Last Updated on by Sampurna Samachar
શંકાસ્પદ લોકોની હિલચાલને કારણે શોધખોળ હાથ ધરાઇ
સ્પેશ્યલ ટીમ અને CRPF ના જવાનોએ સાથે મળી કરી કામગીરી
(સંપૂર્ણ સમાચાર સેવા)
જમ્મુ – કાશ્મીરના સ્થાનિક પોલીસના એક ખાસ ઓપરેશન ગ્રુપે સેના અને CRPF ના જવાનો સાથે મળીને તાત્કાલિક વિસ્તારને ઘેરી લીધો અને શંકાસ્પદોને શોધવા માટે મોટા પાયે શોધખોળ અભિયાન શરૂ કર્યું હતું. જમ્મુ અને કાશ્મીરના કઠુઆ જિલ્લામાં જંગલ વિસ્તાર નજીક ત્રણ શંકાસ્પદ વ્યક્તિઓની હિલચાલની માહિતી મળ્યા બાદ સુરક્ષા દળોએ સર્ચ ઓપરેશન શરૂ કર્યું હતું. અધિકારીઓએ જણાવ્યું હતું કે એક પુજારીએ સવારે લગભગ ૩.૩૦ વાગ્યે ત્રણ માણસોને બેકપેક લઈને રસાના જંગલ વિસ્તાર તરફ જતા જોયા અને પોલીસને જાણ કરી હતી.
તેમણે કહ્યું કે સ્થાનિક પોલીસના એક ખાસ ઓપરેશન ગ્રુપે સેના અને CRPF ના જવાનો સાથે મળીને તાત્કાલિક વિસ્તારને ઘેરી લીધો અને શંકાસ્પદોને શોધવા માટે મોટા પાયે શોધખોળ અભિયાન શરૂ કર્યું. જોકે, અધિકારીઓએ જણાવ્યું હતું કે શંકાસ્પદો વિશે હજુ સુધી કોઈ સુરાગ મળ્યા નથી. તેમણે કહ્યું કે અંતિમ અહેવાલ મળે ત્યાં સુધી, જંગલ વિસ્તારમાં શોધખોળ કામગીરી ચાલુ હતી.
આતંકવાદીઓ અને સુરક્ષા દળો વચ્ચે એન્કાઉન્ટર
દરમિયાન, બિલાવરમાં શંકાસ્પદોની શોધ ચાલુ છે. આ કારણે, કાંડીથી ડુંગરાળ વિસ્તાર સુધીના ગામડાઓ અને જંગલોમાં સેના અને CRPF ના જવાનો દ્વારા સતત ઇંચ-ઇંચ શોધખોળ કરવામાં આવી રહી છે. જોકે, પોલીસ હજુ પણ ખાલી હાથ છે. બીજી તરફ, વિસ્તારમાં ચર્ચા છે કે રામકોટ વિસ્તારના રાજવલતામાં આતંકવાદીઓ અને સુરક્ષા દળો વચ્ચે એન્કાઉન્ટર થયું હતું. પરંતુ સુરક્ષા દળોનું કહેવું છે કે સર્ચ ઓપરેશન દરમિયાન, વિસ્તારને સુરક્ષિત રાખવા માટે કવર ફાયરનો ઉપયોગ કરવામાં આવે છે, અને લોકો તેને એન્કાઉન્ટર સમજીને ડરી રહ્યા છે.
