Last Updated on by Sampurna Samachar
હુ ચૂંટણી જીતીને આવ્યો છું , કોઈની કૃપાથી સંસદમાં નથી આવ્યો
TMC સુપ્રીમ કોર્ટ કે હાઈકોર્ટનું સન્માન કરતા નથી
(સંપૂર્ણ સમાચાર સેવા)
તાજેતરમાં રાજ્યસભામાં ગૃહ મંત્રાલયની કામગીરી પર ચર્ચા થઈ હતી. જે દરમિયાન ગૃહમંત્રી અમિત શાહે TMC સાંસદ સાકેત ગોખલેને ઠપકો આપ્યો. વાસ્તવમાં, ગૃહ મંત્રાલય પર ચર્ચા દરમિયાન, સાકેત ગોખલેએ ED અને CBI નો મુદ્દો ઉઠાવ્યો હતો. આ અંગે અમિત શાહે કહ્યું કે, ગૃહ મંત્રાલય પર ચર્ચા થઈ રહી છે પરંતુ સાકેત ગોખલે ED અને CBI પર ચર્ચા કરી રહ્યા છે. પરંતુ તેમ છતાં જો તેઓ આ મુદ્દો ઉઠાવવા માંગતા હોય તો મને પણ એક તક આપવી જોઈએ, હું દરેક પ્રશ્નનો જવાબ આપીશ.
આ પછી, સાકેત ગોખલેએ ફરીથી કેટલીક ટિપ્પણીઓ કરી. આ અંગે અમિત શાહે કહ્યું કે હું અહીં કોઈની દયા પર ભરોસો કરીને આવ્યો નથી, હું ચૂંટણી જીતીને અહીં આવ્યો છું. ખરેખર, શાહનો આ ટોણો સાકેત ગોખલે પર છે. તેઓ ટીએમસીની ટિકિટ પર રાજ્યસભા પહોંચ્યા છે. અમિત શાહે કહ્યું, સાકેત ગોખલે આ ગૃહને ખોટી માહિતી આપી રહ્યા છે.
ઉપપ્રમુખ જગદીપ ધનખડેએ શુ કહ્યુ સાકેત ગોખલેને
અમિત શાહે કહ્યું કે, સુપ્રીમ કોર્ટ અને હાઈકોર્ટના આદેશ પછી, બંગાળમાં ચૂંટણી હિંસા અંગે કેસ દાખલ કરવામાં આવ્યા છે. જ્યાં અમારી પાસે વધુ બેઠકો આવી, ત્યાં અમારા કાર્યકરોને શોધી શોધીને મારી નાખવામાં આવ્યા. ફરિયાદીઓએ હાઈકોર્ટ, પછી સુપ્રીમ કોર્ટનો સંપર્ક કર્યો અને હાઈકોર્ટે આદેશ આપ્યો કે બધા કેસ ફરીથી નોંધવામાં આવે. આ પણ એવો જ કિસ્સો છે. શાહે કહ્યું, તેઓ (ટીએમસી) સુપ્રીમ કોર્ટનું સન્માન કરતા નથી, તેઓ હાઈકોર્ટનું પણ સન્માન કરતા નથી. આ અંગે ટીએમસી સાંસદ સુષ્મિતા દેવે કહ્યું કે, આ લોકો ખૂબ બકવાસ કરે છે પણ અમે કંઈ બોલતા નથી.
ગૃહમાં ગરમાગરમ ચર્ચા જોઈને ઉપપ્રમુખ જગદીપ ધનખડે સાકેત ગોખલેને તેમણે આપેલું નિવેદન પાછું લેવા કહ્યું. આના પર સાકેત ગોખલેએ કહ્યું, હું તેને પાછું નહીં લઉં. સાકેત ગોખલેએ કહ્યું કે ફક્ત તમારું નામ અમિત શાહ છે એટલે એનો અર્થ એ નથી કે તમે સરમુખત્યારશાહીથી કામ કરશો. આ અંગે શાસક પક્ષના સાંસદોએ હોબાળો મચાવ્યો. જેપી નડ્ડાએ કહ્યું કે તે એક ચોક્કસ જાતિને સૂચિબદ્ધ કરે છે. સાકેત ગોખલેએ જે કહ્યું તે બિનસંસદીય છે અને તેને ગૃહના રેકોર્ડમાંથી દૂર કરવું જાેઈએ.
રાજ્યસભાના અધ્યક્ષ ધનખડે કહ્યું કે તેને ગૃહની કાર્યવાહીમાંથી દૂર કરવું જોઈએ. તેમણે સાકેત ગોખલેને કહ્યું કે કાં તો તમે નિવેદન પાછું લો અથવા અમે તેને દૂર કરીશું. કિરેન રિજિજુએ કહ્યું કે ચર્ચા દરમિયાન સાકેત ગોખલેએ એક પણ સૂચન આપ્યું ન હતું, પરંતુ તેમણે વ્યક્તિગત હુમલા કર્યા હતા. આજ સુધી આપણે આવો કોઈ સભ્ય જોયો નથી, જ્યાં તેઓ આ રીતે ચર્ચા કરી રહ્યા છે, તેમણે રાજ્યસભાની ગરિમા ઓછી કરી છે.
આ અંગે ટીએમસી સાંસદ ડેરેક ઓ‘બ્રાયને કહ્યું કે, શાસક પક્ષના સાથીદારોએ અમારા સાથીદાર પર પ્રશ્નો ઉઠાવ્યા. બીજી બાજુ, ગોખલેએ કહ્યું કે મારા ભાષણને અપમાનિત ભાષણ કહેવામાં આવ્યું. સાકેત ગોખલેએ કહ્યું કે ગૃહમંત્રી બાબાસાહેબ આંબેડકરનું અપમાન કરે છે, અને જાતિનું અપમાન કરવાની વાત કરે છે. જાે ગૃહ મંત્રાલય પોતાનું વલણ નહીં સુધારે, તો આગામી વિધાનસભા ચૂંટણીમાં તે (ભાજપ) સત્તા પરથી દૂર થઈ જશે. જેપી નડ્ડાએ કહ્યું કે ભાજપના રાષ્ટ્રીય અધ્યક્ષ તરીકે, હું આનો વાંધો ઉઠાવું છું.
