Last Updated on by Sampurna Samachar
ચીને ૮૪% ટેરિફ લાદ્યા બાદ ટ્રમ્પે આ કાર્યવાહી કરી
બધા દેશો માટે ટેરિફ સ્તર ઘટાડીને ૧૦% કરાશે
(સંપૂર્ણ સમાચાર સેવા)
અમેરિકાના રાષ્ટ્રપતિ ડોનાલ્ડ ટ્રમ્પે બધા દેશો પર પારસ્પરિક ટેરિફ ૯૦ દિવસ માટે રોકી દીધા છે. તેમણે પોતાના ર્નિણયને પાછો ખેંચવા પાછળનું કારણ દેશો સાથે વેપાર પર નવી વાટાઘાટોનો ઉલ્લેખ કર્યો છે. ટ્રમ્પે બે દિવસ અગાઉ કહ્યું હતું કે જે પણ દેશ અમેરિકા સામે બદલો લેશે તેને તાત્કાલિક નવા અને ઘણા ઊંચા ટેરિફ (TERIFFE) નો સામનો કરવો પડશે.
જોકે, ટ્રમ્પે આ ટેરિફમાં ચીનનો સમાવેશ કર્યો નથી, પરંતુ ચીન પરનો ટેરિફ ૧૦૪% થી વધારીને ૧૨૫% કર્યો છે. ચીને ૮૪% ટેરિફ લાદ્યા બાદ ટ્રમ્પે આ કાર્યવાહી કરી હતી. વ્હાઇટ હાઉસના પ્રેસ સેક્રેટરી કેરોલિન લેવિટે જણાવ્યું હતું કે બધા દેશો માટે ટેરિફ સ્તર ઘટાડીને ૧૦% કરવામાં આવશે, જે ઘણા દેશો માટે જરૂરી ઘટાડો હશે.
જો વેપાર યુદ્ધ થાય તો અમે સંપૂર્ણપણે તૈયાર
વૈશ્વિક બજાર પ્રત્યે ચીનના અનાદરને કારણે, હું ચીન પર ટેરિફ વધારીને ૧૨૫% કરી રહ્યો છું. આ તાત્કાલિક અસરથી અમલમાં આવશે. આશા છે કે આવનારા સમયમાં ચીન સમજશે કે અમેરિકા અને અન્ય દેશોને લૂંટવાના દિવસો પૂરા થઈ ગયા છે.
અમેરિકામાં ચીની વસ્તુઓ બમણાથી વધુ ભાવે વેચાશેયુરોપિયન યુનિયન એ બુધવારે ટ્રમ્પના ટેરિફના બદલામાં ઘણા યુએસ ઉત્પાદનો પર ૨૫% સુધીના ટેરિફને મંજૂરી આપી. આ દ્વારા ઈેં અમેરિકા પર કરાર પર પહોંચવા માટે દબાણ લાવવા માંગતું હતું. તો બીજી તરફ ચીનના વાણિજ્ય મંત્રાલયે કહ્યું છે કે તેણે ૧૨ અમેરિકન કંપનીઓને નિકાસ નિયંત્રણ સૂચિમાં મૂકી છે.
અગાઉ, ૬ કંપનીઓને ‘અવિશ્વસનીય’ ની યાદીમાં સામેલ કરવામાં આવી હતી. ટ્રમ્પે કહ્યું હતું કે જો ચીન અમેરિકા પર લાદવામાં આવેલ ૩૪% ટેરિફ પાછો નહીં ખેંચે, તો તેને માર્ચમાં લાદવામાં આવેલા ૨૦% ટેરિફ અને ૨ એપ્રિલે ૩૪% ટેરિફ ઉપરાંત ૫૦% વધારાના ટેરિફનો સામનો કરવો પડશે. ત્યારબાદ ટ્રમ્પે મંગળવારે ચીન પર વધુ ૫૦% ટેરિફ લાદ્યો, જેનાથી કુલ ટેરિફ ૧૦૪% થઈ ગયો. જે બુધવારે વધારીને ૧૨૫% કરવામાં આવ્યું હતું.
ચીને કહ્યું હતું, જો વેપાર યુદ્ધ થાય તો અમે સંપૂર્ણપણે તૈયાર છીએ. ટ્રમ્પની આ ધમકી પર ચીને કહ્યું હતું કે અમેરિકા આપણા પર લાદવામાં આવેલા ટેરિફમાં વધુ વધારો કરવાની ધમકી આપીને એક પછી એક ભૂલો કરી રહ્યું છે. અમેરિકાનું બ્લેકમેઇલિંગ વલણ સામે આવી રહ્યું છે. ચીન આ ક્યારેય સ્વીકારશે નહીં. જો અમેરિકા પોતાની ઇચ્છા પ્રમાણે ચાલવાનો આગ્રહ રાખે છે, તો ચીન પણ અંત સુધી લડશે. ટ્રમ્પે વ્હાઇટ હાઉસમાં કહ્યું, “ટેરિફની ટીકા કરનાર કોઈપણ વ્યક્તિ ઠગ અને છેતરપિંડી કરનાર છે.” જ્યારે અમેરિકાએ ૯૦ હજાર ફેક્ટરીઓ ગુમાવી ત્યારે તેઓએ તેના વિશે વિચાર્યું ન હતું.
