Last Updated on by Sampurna Samachar
આતંકવાદીઓ વિરુદ્ધ કડક અને નિર્ણાયક કાર્યવાહી જરૂરી
આતંકવાદનો ઉદ્દેશ્ય યુદ્ધ નહીં સમાજને ભયથી અપંગ કરવાનો
(સંપૂર્ણ સમાચાર સેવા)
પહેલગામમાં આતંકવાદી હુમલામાં ૨૬ નિર્દોષ લોકોએ જીવ ગુમાવ્યા હતા. આ ઘટના બાદ સમગ્ર વિશ્વમાં આક્રોશ જોવા મળી રહ્યો છે. તેમજ વિશ્વના તમામ દેશોએ આ ઘટનાની નિંદા કરી છે. આધ્યાત્મિક ગુરુ સદગુરુ શ્રીશ્રી રવિશંકરે પણ આતંકવાદીઓ સામે કડક કાર્યવાહીની માંગ કરી છે. તેમણે કહ્યું છે કે આતંકવાદીઓ વિરુદ્ધ કડક અને નિર્ણાયક કાર્યવાહી થવી જોઈએ.
સદગુરુએ કહ્યું છે કે આતંકવાદનો ઉદ્દેશ્ય સમાજને ભયથી અપંગ કરવાનો છે. આની સાથે કડક કાર્યવાહી કરવાની જરૂર છે. પહેલગામ હુમલા પર આકરી પ્રતિક્રિયા આપતા સદગુરુએ કહ્યું હતું કે જો આપણે આ દેશની સાર્વભૌમત્વને જાળવવી હોય તો આ તત્વો સાથે કડકાઈથી કાર્યવાહી કરવી જોઈએ અને નિશ્ચય સાથે લાંબા ગાળાના પ્રયાસો કરવા જોઈએ.
આ પરિસ્થિતિમાં સૌએ સાથે મળીને ચાલવુ જોઇએ
સોશિયલ મીડિયા સાઈટ X પર પોતાની પોસ્ટમાં સદગુરુએ કહ્યું કે આતંકવાદનો ઉદ્દેશ્ય યુદ્ધ નથી પરંતુ સમાજને ભયથી અપંગ કરવાનો છે. તેનો ઉદ્દેશ્ય આતંક ફેલાવવાનો, સમાજમાં ભાગલા પાડવાનો, દેશના આર્થિક વિકાસને પાટા પરથી ઉતારવાનો અને દરેક સ્તરે અરાજકતા ફેલાવવાનો છે.
જો આપણે આ દેશની સાર્વભૌમત્વ જાળવવી અને તેનું જતન કરવું હોય, તો આ તત્વો સાથે સખત અને મજબૂત લાંબા ગાળાના સંકલ્પ સાથે સામનો કરવો જોઈએ. આધ્યાત્મિક ગુરુ શ્રી શ્રી રવિશંકરે કહ્યું છે કે દુ:ખ અને ગુસ્સાની આ ઘડીમાં આખી દુનિયાએ સાથે આવવું જોઈએ અને આતંકવાદીઓને તેમનું અસલી સ્થાન બતાવવું જોઈએ.
દરેક સમજુ વ્યક્તિ આની નિંદા કરશે, પણ હવે માત્ર નિંદા કરવી પુરતી નથી , કાર્યવાહી પણ જરૂરી છે. બધાએ સાથે આવવું જોઇએ અને તે લોકોને ઘેરી લેવા જોઈએ જેઓ આ પ્રકારની આતંકવાદી માનસિકતામાં ઢંકાઈ ગયા છે. દુનિયામાં જ્યાં પણ આ પ્રકારની માનસિકતાને પ્રોત્સાહન આપવામાં આવી રહ્યું છે, તેને જડમૂળથી ઉખેડી નાખવું જોઈએ. આ અમાનવીય વર્તનને કારણે નિર્દોષ લોકો મરી રહ્યા છે, જે બંધ થવી જોઈએ.
ઉલ્લેખનીય છે કે પહેલગામ પહોંચેલા કેન્દ્રીય ગૃહમંત્રી અમિત શાહે સ્પષ્ટ ચેતવણી આપી છે. તેમણે કહ્યું છે કે ભારત આતંકવાદ સામે ઝૂકશે નહીં. તેમણે એ પણ જાહેર કર્યું કે આ ઘાતકી આતંકવાદી હુમલાના ગુનેગારોને કોઈપણ સંજોગોમાં છોડવામાં આવશે નહીં.
