Last Updated on by Sampurna Samachar
દેશના ૪૦૯૨ ધારાસભ્યોમાંથી ૪૫% સામે નોંધાયા છે ફોજદારી કેસ
આંધ્ર પ્રદેશ આ યાદીમાં ટોચ પર
(સંપૂર્ણ સમાચાર સેવા)
ચૂંટણી અધિકાર સંસ્થા ADR ના વિશ્લેષણ મુજબ દેશના ૪૦૯૨ ધારાસભ્યોમાંથી ઓછામાં ઓછા ૪૫ ટકાએ પોતાની વિરુદ્ધ ફોજદારી કેસ જાહેર કર્યા છે. ૧૮૬૧ ધારાસભ્યોએ પોતાની વિરુદ્ધ ફોજદારી કેસ જાહેર કર્યા છે. તેમાંથી ૧૨૦૫ ધારાસભ્યો પર ગંભીર ગુનાહિત આરોપોનો સામનો કરવો પડે છે, જેમાં હત્યા, હત્યાનો પ્રયાસ, અપહરણ અને મહિલાઓ વિરુદ્ધના ગુનાઓ સામેલ છે. આંધ્ર પ્રદેશ આ યાદીમાં ટોચ પર છે, જ્યાં ૧૩૮ ધારાસભ્યો (૭૯ ટકા)એ પોતાની વિરુદ્ધ ફોજદારી કેસ જાહેર કર્યા છે. આ પછી કેરળ અને તેલંગાણાનો નંબર આવે છે, જ્યાં ૬૯-૬૯ ટકા ધારાસભ્યોએ પોતાની વિરુદ્ધ ફોજદારી કેસ જાહેર કર્યા છે.
એસોસિએશન ઓફ ડેમોક્રેટિક રિફોર્મ્સ એ ૨૮ રાજ્યો અને ત્રણ કેન્દ્રશાસિત પ્રદેશોના ૪,૧૨૩ ધારાસભ્યોમાંથી ૪,૦૯૨ એફિડેવિટ્સનું વિશ્લેષણ કર્યું. ૨૪ ધારાસભ્યોના સોગંદનામાનું પૃથ્થકરણ કરી શકાયું નથી કારણ કે તે ખરાબ રીતે સ્કેન કરવામાં આવ્યા હતા અથવા સુવાચ્ય ન હતા. વિધાનસભામાં ૭ બેઠકો ખાલી છે.
૧,૨૦૫ ધારાસભ્યો પર ગંભીર ગુનો દાખલ
તાજેતરના ADR રિપોર્ટ અનુસાર, ૧,૮૬૧ ધારાસભ્યોએ પોતાની વિરુદ્ધ ફોજદારી કેસ જાહેર કર્યા છે. તેમાંથી ૧,૨૦૫ ધારાસભ્યો પર ગંભીર ગુનાહિત આરોપોનો સામનો કરવો પડે છે, જેમાં હત્યા, હત્યાનો પ્રયાસ, અપહરણ અને મહિલાઓ વિરુદ્ધના ગુનાઓ સામેલ છે.
એડીઆરના વિશ્લેષણ મુજબ, આંધ્ર પ્રદેશ આ યાદીમાં ટોચ પર છે, જ્યાં ૧૩૮ ધારાસભ્યો (૭૯ ટકા)એ પોતાની વિરુદ્ધ ફોજદારી કેસ જાહેર કર્યા છે. આ પછી કેરળ અને તેલંગાણાનો નંબર આવે છે, જ્યાં ૬૯-૬૯ ટકા ધારાસભ્યોએ પોતાની વિરુદ્ધ ફોજદારી કેસ જાહેર કર્યા છે.
એડીઆરના વિશ્લેષણ મુજબ અન્ય રાજ્યો જ્યાં ધારાસભ્યોએ પોતાની વિરુદ્ધ ફોજદારી કેસ જાહેર કર્યા છે તેમાં બિહાર (૬૬ ટકા), મહારાષ્ટ્ર (૬૫ ટકા) અને તમિલનાડુ (૫૯ ટકા)નો સમાવેશ થાય છે. આંધ્ર પ્રદેશ પણ ૯૮ (૫૬ ટકા) સાથે ગંભીર ફોજદારી કેસો જાહેર કરનારા ધારાસભ્યોની યાદીમાં ટોચ પર છે.
એડીઆરના વિશ્લેષણ મુજબ અન્ય રાજ્યો કે જેમાં ધારાસભ્યો ગંભીર ફોજદારી કેસોનો સામનો કરી રહ્યા છે, તેલંગાણા (૫૦ ટકા), બિહાર (૪૯ ટકા), ઓડિશા (૪૫ ટકા), ઝારખંડ (૪૫ ટકા) અને મહારાષ્ટ્ર (૪૧ ટકા) છે. ADR વિશ્લેષણ મુજબ, ૧,૬૫૩ ભાજપના ધારાસભ્યોમાંથી ૩૯ ટકા અથવા ૬૩૮ પર ફોજદારી કેસ જાહેર કરવામાં આવ્યા છે. તેમાંથી ૪૩૬ (૨૬ ટકા) ગંભીર આરોપોનો સામનો કરી રહ્યા છે.
એડીઆરના વિશ્લેષણ મુજબ, કોંગ્રેસના ૬૪૬ ધારાસભ્યોમાંથી, ૩૩૯ (૫૨ ટકા) પર ફોજદારી કેસ જાહેર કરવામાં આવ્યા છે, જેમાંથી ૧૯૪ (૩૦ ટકા) ગંભીર આરોપોનો સામનો કરી રહ્યા છે. ADR ના વિશ્લેષણ મુજબ, તેલુગુ દેશમ પાર્ટી (ટીડીપી) પાસે ફોજદારી કેસોનો સામનો કરી રહેલા ધારાસભ્યોમાં સૌથી વધુ પ્રમાણ છે. તેના ૧૩૪ ધારાસભ્યોમાંથી ૧૧૫ એ તેમના નામ પર ફોજદારી કેસ જાહેર કર્યા છે. તેમાંથી ૮૨ ધારાસભ્યો ગંભીર આરોપોનો સામનો કરી રહ્યા છે.
એડીઆરના વિશ્લેષણ મુજબ, તામિલનાડુમાં શાસક દ્રવિડ મુનેત્ર કઝગમ (ડીએમકે) ના ૭૪ ટકા (૧૩૨માંથી ૯૮) ધારાસભ્યો સામે ફોજદારી કેસ નોંધાયેલા છે, જેમાં ૪૨ ગંભીર આરોપો સહિત છે. પશ્ચિમ બંગાળમાં, સત્તારૂઢ તૃણમૂલ કોંગ્રેસના ૯૫ ધારાસભ્યો (૨૩૦માંથી) ફોજદારી કેસોનો સામનો કરી રહ્યા છે. જેમાંથી ૭૮ ગંભીર આરોપોનો સામનો કરે છે.
છડ્ઢઇના વિશ્લેષણ મુજબ, આમ આદમી પાર્ટી ના ૧૨૩ ધારાસભ્યોમાંથી ૬૯ (૫૬ ટકા) વિરૂદ્ધ ફોજદારી કેસ નોંધાયેલા છે. તેમાંથી ૩૫ (૨૮ ટકા) ગંભીર આરોપોનો સામનો કરે છે. ADR ના વિશ્લેષણ મુજબ, સમાજવાદી પાર્ટીના ૧૧૦ ધારાસભ્યો છે અને તેમાંથી ૬૮ (૬૨ ટકા) વિરૂદ્ધ ફોજદારી કેસ નોંધાયેલા છે. ADR વિશ્લેષણ મુજબ, આમાંથી ૪૮ (૪૪ ટકા) સામે ગંભીર ગુનાના કેસ નોંધાયેલા છે.
