Last Updated on by Sampurna Samachar
ફાસ્ટ બોલર બુમરાહ ટીમમાં પાછો ફર્યો
એક જીત સાથે આઠમા સ્થાને છે મુંબઇની ટીમ
(સંપૂર્ણ સમાચાર સેવા)
IPL ૨૦૨૫ માં ખરાબ પ્રદર્શન કરી રહેલી પાંચ વખતની ચેમ્પિયન મુંબઈ ઈન્ડિયન્સ માટે સારા સમાચાર છે, જ્યાં ટીમનો સ્ટાર ફાસ્ટ બોલર જસપ્રીત બુમરાહ (BUMRAH) ટીમમાં જોડાયો છે. ખરેખર, ભારતીય ટીમનો અનુભવી ઝડપી બોલર બુમરાહ લાંબા સમયથી ઘાયલ હતો. ઈજાને કારણે તે વર્તમાન IPL સીઝનની ચાર મેચ રમી શક્યો નહીં.
જાન્યુઆરીમાં સિડનીમાં ભારત વિરુદ્ધ ઓસ્ટ્રેલિયાની પાંચમી ટેસ્ટ દરમિયાન ઈજાગ્રસ્ત થયા બાદ બુમરાહ બેંગલુરુના સેન્ટર ઓફ એક્સેલન્સમાં હતો. તેમને કમરના દુખાવાની તકલીફ હતી. જેના કારણે તેમને ચેમ્પિયન્સ ટ્રોફી ૨૦૨૫ માટે ભારતની ટીમમાંથી બહાર કરવામાં આવ્યા હતા. જોકે, રોહિત શર્માના નેતૃત્વમાં, ટીમ ઈન્ડિયાએ શાનદાર પ્રદર્શન કર્યું અને ૧૨ વર્ષ પછી તેમના વિના ખિતાબ જીત્યો હતો.
બુમરાહ સ્ટ્રેસ ફ્રેક્ચરના કારણે હતો ક્રિકેટથી દુર
મુંબઈ ટીમમાં બુમરાહનું પુનરાગમન ટીમ માટે મોટો પ્રોત્સાહન હશે, ખાસ કરીને ટ્રેન્ટ બોલ્ટની હાજરી અને યુવા ઝડપી બોલર અશ્વિની કુમારના પ્રભાવશાળી પ્રદર્શન છતાં તેમની બોલિંગ નબળી દેખાઈ રહી છે તે ધ્યાનમાં લેતા.
આનું કારણ એ છે કે ટીમ અગાઉ ઈજા પછી તરત જ તેને રમવા અંગે સાવધ રહી હતી. મુંબઈની ટીમ હાલમાં IPL ૨૦૨૫ પોઈન્ટ ટેબલમાં ચાર મેચમાંથી એક જીત સાથે આઠમા સ્થાને છે. જો ટીમ પોતાની પ્લેઓફની આશા જીવંત રાખવા માંગતી હોય, તો તેણે હવે કેટલીક મેચ જીતવી પડશે.
બુમરાહ વિશે વાત કરીએ તો, તે જાન્યુઆરી ૨૦૨૫ થી નેશનલ ક્રિકેટ એકેડેમીમાં રિહેબ પર હતો. પહેલા એવી અપેક્ષા રાખવામાં આવી હતી કે તે ચેમ્પિયન્સ ટ્રોફી માટે ફિટ થઈ જશે, પરંતુ એવું થયું નહીં. તેમના સ્થાને હર્ષિત રાણાની ટીમમાં પસંદગી કરવામાં આવી. આ પહેલા પણ બુમરાહ સ્ટ્રેસ ફ્રેક્ચરના કારણે લાંબા સમયથી ક્રિકેટથી દૂર હતો.
વર્ષ ૨૦૨૩ માં, તેમને પીઠની સર્જરી પણ કરાવવી પડી. તે IPL ૨૦૨૩ અને ઓસ્ટ્રેલિયા સામેની વર્લ્ડ ટેસ્ટ ચેમ્પિયનશિપ ફાઇનલમાંથી પણ બહાર થઈ ગયો હતો. જોકે, જ્યારે તે પાછો ફર્યો. ત્યારે બુમરાહનું પ્રદર્શન જોરદાર હતું. તે ટીમ ઈન્ડિયાને T૨૦ વર્લ્ડ ચેમ્પિયન બનાવવાના શિલ્પી હતો. પછી બોર્ડર ગાવસ્કર ટ્રોફી ૨૦૨૪ માં, કાંગારૂઓમાં તેનો ડર જોવા લાયક હતો. IPL વાત કરીએ તો, બુમરાહે મુંબઈ માટે અત્યાર સુધીમાં ૧૩૩ મેચ રમી છે અને કુલ ૧૬૫ વિકેટ ઝડપી છે.
