સૈફ અલી ખાન પર હુમલા કેસમાં આરોપીનો ચહેરો CCTV ફૂટેજ સાથે થઇ ગયો મેચ

Share this Article:

ચહેરાની ઓળખ કરનારી ટેકનોલોજી દ્વારા સ્પષ્ટ થયું

(સંપૂર્ણ સમાચાર સેવા)

બોલિવૂડ અભિનેતા સૈફ અલી ખાન પર હુમલાના કેસમાં એક મોટો ખુલાસો થયો છે. આ કેસમાં ધરપકડ કરાયેલા આરોપી મોહમ્મદ શરીફુલ ઇસ્લામનો FRT એટલે કે ફેસ રેકગ્નિશન ટેસ્ટ રિપોર્ટ પોઝિટિવ આવ્યો છે. સરળ શબ્દોમાં કહીએ તો આરોપીનો ચહેરો CCTV ફૂટેજ સાથે મેચ થયો છે.

સૈફ અલી ખાન પર  હુમલા કેસમાં પકડાયેલા આરોપી પર શંકાઓ ઉભી થઈ રહી હતી. કેટલાક લોકોનું કહેવુ હતું કે, પકડાયેલ વ્યક્તિનો ચહેરો CCTV ફૂટેજમાં જોવા મળતા આરોપી સાથે મેળ ખાતો નથી. પરંતુ હવે આ મુદ્દા પરથી પડદો હટી ગયો છે. આ અંગે પોલીસે માહિતી આપતાં જણાવ્યું હતું કે, ચહેરાની ઓળખ કરનારી ટેકનોલોજી દ્વારા સ્પષ્ટ થયું કે, શરીફુલ ઇસ્લામ એ જ વ્યક્તિ છે જે CCTV ફૂટેજમાં જોવા મળી રહ્યો હતો.

પોલીસના જણાવ્યા પ્રમાણે શરીફુલ ઇસ્લામ મૂળ બાંગ્લાદેશનો રહેવાસી છે. અને બાંગ્લાદેશમાં રહેતા તેના પિતા રોહુલ અમીન આ કેસને રાજકીય સ્વરુપ આપવા જઈ રહ્યા છે. આરોપીના પિતા અમીન ખાલિદા ઝિયાની પાર્ટી BNP ના કાર્યકર હોવાનું કહેવાય છે. પોતાના પુત્રને નિર્દોષ ગણાવતા કહ્યું કે, અમીને ધમકી આપી હતી કે, તે આ મુદ્દો રાજદ્વારી લેવલે ઉઠાવશે. આ ઉપરાંત તેમણે એમ પણ કહ્યું કે, તેઓ દેશના એક મોટા ગજાના નેતાના સંપર્કમાં પણ છે.

અમીને દાવો કરતાં કહ્યું હતું કે, CCTV માં દેખાતો વ્યક્તિ મારો પુત્ર નથી. તેમના પુત્રનો બચાવ કરતા અમીને કહ્યું હતું કે, મારા પુત્રને આ ઘટનામાં ફસાવવામાં આવી રહ્યો છે. આ ઉપરાંત CCTV ફૂટેજમાં દેખાતા લાંબા વાળવાળા શંકાસ્પદ વ્યક્તિના ફોટા તેમના પુત્ર સાથે મેળ પણ ખાતા નથી. જોકે, અહીં પોલીસે દાવો કરતાં કહ્યું હતું કે, શરીફુલ ઇસ્લામે ગુનો કર્યા પછી પોતાનો દેખાવ બદલી નાખ્યો હતો. એક સલૂનમાં જઈ તેણે વાળ પણ કપાવી દીધા હતા.

પોલીસના જણાવ્યા પ્રમાણે આરોપી બાંગ્લાદેશનો નાગરિક છે. અને ગેરકાયદેસર રીતે ભારતમાં પ્રવેશ્યા બાદ તેણે પોતાનું નામ મોહમ્મદ શરીફુલ ઇસ્લામ શહજાદથી બદલીને બિજાેય દાસ રાખ્યું હતું.

પોલીસે આરોપીની થાણેથી ધરપકડ કરી હતી. ૧૬ જાન્યુઆરીના રોજ બાંદ્રાના એક એપાર્ટમેન્ટના ૧૨મા માળે એક ઘુસણખોરે સૈફ અલી ખાન પર વારંવાર છરીના ઘા કર્યા હતા. હુમલામાં ઘાયલ થયેલા અભિનેતાને લીલાવતી હોસ્પિટલમાં દાખલ કરવામાં આવ્યો હતો, જ્યા તેની તાત્કાલિક સર્જરી કરાવવામાં આવી હતી. સર્જરી બાદ સૈફને પાંચ દિવસ બાદ હોસ્પિટલમાંથી રજા આપવામાં આવી હતી.

Share this Article:

Posted By: 

Sampurna Samachar is the fastest-growing Daily Gujarati news Paper and Gujarati News in Gujarat since 2010. Flagship Brand Sampurna Samachar, which bring its dedicated readers the most reliable, authentic and unbiased news among every Gujarati news site. It provides more diverse multimedia content than other linguistic sites. Its dedicated online editorial team delivers exclusive and comprehensive content every day. Besides this, numerous numbers of news from the broad network of Sampurna Samachar Newspapers are available to the Gujarati speaking people who live globally. Our site is updated 24 hours a day so that every core event can reach our readers instantly.