Last Updated on by Sampurna Samachar
જનતાના દરબારમાં ગેરહાજર મંત્રીઓ સોશિયલ મીડિયા પર હાજર
પ્રજાના પ્રશ્નો હલ કરવાને બદલે સોશિયલ મીડિયામાં રીલ્સ બનાવી ફોલોઅર્સ વધારવા ભાજપ સરકારના મંત્રીઓમાં હોડ જામી છે.
(સંપૂર્ણ સમાચાર સેવા)
ગુજરાતમાં ભૂપેન્દ્ર પટેલ સરકારના મંત્રીઓ ગ્રાઉન્ડ ઝીરોમાં કામ કરવામાં સક્ષમ નથી. આ કારણોસર પ્રજાનાદરબારમાં ગેરહાજર મંત્રીઓ ફેસબુક, ટ્વિટર, ઇન્સ્ટાગ્રામ હાજર દેખાઈ રહ્યા છે.
લોકો વચ્ચે જવું અઘરું બન્યું છે પરિણામે મંત્રીઓને જાણે સોશિયલ મીડિયામાં ફોલોઅર્સ વધારવાનું ઘેલું લાગ્યું છે. એટલું જ નહીં, ફોટા, નિવેદન, રીલ્સ બનાવી મંત્રીઓ જાણે ઇન્ફ્લુએન્સર બન્યા હોય તેવું ચિત્ર ઉપસ્યું છે.
૩૦ વર્ષથી ગુજરાતમાં ભાજપનું અડીખમ શાસન
પ્રજાના પ્રશ્નો હલ કરવાને બદલે સોશિયલ મીડિયામાં રીલ્સ બનાવી ફોલોઅર્સ વધારવા ભાજપ સરકારનામંત્રીઓમાં હોડ જામી છે. છેલ્લા ૩૦ વર્ષથી ગુજરાતમાં ભાજપનું અડીખમ શાસન છે. વિપક્ષનો તો જાણે એકડોનીકળી ગયો છે. ગુજરાતમાં ગ્રાઉન્ડ પર પ્રજાની સમસ્યાઓ ઠેરની ઠેર છે. આમ જનતાનું કોઈ સાંભળનાર નથી.
સરકારી કચેરીઓમાં પૈસા આપ્યા વિના કામો થતાં નથી. દલાલોએ કચેરીઓ પર કબજો મેળવી લીધો છે. ભ્રષ્ટ અધિકારી અને મળતિયાઓ ધૂમ કમાણી કરી રહ્યા છે. પ્રાથમિક અને માળખાકીય સુવિધાના અભાવેલોકોની મુશ્કેલીઓનો કોઈ પાર નથી.
આ સંજોગોમાં કોઈને વિકાસ દેખાય કે નહીં પણ મંત્રીઓના ફેસબુક, ઇન્સ્ટાગ્રામ પર વિકાસ જ વિકાસ દેખાઈ રહ્યો છે.ઉલ્લેખનીય છે કે, સ્થાનિક સ્વરાજ્યની ચૂંટણીમાં ભાજપે સોશિયલ મીડિયામાં વધુ ફોલોઅર્સ હોય તેવા ઉમેદવારોને પ્રાધાન્ય આપ્યું હતું ત્યારે આ તરફ, ભાજપમાંમંત્રીઓના માથે પણ ડીજીટલ ભૂત સવાર થયું છે.
ચૂંટણી જીત્યા બાદ મંત્રીઓએ જનસંપર્કને વધુ મહત્વઆપવાનું ટાળ્યું છે.પ્રસાર–પ્રચારના માધ્યમથી લોકપ્રિયતા મેળવવા મુખ્યમંત્રી ભૂપેન્દ્ર પટેલ અને નાયબમુખ્યમંત્રી હર્ષ સંઘવી વચ્ચે રીતસર સોશિયલ મીડિયા વોર જામ્યો છે. મુખ્યમંત્રી માટે તો માહિતી વિભાગનાપગારદાર અધિકારી, કર્મચારીઓ કામ કરી રહ્યા છે પણ હર્ષ સંઘવીને જાણે સરકારી તંત્ર પર ભરોસો રહ્યોનથી.
ફેસબુક, ઇન્સ્ટાગ્રામ પર પળેપળ ડિજિટલ હાજરી માટે હર્ષ સંઘવી ખુદ મેદાને પડ્યા છે. માહિતી વિભાગમુખ્યમંત્રીની લોકપ્રિયતા માટે કસમકશ કરી રહ્યું છે તો, હર્ષ સંઘવી પણ સોશિયલ મીડિયામાં ખૂબ જ એક્ટિવછે. ‘હું જ ગુજરાતનો નાથ છું‘ એવો ધૂમ પ્રચાર કરવા પાછળ પીઆર એજન્સી કામે લાગી હોવાની ચર્ચાઈ રહ્યુંછે.
ઘણા મંત્રીઓએ સોશિયલ મીડિયા કંપનીઓને કામ સોંપ્યું છે. પ્રત્યેક લોકો સુધી પહોંચવું શક્ય નથી ત્યારેસોશિયલ મીડિયા એ નવા જમાનાનું શસ્ત્ર સાબિત થયું છે ત્યારે યુવા મતદારો સુધી પહોંચવા સરકારે પણપોતાના મંત્રીઓ પર નજર રાખી છે. હાલ ઘણા મંત્રી–નેતાઓએ પણ આઈટી કંપનીઓને ભાડે રાખી હોવાનુંકહેવાય છે.
કયા મંત્રી ક્યાં કેટલા મજબુતસૌથી વધુ ફોલોઅર્સ: રિવાબા જાડેજા ઇન્સ્ટાગ્રામ પર ૨.૬ મિલિયન (૨૬ લાખ) સાથે મોખરે છે.ફેસબુક પર દબદબો: રિવાબા જાડેજા અને હર્ષ સંઘવી બંને ૧ મિલિયનથી વધુ ફોલોઅર્સ ધરાવે છે.X : મુખ્યમંત્રી ભૂપેન્દ્ર પટેલ સૌથી વધુ ૯.૬૭ લાખ ફોલોઅર્સ ધરાવે છે.
