથે ફરિયાદ બાદ પોલીસે ગૃહપતિ કિશન ગાગડીયાની ધરપકડ કરી છે,સાથે આચાર્યએ મદદગારી કરી હોવાથી તેની ધરપકડ કરવાની હજુ બાકી છે. આંબરડી જીવનશાળા હોસ્ટેલના આચાર્ય આ બાબતે હું કઈ જાણતો નથી,સાથે મને આવી કોઈ ક્યારે ફરિયાદ મળી નથી,મારુ નામ કદાચ બદનામ કરવા માટે લખાવ્યું હોય શકે.
