Last Updated on by Sampurna Samachar
અજાણ્યા હુમલાખોરોએ સ્કોર્પિયોમાં સવાર વ્યક્તિને નિશાન બનાવ્યું
ઘાયલ વ્યક્તિના નિવેદન બાદ મામલાનુ કારણ બહાર આવશે
(સંપૂર્ણ સમાચાર સેવા)
રાષ્ટ્રીય રાજધાની દિલ્હીમાં છતરપુર મેટ્રો સ્ટેશન પાસે ગોળીબારની ઘટના સામે આવી છે. મળતી માહિતી અનુસાર ૧૦ રાઉન્ડથી વધુ ફાયરિંગ કરવામાં આવ્યું છે. જેમાં એક સ્કોર્પિયો સવાર ઘાયલ થયો હોવાનું સામે આવ્યું છે. તેમને તાત્કાલિક નજીકની હોસ્પિટલમાં લઈ જવામાં આવ્યા બાદ તેમની હાલત ગંભીર છે. આ આખી ઘટના દક્ષિણ દિલ્હીની છે, જ્યાં જાહેરમાં અનેક રાઉન્ડ ગોળીઓ ચલાવવામાં આવી હતી. છતરપુર (Chhatarpur) મેટ્રો સ્ટેશન પાસે બનેલી આ ઘટનાથી ભારે હોબાળો મચી ગયો હતો.
કહેવામાં આવી રહ્યું છે કે બદમાશોએ સ્કોર્પિયો કાર પર આડેધડ ગોળીબાર કર્યો હતો. કાર સવાર ગંભીર રીતે ઘાયલ થયો છે. લગભગ ૧૦ રાઉન્ડ ગોળીઓ ચલાવવામાં આવી. માહિતી મળતા જ DCP સહિત ઘણા પોલીસ અધિકારીઓ ઘટનાસ્થળે પહોંચ્યા હતા. જ્યાં ઘટના સ્થળને કોર્ડન કરી તપાસ ચાલી રહી છે. ત્યારે તપાસ માટે ક્રાઈમ ટીમને પણ સ્થળ પર બોલાવાઇ હતી.
ગોળીબારને કારણે સ્થળ પર ગભરાટનો માહોલ જામ્યો
પોલીસ સમગ્ર વિસ્તારમાં તપાસ કરી રહી છે. ગોળીબાર શા માટે કરવામાં આવ્યો તે હજુ સુધી સ્પષ્ટ થયું નથી. પોલીસની ટીમ ગુનાના સ્થળે સતત તપાસ કરી રહી છે. ઘટનાસ્થળેથી ગોળીબાર કરાયેલી ગોળીઓ મળી આવી હતી. જ્યારે આ ઘટના બની ત્યારે સતત ગોળીબારને કારણે સ્થળ પર ગભરાટનો માહોલ હતો.
પોલીસના જણાવ્યા અનુસાર અજાણ્યા હુમલાખોરોએ સ્કોર્પિયોમાં મુસાફરી કરી રહેલા એક વ્યક્તિને નિશાન બનાવીને અંધાધૂંધ ગોળીબાર કર્યો હતો. આ ગોળીબારમાં તે ગંભીર રીતે ઘાયલ થયો હતો. પોલીસે તેને તાત્કાલિક હોસ્પિટલમાં દાખલ કર્યો. તે સામાન્ય થઈ જાય અને તેનું નિવેદન બહાર આવે તે પછી જ ખબર પડશે કે આ ઘટના પાછળનું કારણ શું છે.
