પાકિસ્તાનમાં અલગ 3 સ્ટેડિયમમાં મેચનું આયોજન થશે
(સંપૂર્ણ સમાચાર સેવા)
પાકિસ્તાન ક્રિકેટ બોર્ડે ચેમ્પિયન્સ ટ્રોફી માટે લઘુત્તમ ટિકિટ ૧૦૦૦ પાકિસ્તાની રૂપિયા રાખી છે, જે ભારતીય મુદ્દામાં ૩૧૦ રૂપિયા બરાબર છે. પીસીબીના એક આંતરિક દસ્તાવેજમાં આ વાત સામે આવી છે. તેમાં તે જણાવવામાં આવ્યું નથી કે દુબઈમાં યોજાનારી ભારતની મેચની ટિકિટનો શું ભાવ હસે. જો ભારતીય ટીમ સેમીફાઈનલ અને ફાઈનલમાં પહોંચશે તો તેનું આયોજન દુબઈમાં થશે.
દસ્તાવેજ અનુસાર, PCB એ કરાચી, લાહોર અને રાવલપિંડીમાં યોજાનારી મેચોની ન્યૂનતમ ટિકિટ ૧૦૦૦ પાકિસ્તાની રૂપિયા રાખી છે. રાવલપિંડીમાં પાકિસ્તાન અને બાંગ્લાદેશ વચ્ચેની મેચોની ટિકિટની કિંમત ૨૦૦૦ પાકિસ્તાની રૂપિયા (૬૨૦ ભારતીય રૂપિયા) અને સેમિફાઇનલ માટે ૨૫૦૦ પાકિસ્તાની રૂપિયા (૭૭૬ ભારતીય રૂપિયા) હશે. PCB એ તમામ મેચોની VVIP ટિકિટ ૧૨૦૦૦ પાકિસ્તાની રૂપિયા (૩૭૨૬ ભારતીય રૂપિયા)માં રાખી છે પરંતુ સેમિફાઇનલમાં તેની કિંમત ૨૫૦૦૦ (૭૭૬૪ ભારતીય રૂપિયા) હશે.
કરાચીમાં પ્રીમિયર ગેલેરીની ટિકિટ ૩૫૦૦ પાકિસ્તાની રૂપિયા (૧૦૮૬ ભારતીય રૂપિયા), લાહોરમાં ૫૦૦૦ રૂપિયા (૧૫૫૦ ભારતીય રૂપિયા) અને રાવલપિંડીમાં પાકિસ્તાન વિ બાંગ્લાદેશ મેચની ટિકિટ ૭૦૦૦ રૂપિયા (૨૧૭૦ ભારતીય રૂપિયા) છે. PCB કરાચીમાં VIP ગેલેરી ટિકિટ ૭૦૦૦ રૂપિયા, લાહોર ૭૫૦૦ રૂપિયા અને બાંગ્લાદેશ મેચની ૧૨૫૦૦ રૂપિયામાં રાખવા માંગે છે.
સામાન્ય દર્શકો માટે ૧૮૦૦૦ ટિકિટ ઉપલબ્ધ હશે પરંતુ તે નક્કી નથી કે વ્યક્તિ એક સમયે કેટલી ટિકિટ ખરીદી શકે છે અને ટિકિટ ઓનલાઈન ઉપલબ્ધ થશે કે નહીં. ICC ટુર્નામેન્ટના નિયમો હેઠળ, યજમાન દેશ મેચોની ટિકિટો વેચે છે અને હોસ્પિટાલિટી બોક્સથી મળનાર રેવેન્યુ રાખે છે રાખે છે. આ સિવાય તેને ICC તરફથી હોસ્ટિંગ ફી પણ મળે છે. ભારતની મેચ દુબઈમાં યોજાવાની છે, તેથી ઁઝ્રમ્ માને છે કે તેને ટિકિટ અને હોસ્પિટાલિટી બોક્સમાંથી પૈસા મળશે. અમીરાત ક્રિકેટ બોર્ડને ઓપરેટિંગ ખર્ચ આપવામાં આવશે જેમાં ગ્રાઉન્ડ રેન્ટનો સમાવેશ થાય છે