પ્રેક્ષકોમાં બે લોકોની મારામારીની ઘટનાથી અરાજકતા સર્જાઇ
(સંપૂર્ણ સમાચાર સેવા)
અમદાવાદમાં કોલ્ડપ્લે કોન્સર્ટમાં બેન્ડના પ્રખ્યાત હિટ ગીત વિવા લા વિડા દરમિયાન પ્રેક્ષકોના બે સભ્યો એકબીજા સાથે અથડાયા ત્યારે અરાજકતા મચી ગઈ હતી.. બંને વચ્ચે ઉગ્ર ઝપાઝપી થઈ. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. આ વીડિયો ઇન્સ્ટાગ્રામ પર ‘ઘર કે કલેશ’ એકાઉન્ટ દ્વારા શેર કરવામાં આવ્યો છે. આ ક્લિપમાં બે લોકો એકબીજાને મુક્કા મારતા જોવા મળે છે.
બંને એકબીજાને થપ્પડ મારતા અને એકબીજાને ખેંચતા જોવા મળે છે. આ દરમિયાન, કોન્સર્ટમાં હાજર લોકો તેમની વચ્ચેના ઝઘડાને ઉકેલવાનો પ્રયાસ કરી રહ્યા છે. આ બધું ત્યારે બન્યું જ્યારે બેન્ડે સ્ટેજ પર તેમનું સૌથી હીટ સોંગ વગાડ્યું.
એક અહેવાલ મુજબ, વીડિયોમાં એક માણસ બીજા માણસનો હાથ કરડતો જોવા મળે છે જ્યારે ત્યાં હાજર લોકો બંનેને અલગ કરવાનો પ્રયાસ કરી રહ્યા છે. થોડીક સેકન્ડો પછી, બીજી વ્યક્તિ ફરીથી આગળ આવે છે, ઝઘડો વધારે છે અને બીજી વ્યક્તિને ફરીથી થપ્પડ મારે છે.
કોલ્ડપ્લે બેન્ડનો અંતિમ કોન્સર્ટ અમદાવાદના નરેન્દ્ર મોદી સ્ટેડિયમમાં યોજાયો હતો. આ દરમિયાન, બેન્ડના મુખ્ય ગાયક ક્રિસ માર્ટિને ‘વંદે માતરમ’ અને ‘મા તુઝે સલામ’ જેવા દેશભક્તિ ગીતો ગાઈને ૭૬મા પ્રજાસત્તાક દિવસની શુભેચ્છા પાઠવી. ક્રિકેટર જસપ્રીત બુમરાહ પણ આ કોન્સર્ટમાં હાજર રહ્યા હતા. ક્રિસ માર્ટિને બુમરાહ માટે એક ગીત પણ ગાયું હતું. ૨૫ અને ૨૬ જાન્યુઆરીના રોજ યોજાયેલા આ શો ક્રિસ માર્ટિનના ‘મ્યુઝિક ઓફ ધ સ્ફિયર્સ વર્લ્ડ ટૂર’ના અંતિમ કોન્સર્ટ હતા.
કોલ્ડપ્લેના અમદાવાદ કાર્યક્રમમાં કાર્તિક આર્યન, સુહાના ખાન, વિજય વર્મા અને ક્રિકેટ દિગ્ગજ સચિન તેંડુલકર સહિત અન્ય સેલિબ્રિટીઓએ હાજરી આપી હતી. બ્રિટિશ રોક બેન્ડમાં ગિટારવાદક જાેની બકલેન્ડ, બાસિસ્ટ ગાય બેરીમેન, ડ્રમર વિલ ચેમ્પિયન અને મેનેજર ફિલ હાર્વેનો પણ સમાવેશ થાય છે. ક્રિસ માર્ટિને કાર્યક્રમમાં હાજર શ્રોતાઓને હિન્દીમાં સંબોધન કર્યું. તેમણે દેશના વિવિધ ભાગોમાંથી મોટી સંખ્યામાં આવવા બદલ લોકોનો આભાર પણ માન્યો.
