Last Updated on by Sampurna Samachar
બંને પાસેથી ૮૦૦ ગ્રામ અફીણ કબજે કરાયું
ભાભી તેની સુંદરતાની આડમાં ગેરકાયદેસર કામકાજ કરતી
(સંપૂર્ણ સમાચાર સેવા)
ઉત્તર પ્રદેશના બરેલી જિલ્લામાં એક ચોંકાવનારી ઘટના સામે આવી છે, જ્યાં પોલીસે અફીણની દાણચોરીના કેસમાં એક મહિલા અને એક યુવકની ધરપકડ કરી છે, જે મહિલા પુરૂષ દિયર અને ભાભીનો સબંધ ધરાવે છે. જ્યાં પોલીસે બંને પાસેથી ૮૦૦ ગ્રામ અફીણ કબજે કર્યું છે. ત્યારે આ દેવર-ભાભીની ઓળખ આમિર અને ઉઝમા તરીકે થઈ છે.
આરોપી ભાભી ઉઝમા કપડામાં અફીણ છુપાવીને તેની દાણચોરી કરતી હતી. બંને હોટલ અને મોલમાં ફિક્સ કરેલા ગ્રાહકોને અફીણ વેચતા હતા. ભાભી તેની સુંદરતાની આડમાં ગેરકાયદેસર કામ કરતી હતી. ઝડપાયેલા અફીણની કિંમત અંદાજે ૮ લાખ રૂપિયા હોવાનું જાણવા મળી રહ્યું છે. આમિરની ઉંમર ૨૦ વર્ષની આસપાસ છે અને ઉઝમાની ઉંમર ૨૬ વર્ષની આસપાસ છે.
અગાઉ મહિલા પંજાબમાં પકડાઇ હતી
મળતી માહિતી મુજબ રમઝાનના દિવસોમાં દિયર અને ભાભીએ બંને ભેગા મળી અફીણ દાણચોરીનો કાંડ કર્યો છે. વિશરતગંજ પોલીસ સ્ટેશનને વાહન ચેકિંગ દરમિયાન મોટી સફળતા મળી છે. પોલીસ સ્ટેશનના પ્રભારી સતીશ કુમારે જણાવ્યું કે વાહન ચેકિંગ દરમિયાન બાતમીદારની સૂચના પર એક મહિલા અને એક યુવકની અટકાયત કરવામાં આવી હતી અને અતરછેડી ગામના માર્ગ પર રેલવે ક્રોસિંગ પાસે તપાસ કરવામાં આવી હતી અને તેમની પાસેથી અફીણ મળી આવ્યું હતું.
ચાર મહિના પહેલા ઉઝમા એ જ ગામના મજગવાનના અન્ય એક દાણચોર સાથે પંજાબમાં પકડાઈ હતી. મહિલા અફીણ પહોંચાડવાનું કામ કરે છે. તમને જણાવી દઈએ કે વિશરતગંજ પોલીસ સ્ટેશનનું મઝગવાન ગામ છેલ્લા કેટલાક સમયથી ડ્રગ્સની તસ્કરીના મામલામાં ચર્ચામાં છે. આ ગામમાંથી દેશના અનેક રાજ્યોમાં ડ્રગ્સની દાણચોરી થાય છે. અહીંથી ઘણા લોકો દાણચોરીના કેસમાં દિલ્હી, પંજાબ, ઉત્તરાખંડ વગેરે રાજ્યોની જેલમાં બંધ છે. એવું કહેવાય છે કે અહીંથી પસાર થતી દિલ્હી, હિમાચલ અને પંજાબ રૂટની ખાનગી બસો દ્વારા દાણચોરી થાય છે.
