૭ રાજ્યો એવા કે જ્યાં મોટી સંખ્યામાં મહિલાઓ કરે છે દારૂનું સેવન

Last Updated on 23/04/2025 by Sampurna Samachar

Contents

નેશનલ ફેમિલી હેલ્થ સર્વે મુજબ અરુણાચલ પ્રદેશનુ નામ મોખરે પુરુષો શોખ તરીકે કરી રહ્યા છે દારૂનુ સેવન સામાજિક અને સાંસ્કૃતિક પરંપરામાં દારૂની મહત્વ ભૂમિકા સિક્કિમ આસામ તેલંગાણા ઝારખંડ આંદામાન અને નિકોબાર ટાપુઓ છત્તીસગઢ

નેશનલ ફેમિલી હેલ્થ સર્વે મુજબ અરુણાચલ પ્રદેશનુ નામ મોખરે

પુરુષો શોખ તરીકે કરી રહ્યા છે દારૂનુ સેવન

(સંપૂર્ણ સમાચાર સેવા)

વિશ્વમાં દારૂના શોખીનોની કોઈ કમી નથી અને ભારત પણ તેનાથી અછૂતુ નથી રહ્યું. જોકે, જ્યારે પણ દારૂનો ઉલ્લેખ કરવામાં આવે, ત્યારે તેને પુરુષોના શોખ તરીકે દર્શાવવામાં આવે છે. પરંતુ હવે પરિસ્થિતિ બદલાતી નજર આવી રહી છે. હવે મોટા પ્રમાણમાં મહિલાઓ પણ દારૂનું સેવન કરી રહી છે. આના ઘણા કારણો છે જેમ કે સાંસ્કૃતિક અને આદિવાસી પરંપરાઓ. એક સર્વે દર્શાવે છે કે, ભારત (BHARAT) માં ઓછામાં ઓછા ૭ રાજ્યો એવા છે જ્યાં મોટી સંખ્યામાં મહિલાઓ દારૂનું સેવન કરે છે.

એક રિપોર્ટમાં NFHS – 5 એટલે કે નેશનલ ફેમિલી હેલ્થ સર્વેના આંકડાનો હવાલો આપીને જણાવ્યું છે કે આ યાદીમાં પહેલું નામ ઉત્તરપૂર્વીય રાજ્ય અરુણાચલ પ્રદેશનું છે. આ આંકડા ૨૦૧૯થી ૨૦૨૧ની વચ્ચે એકત્રિત કરવામાં આવ્યા હતા.

સામાજિક અને સાંસ્કૃતિક પરંપરામાં દારૂની મહત્વ ભૂમિકા

આંકડા દર્શાવે છે કે, અરુણાચલ પ્રદેશમાં ૨૪.૨% મહિલાઓ દારૂનું સેવન કરે છે. રાજ્યમાં મહેમાનોને ચોખામાંથી બનેલું સ્થાનિક બીયર ઓફર કરવું ખૂબ જ સામાન્ય છે. આ ઉપરાંત અહીંની સામાજિક અને સાંસ્કૃતિક પરંપરાઓમાં દારૂ મહત્વપૂર્ણ ભૂમિકા ભજવે છે.

સિક્કિમ

આ યાદીમાં બીજા નંબર પર સિક્કિમ છે. અહીં ઘરમાં બનેલા છાંગ જેવા પીણાં ખૂબ પ્રખ્યાત છે. અહીં લગભગ ૧૬.૨% મહિલાઓ દારૂનું સેવન કરે છે.

આસામ

આ યાદીમાં પૂર્વોત્તરના જ એક અન્ય રાજ્યને ત્રીજા નંબર પર રાખવામાં આવ્યું છે. આસામમાં ૭.૩% મહિલાઓ દારૂનું સેવન કરે છે. કહેવાય છે કે, અહીં વ્હિસ્કી ખૂબ લોકપ્રિય છે.