Last Updated on by Sampurna Samachar
જોતજોતામાં બંને વાહનો આગની ઝપેટમાં આવી ગયા
શોર્ટ સર્કિટથી આગ લાગ્યાની આશંકા
(સંપૂર્ણ સમાચાર સેવા)
અમદાવાદના રિવરફ્રન્ટ વિસ્તારમાં એકાએક બે ટૂ-વ્હીલરમાં આગ લાગવાની માહિતી મળી હતી. ધોમધખતા તાપ વચ્ચે રસ્તા પર ઉભેલા બે વાહનો અચાનક આગની લપેટમાં આવી ગયા હતા. આ ઘટનાની જાણ થતા જ ફાયર બ્રિગેડનો કાફલો ઘટનાસ્થળે પહોંચી ગયો હતો અને ભારે જહેમત બાદ આગ પર કાબૂ મેળવ્યો હતો.
પ્રાથમિક માહિતી અનુસાર, આ આગ લાગવાનું કારણ શોર્ટ સર્કિટ હોવાનું મનાઈ રહ્યું છે. રિવરફ્રન્ટ પર પાર્ક કરેલા અથવા પસાર થઈ રહેલા વાહનોમાં અચાનક ધુમાડા નીકળ્યા બાદ આગની જ્વાળાઓ જોવા મળી હતી. જોતજોતામાં બંને વાહનો આગની ઝપેટમાં આવી ગયા હતા. સદનસીબે, આ દુર્ઘટનામાં કોઈ જાનહાનિ થઈ નથી, પરંતુ વાહનોને ભારે નુકસાન પહોંચ્યું છે.
ઈલેક્ટ્રિક વાહનોના સેલ અને વાયરિંગ જોખિમ સાબિત થયા
નિષ્ણાતોના જણાવ્યા અનુસાર, ઉનાળાના આકરા તાપમાં ખાસ કરીને ઈલેક્ટ્રિક વાહનો ની બેટરી ગરમ થવાને કારણે આગ લાગવાની ઘટનાઓ વધી રહી છે. અમદાવાદમાં છેલ્લા કેટલાક દિવસોથી તાપમાન ૪૦ ડિગ્રીને પાર પહોંચી રહ્યું છે, જે ઈલેક્ટ્રિક વાહનોના સેલ અને વાયરિંગ માટે જોખમી સાબિત થઈ શકે છે. આગની જાણ થતા જ ફાયર ફાઈટરો તાત્કાલિક ઘટનાસ્થળે પહોંચ્યા હતા અને પાણીનો મારો ચલાવી આગને વધુ પ્રસરતી અટકાવી હતી.
