Last Updated on by Sampurna Samachar
૧૦ દિવસ પહેલાં જ દુબઈથી પરત ફર્યો હતો પતિ
ઘરથી ૫૫ કિલોમીટર દૂર ખેતરમાં ફેંકી દેવાયા હતા મૃતદેહના ટુકડા
(સંપૂર્ણ સમાચાર સેવા)
ઉત્તર પ્રદેશમાં પત્નીએ પતિને મોતને ઘાટ ઉતારી મૃતદેહના ટુકડા કરવામાં આવ્યાનો ચકચારી કિસ્સો સામે આવ્યો છે. મળતી માહિતી મુજબ દેવરિયા જિલ્લામાં એક હૃદયદ્રાવક ઘટના બની છે. જેમાં પત્ની રઝિયાએ તેના પતિ નૌશાદ અહમદની હત્યા કર્યા બાદ તેના મૃતદેહને ટ્રોલી બેગમાં ભરીને ઘરથી ૫૫ કિલોમીટર દૂર ખેતરમાં ફેંકી દીધી હતી. નૌશાદ ૧૦ દિવસ પહેલાં જ દુબઈથી પરત ફર્યો હતો. પોલીસની તપાસમાં જાણવા મળ્યું કે રઝિયાનો તેના ભાણેજ સાથે પ્રેમ-સંબંધ ચાલી રહ્યો હતો.
મળતા અહેવાલ મુજબ, ઉત્તરપ્રદેશના છાપર પટખૌલી ગામના ખેડૂત સવારે ખેતરમાં પહોંચ્યા. ત્યાં તેમને એક ટ્રોલી બેગ નકામી પડેલી મળી હતી. તેમણે આની જાણ પોલીસને કરી અને પોલીસે ઘટનાસ્થળે પહોંચીને તપાસ શરૂ કરી. ટ્રોલી બેગમાં એરપોર્ટનો બારકોડ હોવાથી શબની ઓળખ થઈ શકી હતી.
પત્નીએ પતિની હત્યાનો ગુનો કબુલ્યો
પોલીસના જણાવ્યા મુજબ, શબની ઓળખ ભટૌલી ગામના રહેવાસી નૌશાદ અહમદ તરીકે થઈ છે. આ કેસમાં પત્ની રઝિયાએ પૂછપરછ દરમિયાન પોતાના પતિની હત્યાનો ગુનો કબૂલી લીધો છે. જોકે તેનો પ્રેમી ભાણેજ હજુ ફરાર છે, અને પોલીસ તેને શોધી રહી છે.
હાલમાં જ પત્નીઓ દ્વારા પતિની હત્યાનાં ષડયંત્ર રચવાના અનેક કિસ્સા જોવા મળ્યા છે, તેમાં રઝિયા-નૌશાદનો કિસ્સો પણ હવે ઉમેરાયો છે. થોડા સમય પહેલાં મેરઠમાં સૌરભની હત્યા કરીને તેની પત્ની મુસ્કાને શબને ડ્રમમાં ભરી દીધું હતું. તેવી જ રીતે, અમિતની પત્નીએ તેનો ગળું દબાવીને હત્યા કરી હતી. આ તમામ કેસોમાં પત્નીના ગેરકાયદેસર સંબંધોની વાત જાહેર થઈ છે.
ઉત્તર પ્રદેશના દેવરિયા જિલ્લામાં નૌશાદ અહમદની હત્યાના કેસમાં પોલીસે તપાસ ઝડપથી શરૂ કરી હતી. આ ઘટના તરકુલવા પોલીસ સ્ટેશન વિસ્તારના પકડી છાપર પટખૌલી ગામમાં બની, જ્યાં ૨૦ એપ્રિલ ૨૦૨૫ના રોજ સવારે ખેતરમાં એક તરછોડાયેલી ટ્રોલી બેગ મળી હતી. પોલીસે ઘટનાસ્થળે પહોંચીને ટ્રોલી બેગની તપાસ કરી. બેગ પર એરપોર્ટનું બારકોડ હોવાથી શબની ઓળખ નૌશાદ અહમદ તરીકે થઈ. નૌશાદ ૧૦ દિવસ પહેલાં દુબઈથી પરત ફર્યો હતો.
પોલીસે નૌશાદની પત્ની રઝિયાની પૂછપરછ કરી, જેમાં તેણે પોતાના પતિની હત્યાનો ગુનો કબૂલ્યો. તપાસમાં જાણવા મળ્યું કે રઝિયાનો તેના ભાણેજ સાથે પ્રેમ-સંબંધ હતો, જે આ હત્યા પાછળનું મુખ્ય કારણ હોવાનું માનવામાં આવે છે. રઝિયાનો પ્રેમી ભાણેજ હજુ ફરાર છે. પોલીસે તેની શોધ માટે ટીમો બનાવી છે અને આસપાસના વિસ્તારોમાં તપાસ ચલાવી રહી છે. પોલીસ ટેકનિકલ અને મેન્યુઅલ સર્વેલન્સનો ઉપયોગ કરીને આરોપીનો પીછો કરી રહી છે.
પોલીસે ટ્રોલી બેગ અને તેની આસપાસના વિસ્તારમાંથી પુરાવા એકત્ર કર્યા છે. હત્યાના હથિયાર અને અન્ય સાધનોની શોધ ચાલુ છે. બેગને ૫૫ કિલોમીટર દૂર ફેંકવામાં આવી હોવાથી, પોલીસ રસ્તાઓ અને CCTV ફૂટેજની પણ તપાસ કરી રહી છે.
