Last Updated on by Sampurna Samachar
વચગાળાની યુનુસ સરકારે પક્ષ અવામી લીગ પર પ્રતિબંધ મુક્યો
ગૃહ સલાહકાર લેફ્ટનન્ટ જનરલે આપી માહિતી
(સંપૂર્ણ સમાચાર સેવા)
બાંગ્લાદેશની મુહમ્મદ યુનુસના નેતૃત્વ હેઠળની વચગાળાની સરકાર દ્વારા સુધારેલા આતંકવાદ વિરોધી કાયદા હેઠળ હાંકી કાઢવામાં આવેલા વડા પ્રધાન શેખ હસીનાના પક્ષ, અવામી લીગ પર એક સત્તાવાર નિવેદન લાદવામાં આવ્યું છે.
બાંગ્લાદેશની વચગાળાની સરકારે હકાલપટ્ટી કરાયેલા વડા પ્રધાન શેખ હસીના (Sheikh Hasina) ની અવામી લીગ પર સત્તાવાર રીતે પ્રતિબંધ મૂકી દીધો છે. બે દિવસ પહેલા મુહમ્મદ યુનુસની વચગાળાની સરકારે પાર્ટીની તમામ પ્રવૃતિઓ પર પ્રતિબંધ મૂકી દીધો હતો. ગૃહ સલાહકાર લેફ્ટનન્ટ જનરલ (નિવૃત્ત) જહાંગીર આલમે મીડિયાને જણાવ્યું કે, આ સંદર્ભમાં સરકારી નોટિફિકેશન અપાયું છે.
અવામી લીગનું રજિસ્ટ્રેશન રદ કરાયું
બાંગ્લાદેશના ઇતિહાસમાં સ્વાયત્તતા અને સ્વતંત્રતા સંગ્રામમાં અવામી લીગે મોટું યોગદાન આપ્યું છે. ગૃહ મંત્રાલયના એક અધિકારીના જણાવ્યા અનુસાર, સુધારેલા આતંકવાદ વિરોધી અધિનિયમ ૨૦૨૫ ની કલમ ૧૮ સરકારને આતંકવાદ સંબંધિત બાબતોના સંદર્ભમાં કોઈપણ સંગઠન અથવા વ્યક્તિ પર પ્રતિબંધ મૂકવાની સત્તા આપે છે. આ કાયદો પહેલા અસ્તિત્વમાં નહોતો. ૨૦૦૯ ના કાયદા મુજબ, આવી વ્યવસ્થા પહેલા અસ્તિત્વમાં નહોતી.
ચૂંટણી પંચ (EC) એ કહ્યું કે અમે અવામી લીગનું રજિસ્ટ્રેશન પણ રદ કરી દીધું છે, જેના કારણે પાર્ટી ચૂંટણી લડવા માટે અયોગ્ય બની ગઈ છે. હવે અવામી લીગ પાર્ટી ચૂંટણી લડી શકશે નહીં. બાંગ્લાદેશના ચૂંટણી પંચે પક્ષની નોંધણી રદ કરી દીધી છે. કમિશનના સચિવ અખ્તર અહેમદે જણાવ્યું હતું કે ગૃહ મંત્રાલયે પાર્ટીની કોઈપણ પ્રકારની પ્રવૃત્તિઓ પર પ્રતિબંધ લાદ્યો છે, ત્યારબાદ ચૂંટણી પંચે પણ નોંધણી રદ કરવાનો ર્નિણય લીધો છે.
