Last Updated on by Sampurna Samachar
આણંદના સાંસેજમાં ચૂંટણી દરમિયાન ફરજ બજાવી રહેતા કર્મચારીનું મૃત્યુ
કર્મચારી અમિત સોલંકીનું મૃત્યુ થયું છે : ફરજ દરમિયાન અમૃત સોલંકી એકદમ અચાનક જ ઢળી પડ્યાં હતા
(સંપૂર્ણ સમાચાર સેવા)
સ્થાનિક સ્વરાજની ચૂંટણી માટે આજે રાજ્ય ચૂંટણી આયોગની જાહેરાત મુજબ આજે એટલે કે ૨૬ એપ્રિલ, ૨૦૨૬ના રોજ રાજ્યની ૧૫ મહાનગરપાલિકાઓ, ૮૪ નગરપાલિકાઓ, ૩૪ જિલ્લા પંચાયતો અને ૨૬૦ તાલુકા પંચાયતોની ચૂંટણી માટે મતદાન થઇ રહ્યં છે.
મતદાન દરમિયાન આણંદના સાંસેજમાંથી એક દુ:ખદ સમચારા સામે આવ્યાં છે. આણંદના સાંસેજમાં બુથ નં.૧ના કર્મચારી અમિત સોલંકીનું મૃત્યુ થયું છે. ફરજ દરમિયાન અમૃત સોલંકી એકદમ અચાનક જ ઢળી પડ્યાં હતા. હાર્ટ અટેકના કારણે મોત થયાની આશંકા સેવાઇ રહી છે. મૃતદેહને PM માટે તારાપુર સરકારી હોસ્પિટલ લઇ જવાયા છે. પીએમ રિપોર્ટ બાદ જ મૃત્યુનું સાચું કારણ સામે આવશે, મૃતક અમિત સોલંકી સાંસેજ ગ્રામપંચાયતમાં પટાવાળા તરીકે ફરજ બજાવતા હતા.
પોલીસ જવાને ધ્યાને લીધી અને યુવકને પોતાનો અધિકાર અપાવ્યો
સ્થાનિક સ્વરાજની ચૂંટણીના મતદાનમાં દિવ્યાંગજનોએ પણ મત આપીને નાગરિક તરીકેની પોતાની ફરજ નિભાવી છે. અમદાવાદના ઇલાબા ઝાલા નામના ૭૦ વર્ષિય વૃદ્ધા પેરાલિસિસ હોવા છતા પણ મતદાન મથકે પહોંચ્યા અને પોતાના મતાધિકારનો ઉપયોગ કર્યો હતો.
રાજકોટના ધોરાજીના ઝાંઝમેર ખાતે એક દિવ્યાંગ યુવકે વ્હીલચેર પર મતદાન મથકે પહોંચીને એક નાગરિક તરીકેની પોતાની ફરજ અદા કરી હતી. ગાંધીનગરના કલોલના પોલિયોગ્રસ્ત દંપત્તીએ પુત્રી સાથે મતદાન મથકે પહોંચીને પોતાના મતાધિકારનો ઉપયોગ કર્યો હતો. દિનેશભાઈ અને મોનાબેનનું કહેવું છે કે, મજબૂત રાષ્ટ્રના નિર્માણ માટે શારીરિક ક્ષમતા નહીં, પણ મજબૂત ઈચ્છાશક્તિની જરુર હોય છે.
નવસારીમાં પોલીસે પણ પોતાની ઉમદા ફરજ બજાવી. વૃદ્ધો અને દિવ્યાંગજનોને સહારો આપીને મતદાન મથક સુધી પહોંચાડ્યા. નાગરિકોની પડખે ઉભા રહી ખાખીધારીઓએ નાગરિકોને પોતાના મતાધિકાર મેળવવામાં મદદ કરી..
કચ્છના એક દિવ્યાંગ યુવકને તેડીને પોલીસ બૂથ સુધી લઇ ગઇ હતી અને વોટિંગ કરાવ્યું હતું. આ યુવક શારીરિક દિવ્યાંગતાના કારણે મત આપવાથી વંચિત ન રહી જાય તે બાબત પણ પોલીસ જવાને ધ્યાને લીધી અને યુવકને પોતાનો અધિકાર અપાવ્યો.
