અમેરિકાના વિદેશ મંત્રી પનામા રાષ્ટ્રપતિ સાથે મુલાકાત કરી
(સંપૂર્ણ સમાચાર સેવા)
ડોનાલ્ડ ટ્રમ્પ અમેરિકા રાષ્ટ્રપતિના પદ પર આવ્યા પછી દેશ-વિદેશમાં ઘણાં ફેરફારો જોવા મળી રહ્યા છે. જેમાં અમેરિકાએ તાજેતરમાં ચીન , કેનેડા અને મેક્સિકો જેવા દેશો પર ભારે ટેરિફ લગાવ્યો છે. ત્યારે હવે પનામા કેનાલને લઈને ચીનને મોટો ઝટકો આપવામાં આવ્યો છે. ટ્રમ્પના દબાણ હેઠળ, પનામાનિયાના પ્રમુખ જોસ રાઉલ મુલિનોએ કહ્યું કે તેઓ ચીનના બેલ્ટ એન્ડ રોડ ઇનિશિયેટિવનું નવીકરણ કરશે નહીં.
અમેરિકાના વિદેશ મંત્રી માર્કો રુબિયો પનામા પહોંચ્યા હતા, જ્યાં તેમણે પનામાના રાષ્ટ્રપતિ રાઉલ મુલિનો સાથે પનામા કેનાલ પર ચર્ચા કરી હતી. આ દરમિયાન રુબિયોએ કહ્યું કે પનામા કેનાલ પર ચીનની હાજરી અને પ્રભાવ ઘટાડવા માટે પનામાને તાત્કાલિક ફેરફારોની જરૂર છે, નહીં તો અમેરિકા તેના અધિકારીઓની સુરક્ષા માટે જરૂરી પગલાં લેશે. હવે પનામાના રાષ્ટ્રપતિ મુલિનો પણ આ અંગે આગળ આવ્યા છે.
પ્રમુખ રાઉલ મુલિનોએ કહ્યું કે પનામા ચીન સાથેના બેલ્ટ એન્ડ રોડ કરારની સમીક્ષા કરશે નહીં અને કહ્યું કે આ કરાર સમય પહેલા સમાપ્ત થઈ શકે છે. વર્ષ ૨૦૧૭માં ચીન અને પનામા વચ્ચે એક કરાર થયો હતો. પનામા ઈન્ફ્રાસ્ટ્રક્ચર પ્રોજેક્ટ્સ સહિત નવા રોકાણો પર યુએસ સાથે કામ કરવા માંગે છે.
મુલિનોએ કહ્યું કે તેઓ માને છે કે રૂબિયોની મુલાકાત નવા સંબંધો બાંધવાના દરવાજા ખોલશે. પનામામાં શક્ય તેટલું અમેરિકન રોકાણ વધારવાનો પ્રયાસ કરશે. મુલિનોની ટિપ્પણીઓ બાદ, યુએસ સ્ટેટ ડિપાર્ટમેન્ટે જણાવ્યું હતું કે રુબિયોએ પનામાના રાષ્ટ્રપતિને કહ્યું હતું કે પનામા કેનાલ પર ચીનના “નિયંત્રણ” વિશે ચિંતાનો અર્થ એ થઈ શકે છે કે સંધિ અનુસાર, યુ.એસ. નહેરની તટસ્થતા અને કામગીરી માટેનો તેનો લાંબા સમયથી દાવો ગુમાવશે અમારા અધિકારોના રક્ષણ માટે લેવા પડશે.
યુએસએ ૧૯૭૭ની સંધિ હેઠળ પનામાના નિયંત્રણમાં નહેર પાછી આપી હતી. આ કરાર મુજબ, જો આંતરિક સંઘર્ષ અથવા કોઈ વિદેશી શક્તિ દ્વારા નહેરનું સંચાલન ખોરવાય તો યુએસ લશ્કરી દખલ કરી શકે છે. ડોનાલ્ડ ટ્રમ્પે વારંવાર અને જાહેરમાં યુનાઇટેડ સ્ટેટ્સ માટે આ ચાવીરૂપ જળમાર્ગ પર ફરીથી નિયંત્રણ મેળવવાની ઇચ્છા વ્યક્ત કરી છે.