Last Updated on by Sampurna Samachar
હસતા ઇમોજી સાથે કહ્યુ , “મારા લગ્ન પાકિસ્તનમાં કરાવો”
પાકિસ્તાની ગુપ્તચર એજન્સીના અધિકારી સાથેની વિચિત્ર ચેટ
(સંપૂર્ણ સમાચાર સેવા)
પાકિસ્તાન માટે જાસૂસી કરવાના આરોપસર ધરપકડ કરાયેલી હરિયાણાના હિસારના યુટ્યુબર જ્યોતિ મલ્હોત્રા વિશે દરરોજ નવા ખુલાસા થઈ રહ્યા છે. જેમ જેમ તપાસ અને પૂછપરછ આગળ વધે છે. જેમ જેમ સમય પસાર થાય છે તેમ તેમ જ્યોતિ મલ્હોત્રા વિશે નવા સનસનાટીભર્યા ખુલાસા થઈ રહ્યા છે.
ત્યારે હવે યુટ્યુબર જ્યોતિ મલ્હોત્રાની પાકિસ્તાની ગુપ્તચર એજન્સીના અધિકારી સાથેની બીજી વોટ્સએપ ચેટ સામે આવી છે. હસન અલી જ્યોતિને કહે છે, “મારા મિત્ર, મારું હૃદય હંમેશા તું ખુશ રહે તેવી પ્રાર્થના કરે છે. તું હંમેશા ખુશ અને ખુશ રહે, તારા જીવનમાં ક્યારેય કોઈ દુ:ખનો સામનો ન કરવો પડે.” આના પર જ્યોતિએ હસતા ઇમોજી સાથે હસનને કહ્યું, “મારા લગ્ન પાકિસ્તાનમાં કરાવો.”
એજન્સીઓને ઘણા મહત્વપૂર્ણ સંકેતો મળ્યા
હરિયાણાના યુટ્યુબર જ્યોતિ મલ્હોત્રાની પાકિસ્તાન માટે જાસૂસી કરવાના આરોપમાં ધરપકડ કરવામાં આવી છે. તપાસ એજન્સીઓ દરેક ખૂણાની તપાસ કરી રહી છે અને દરેક કડીને જોડી રહી છે જેથી સત્ય જાણી શકાય. જ્યોતિના મોબાઇલ ડિટેલ્સ અને વોટ્સએપ ચેટ્સની તપાસ કરવામાં આવી છે, જેમાં તપાસ એજન્સીઓને ઘણા મહત્વપૂર્ણ સંકેતો મળ્યા હોવાના અહેવાલ છે.
સૂત્રોના જણાવ્યા અનુસાર, તપાસ એજન્સીઓને જ્યોતિ અને હેન્ડલર અલી હસન વચ્ચે વોટ્સએપ ચેટ મળી આવી છે. આ ચેટમાં ‘પ્રોટોકોલ’ અને ‘અંડરકવર એજન્ટ’ જેવા શબ્દોનો ઉપયોગ કરવામાં આવ્યો હતો. ચેટિંગ દરમિયાન, અલી હસને જ્યોતિ સાથે કોડ વર્ડ્સમાં વાત કરી. આ ઉપરાંત, નવી ચેટમાં લગ્નનો મામલો પણ સામે આવ્યો છે.
આ ચેટ પરથી સ્પષ્ટ થાય છે કે જ્યોતિનો પાકિસ્તાન સાથે કોઈ ભાવનાત્મક સંબંધ હતો. સૂત્રોએ જણાવ્યું હતું કે જ્યોતિ પાકિસ્તાન ગુપ્તચર એજન્સીના અધિકારી અલી હસન સાથે સતત સંપર્કમાં હતી અને તેમની સાથે ઘણી વાતો કરતી હતી. જો પોલીસ સૂત્રોનું માનીએ તો, તપાસ દરમિયાન પોલીસને જ્યોતિના ૪ બેંક ખાતાઓ વિશે માહિતી મળી. એક બેંક ખાતામાં દુબઈથી થયેલા વ્યવહારની પણ જાણ થઈ છે. તપાસ એજન્સી હવે જ્યોતિના તમામ બેંક ખાતાઓની તપાસ કરી રહી છે અને જાણવાનો પ્રયાસ કરી રહી છે કે તેના ખાતામાં પૈસા ક્યાંથી આવી રહ્યા હતા.
