રિલાયન્સ ઇન્ડસ્ટ્રીઝના શેરમાં સતત તેજી જોવા મળી

Last Updated on 02/05/2025 by Sampurna Samachar

મુકેશ અંબાણી ભારત તેમજ એશિયાના સૌથી ધનિક વ્યક્તિ

ફરી એક વાર તેઓ ૧૦૦ અબજ ડોલરની ક્લબમાં પ્રવેશ્યા

(સંપૂર્ણ સમાચાર સેવા)

દેશની સૌથી મૂલ્યવાન કંપની રિલાયન્સ ઇન્ડસ્ટ્રીઝના શેરમાં સતત તેજી જોવા મળી રહી છે. છેલ્લા ૩-૪ દિવસોમાં તેના શેરના ભાવમાં ૮ ટકાનો વધારો થયો છે. તેનાથી કંપનીના ચેરમેન મુકેશ અંબાણીની નેટવર્થમાં પણ ઘણો વધારો થયો છે અને ફરી એક વાર તેઓ ૧૦૦ અબજ ડોલરની ક્લબમાં પ્રવેશી ગયા છે.

ફોર્બ્સની રિયલ ટાઇમ બિલીયોનેર્સની યાદી અનુસાર મુકેશ અંબાણી નેટવર્થ ૧૦૬.૧ અબજ ડોલરના સ્તરે સ્પર્શી ગઇ છે. તેણે પોતાના ત્રિમાસિક પરિણમો જારી કર્યા હતા. જે અપેક્ષા કરતા વધુ સારા હતા. તેના પછીના સતત ત્રણ સત્રોમાં રિલાયન્સના શેરમાં વધારો થયો હતો . આ વર્ષે અત્યાર સુધીમાં રિલાયન્સ ઇન્ડસ્ટ્રીઝના શેરમાં ૧૪.૭૯%નો વધારો થયો છે.

મુકેશ અંબાણી બાદ ગૌતમ અદાણીનુ નામ

છેલ્લા એક મહિનામાં ૯.૯૮%નો વધારો થયો છે. જે ૦.૫૭% વધીને રૂ. ૧૪૦૮.૩૫ પર પહોંચી ગયો હતો. આ સાથે, કંપનીનું માર્કેટ કેપ ૧૯ લાખ કરોડ રૂપિયાને વટાવી ગયું હતુ. તેનો ૫૨ સપ્તાહનું ઉચ્ચતમ સ્તર રૂ. ૧,૬૦૮.૯૫ છે જ્યારે સૌથી નીચું સ્તર રૂ. ૧,૧૧૫.૫૫ છે.

મુકેશ અંબાણી ભારત તેમજ એશિયાના સૌથી ધનિક વ્યક્તિ છે. ફોર્બ્સની યાદીમાં મુકેશ અંબાણી પછી ગૌતમ અદાણીનું નામ આવે છે. ગૌતમ અદાણીની સંપત્તિ ડોલર ૬૧.૮ બિલિયન છે. અન્ય ભારતીય અબજોપતિઓમાં સાવિત્રી જિંદાલ અને તેમનો પરિવાર (૩૬.૪ અબજ ડોલર), શિવ નાદર (૩૫.૪ અબજ ડોલર), દિલીપ સંઘવી (૨૮.૮ અબજ ડોલર) અને સાયરસ પૂનાવાલા (૨૬.૧ અબજ ડોલર)નો સમાવેશ થાય છે.