Last Updated on by Sampurna Samachar
મોંઘવારી ભથ્થુ વધારીને કર્મચારીઓને મોંઘવારીમાં આપી રાહત
૯ જુલાઈ, ૨૦૨૫ ના રોજ એક આદેશ જાહેર
(સંપૂર્ણ સમાચાર સેવા)
જાહેર ક્ષેત્રના ઉપક્રમો (PSU) માં કામ કરતા કેન્દ્રીય કર્મચારીઓ માટે એક મોટા સમાચાર આવ્યા છે. સરકારે તેમના મોંઘવારી ભથ્થામાં મોટો વધારો જાહેર કર્યો છે. હવે તેમનો મોંઘવારી ભથ્થું વધીને ૭૫૮.૩ ટકા થઈ ગયું છે. કેન્દ્ર સરકારના એક નાયબ સચિવ સ્તરના અધિકારીએ આ વધારાની માહિતી આપી છે. આ ર્નિણય એવા સમયે આવ્યો છે જ્યારે મોંઘવારી સતત વધી રહી છે અને તેનો સીધો લાભ હજારો જાહેર ક્ષેત્રના કર્મચારીઓને મળશે.
ડેપ્યુટી સેક્રેટરી ડૉ. પી.કે. સિંહાના જણાવ્યા અનુસાર, આ વધારો બોર્ડ સ્તરથી નીચેના બોર્ડ સ્તરના અધિકારીઓ અને કેન્દ્રીય જાહેર ક્ષેત્રના ઉપક્રમો (CPSE) માં ૧૯૮૭ અને ૧૯૯૨ના IDA (ઔદ્યોગિક મોંઘવારી ભથ્થા) પગાર ધોરણ પર કામ કરતા સુપરવાઈઝર માટે મોંઘવારી ભથ્થું (DA) માં કરવામાં આવ્યો છે. આ સંદર્ભમાં, ડિપાર્ટમેન્ટ ઓફ પબ્લિક એન્ટરપ્રાઈઝ (DPE) એ ૯ જુલાઈ, ૨૦૨૫ ના રોજ એક આદેશ જાહેર કર્યો છે. મોંઘવારી ભથ્થાના આ નવા દરને ૧ જુલાઈ, ૨૦૨૫થી લાગુ ગણવામાં આવશે.
મોંઘવારી ભથ્થાના નવા દર શું હશે?
આદેશ મુજબ, માર્ચ ૨૦૨૫ થી મે ૨૦૨૫ ના ત્રિમાસિક ગાળા માટે સરેરાશ ગ્રાહક ભાવ સૂચકાંક (AICPI) (૧૯૬૦=૧૦૦) ૯૪૩૩ હતો, જેના આધારે આ વધારો ૭૫૮.૩% નક્કી કરવામાં આવ્યો છે. આ મુજબ, નવા દર નીચે મુજબ હશે :
જે લોકોને રૂ. ૩૫૦૦ નો મૂળ પગાર મળે છે તેમને ૭૫૮.૩% મોંઘવારી ભથ્થું અથવા ઓછામાં ઓછું રૂ. ૧૬,૬૬૮ મળશે.
૩૫૦૦ થી રૂ. ૬૫૦૦ સુધીના મૂળ પગાર પર ૫૬૮.૭% મોંઘવારી ભથ્થું અથવા ઓછામાં ઓછું રૂ. ૨૬,૫૪૧ મળશે.
૬૫૦૦ થી રૂ. ૯૫૦૦ સુધીના પગાર પર, ૪૫૫.૦% ભથ્થું અથવા ઓછામાં ઓછું રૂ. ૩૬,૯૬૬ હકદાર રહેશે.
૯૫૦૦ રૂપિયાથી વધુના પગાર માટે ૩૭૯.૧% મોંઘવારી ભથ્થું અથવા ન્યૂનતમ રૂપિયા ૪૩,૨૨૫ આપવામાં આવશે.
ડૉ. સિંહાના જણાવ્યા મુજબ, જૂની ન્યુટ્રલાઇઝેશન સિસ્ટમ (૧૯૮૭ સ્કેલ) મુજબ, ૨ રૂપિયા પ્રતિ પૉઇન્ટના દરે ૧૯ પૉઇન્ટના વધારાના આધારે, કુલ મોંઘવારી ભથ્થું ૩૮ રૂપિયા થશે, જ્યારે AICPI ૯૪૩૩ના આધારે, આવા અધિકારીઓને દર મહિને કુલ ૧૭,૪૫૬ રૂપિયાનું DA મળી શકે છે.
સરકારે એ પણ સ્પષ્ટ કર્યું છે કે જો મોંઘવારી ભથ્થાની રકમ ૫૦ પૈસા કે તેથી વધુ હશે, તો તેને રાઉન્ડ ઓફ કરવામાં આવશે (તેને નજીકના પૂર્ણાંકમાં રૂપાંતરિત કરીને). ઉપરાંત, સરકારે તમામ મંત્રાલયો અને વિભાગોને તેમના ગૌણ CPSE ને આ આદેશ વિશે જાણ કરવા અને જરૂરી કાર્યવાહી કરવા સૂચના આપી છે. આ વધારાથી કર્મચારીઓના પગારમાં નોંધપાત્ર વધારો થશે, જે તેમને વધતી જતી ફુગાવાનો સામનો કરવામાં મદદ કરશે.
