સેના અને બળવાખોરો વચ્ચે ભીષણ અથડામણ
(સંપૂર્ણ સમાચાર સેવા)
સેન્ટ્રલ આફ્રિકન દેશ ડેમોક્રેટિક રિપબ્લિક ઓફ કોંગોના ગોમા શહેરમાં નરસંહાર જેવી સ્થિતિ સર્જાઈ છે. છેલ્લા એક સપ્તાહમાં આ શહેર અને તેની આસપાસના વિસ્તારોમાં ઓછામાં ઓછા ૭૭૩ લોકોના મોત થયા છે. આ મૃત્યુઆંક વધવાની ભીતિ છે. આ મોત પાછળનું કારણ બળવાખોરો દ્વારા થયેલો હુમલો છે.
કોંગોની સેનાની પાડોશી દેશ રવાંડા સમર્થિત બળવાખોરો સાથે થયેલી લડાઈમાં ૭૭૩ લોકોના મોત થયા છે. આ બળવાખોરોએ એક દાયકાના સંઘર્ષમાં શહેર પર કબજો જમાવ્યો છે. ડેમોક્રેટિક રિપબ્લિક ઓફ કોંગોના આરોગ્ય મંત્રાલયે ૧ ફેબ્રુઆરીએ જણાવ્યું હતું કે, M૨૩ બળવાખોરો દ્વારા કરવામાં આવેલા હુમલા બાદ ૩૦ જાન્યુઆરી સુધી ૭૭૩ મૃતદેહ મળી આવ્યા હતા.
આ હુમલામાં ૨૬ જાન્યુઆરી થી ૩૦ જાન્યુઆરી વચ્ચે ૨,૮૮૦ લોકો ઘાયલ થયા હતાં. ગોમાએ DRC ના પૂર્વ ભાગમાં આવેલું સૌથી મોટું શહેર અને ઉત્તર કિવુ પ્રાંતની રાજધાની છે. આ શહેર સોના, કોલ્ટન અને ટીનની ખાણો માટે જાણીતું છે.
આ અઠવાડિયે બળવાખોર જૂથ M૨૩એ તેના પર કબજો કરી લીધો હતો. સ્થાનિક રહેવાસી જીન માર્કસે જણાવ્યું હતું કે, M૨૩ એ પાણી અને વીજળી સહિતની મૂળભૂત સેવાઓ પુનઃસ્થાપિત કરવાનું વચન પણ આપ્યું હતું. આવી સ્થિતિમાં, ૧ ફેબ્રુઆરીએ, ગોમાના સેંકડો રહેવાસીઓ શહેરમાં પાછા ફરતા જોવા મળ્યા હતા.
તેઓએ કાટમાળ અને લોહીથી લથબથ વિસ્તારોને સાફ કર્યા હતાં. માનવતાવાદી સંસ્થાઓ ગોમા શહેરમાં રાહત કાર્ય કરી રહી છે. તેઓએ હોસ્પિટલોને મદદ કરી અને રાહત પૂરી પાડી છે. આ સંસ્થાઓને કામકાજમાં મુશ્કેલીનો સામનો કરવો પડ્યો હતો, અને તેમના કર્મચારીઓને પણ અસર થઈ હતી.બળવાખોર જૂથ M૨૩ના સશસ્ત્ર બળવાખોરો ઉત્તર કિવુ, DRC માં આતંક ફેલાવવાના નવા રસ્તાઓ શોધી કાઢ્યા છે. પાડોશી દેશ રવાન્ડા M૨૩ને બળાત્કાર, હત્યા અને ત્રાસ જેવા ગુનાઓ માટે પૈસા, શસ્ત્રો અને પુરવઠો પૂરો પાડે છે. લગભગ ૪,૦૦૦ રવાન્ડાના સૈનિકોએ M૨૩ને સમર્થન આપી રહ્યા છે.
બળવાખોર જૂથ ‘નેશનલ કોંગ્રેસ ફોર ધ ડિફેન્સ ઑફ ધ પીપલ’ અને કોંગો સરકાર વચ્ચે સમજૂતી થઈ હતી. એવું નક્કી કરવામાં આવ્યું હતું કે તેના સૈનિકોને ‘ફોર્સિસ આર્મીસ ડે લા રિપબ્લિક ડેમોક્રેટીક ડુ કોંગો’ માં સામેલ કરવામાં આવશે. સરળ ભાષામાં, FARDC એ કોંગોની સરકારી સેના છે.
તે જ સમયે, CNDP રાજકીય પક્ષ બનવા માટે સંમત થઈ હતી. પરંતુ CND એ સ્વીકાર્યું કે સરકારે આ કરારની શરતોનો સંપૂર્ણ અમલ કર્યો નથી. અને આ કારણોસર ૨૦૧૨માં M૨૩ ચળવળની રચના કરવામાં આવી હતી. આ જૂથે સરકાર સામે બળવો કર્યો. અને તે આંદોલને હિંસક સ્વરૂપ ધારણ કર્યું હતું.
