Last Updated on by Sampurna Samachar
૨૪ વર્ષ બાદ ODI વર્લ્ડ કપ ૨૦૨૭માં જોવા મળશે ૨૦૦૩ જેવો રોમાંચ
સુપર–૬ ફોર્મેટની વાપસી થશે : ૨૦૦૩ના વર્લ્ડ કપની જેમ જ ૧૪ ટીમો ૨૦૨૭ના વર્લ્ડ કપમાં રમશે
(સંપૂર્ણ સમાચાર સેવા)
હાલમાં માહોલ ભારતમાં છવાયેલો છે, છતાં ભારતીય ક્રિકેટ ચાહકો આગામી વર્ષે યોજાનાર ૨૦૨૭ ODI વર્લ્ડ કપની આતુરતાથી રાહ જોઈ રહ્યા છે. દક્ષિણ આફ્રિકા, ઝિમ્બાબ્વે અને નામિબિયા દ્વારા સંયુક્તરીતે આયોજિત આગામી ODI વર્લ્ડ કપમાં ૨૪ વર્ષ જૂનું ૨૦૦૩ જેવું એક રોમાંચક ફોર્મેટ જોવા મળશે. ક્રિકેટનાઆ મહાકુંભમાં ફક્ત એક કે બે નહીં, પરંતુ કુલ ત્રણ મોટા ફેરફારો જોવા મળશે.
પહેલો ફેરફાર સુપર–૬ ફોર્મેટની વાપસી છે, જે ૨૦૦૩ના ઐતિહાસિક વર્લ્ડ કપની યાદોને તાજી કરે છે. બીજો ફેરફાર એ છે કે ૧૦ને બદલે ૧૪ ટીમો ટાઇટલ માટે લડવા માટે મેદાનમાં ઉતરશે. ત્રીજો ફેરફાર એ છે કેસેમિફાઇનલનો માર્ગ પહેલા કરતાં વધુ જટિલ અને રોમાંચક બનવાનો છે. ૨૦૨૭ ODI વર્લ્ડ કપ ખરેખર ખાસઇવેન્ટ કેમ બનવા જઈ રહ્યો છે તેના વિશે આ લેખમાં જાણીશું.
ODI વર્લ્ડ કપમાં કુલ ૧૦ ટીમોએ ભાગ લીધો
આગામી વર્ષે આ વર્લ્ડ કપ દક્ષિણ આફ્રિકા, ઝિમ્બાબ્વે અને નામિબિયામાં યોજાશે. છેલ્લી વખત સુપર–૬ફોર્મેટનો ઉપયોગ ૨૦૦૩ની સિઝનમાં થયો હતો. એ વખતે પણ વર્લ્ડ કપ દક્ષિણ આફ્રિકા અને ઝિમ્બાબ્વેમાંરમાયો હતો. ૨૦૨૩ના ODI વર્લ્ડ કપમાં કુલ ૧૦ ટીમોએ ભાગ લીધો હતો. જો કે, ૨૦૦૩ના વર્લ્ડ કપની જેમ જ ૧૪ટીમો ૨૦૨૭ના વર્લ્ડ કપમાં ભાગ લેશે.
૨૦૨૭ના ODI વર્લ્ડ કપ માટે ૭ ટીમોના બે ગ્રુપ બનાવવામાં આવશે. ગ્રુપ છમાં ૭ ટીમો હશે અને ગ્રુપ મ્માં પણ ૭ટીમો હશે. દરેક ટીમ પોતાના ગ્રુપની અંદરની દરેક ટીમ સામે એક મેચ રમશે. પ્રથમ તબક્કામાં દરેક ટીમને ૬ મેચરમવાની તક મળશે.
એકવાર ગ્રુપ સ્ટેજ મેચો પૂર્ણ થયા પછી બંને ગ્રુપમાંથી ટોચની ૩ ટીમો આગળના રાઉન્ડમાં જશે. ખાસ કરીનેગ્રુપ છમાંથી ૩ ટીમો અને ગ્રુપ મ્માંથી ૩ ટીમો. આ સ્ટેજને સુપર–૬ તરીકે ઓળખવામાં આવે છે. બાકીની ૮ ટીમોપહેલા રાઉન્ડમાં જ બહાર થઈ જશે. તમારે એ પણ જાણવું જોઈએ કે સુપર–૬ સ્ટેજને શું ખાસ બનાવે છે. આરાઉન્ડ ટુર્નામેન્ટનો સૌથી રસપ્રદ અને રોમાંચક ભાગ છે.
ગ્રુપ છમાંથી આગળ વધતી ૩ ટીમો અને ગ્રુપ મ્માંથી આગળ વધતી ૩ ટીમો વચ્ચે મેચ રમાશે. જો કે, પ્રથમતબક્કામાં એક જ ગ્રુપમાંથી ટીમો આ રાઉન્ડમાં એકબીજા સામે નહીં રમે. મેચો ફક્ત બીજા ગ્રુપમાંથી આવતીટીમો સામે જ રમાશે.
દાખલા તરીકે, જો ભારત અને પાકિસ્તાનની ટીમો પ્રથમ રાઉન્ડ દરમિયાન એક જ ગ્રુપમાં હોય અને બંને ટીમોસુપર–૬ માટે ક્વોલિફાય થાય, તો તેઓ પછીના રાઉન્ડમાં એકબીજાનો સામનો નહીં કરે. જો કે, જો બંનેટીમોને પ્રથમ રાઉન્ડ દરમિયાન અલગ અલગ ગ્રુપમાં મૂકવામાં આવે અને ત્યારબાદ સુપર–૬ તબક્કા માટેક્વોલિફાય થાય, તો તેમની વચ્ચે એક મેચ રમાશે. બીજા શબ્દોમાં કહીએ તો સુપર–૬ તબક્કા સુધી એક ટીમબીજી ચોક્કસ ટીમનો સામનો ફક્ત એક જ વાર કરશે.
આ ટુર્નામેન્ટની એક મુખ્ય વિશેષતા એ છે કે ગ્રુપ સ્ટેજ દરમિયાન મળેલા પોઈન્ટના આધારે ટીમોને આગળ લઈજવામાં આવશે.
જાે કે, આ સાથે એક ચોક્કસ શરત જોડાયેલી છે કે પોઈન્ટ ફક્ત ત્યારે જ ઉમેરવામાં આવશે પ્રથમરાઉન્ડમાં પરાજિત ટીમ પણ પછીના રાઉન્ડ માટે ક્વોલિફાય થાય. ટુર્નામેન્ટમાંથી બહાર થઈ ગયેલી ટીમ સામેમેળવેલા પોઈન્ટ ગણવામાં આવશે નહીં.
ઉદાહરણ તરીકે, ધારો કે ટીમ ઈન્ડિયા અને પાકિસ્તાન પ્રથમ રાઉન્ડ દરમિયાન એક જ ગ્રુપમાં છે અને ભારતપાકિસ્તાનને હરાવે છે. હવે જો બંને ટીમો સુપર–૬ સ્ટેજ માટે ક્વોલિફાય થાય છે, તો ભારતીય ટીમને સુપર–૬રાઉન્ડમાં આપમેળે બે પોઈન્ટ આપવામાં આવશે. એક પણ મેચ રમ્યા વિના કારણ કે તેઓએ પહેલા રાઉન્ડમાંપાકિસ્તાનને હરાવ્યું હતું. જો કે, જો પાકિસ્તાન સુપર–૬ સ્ટેજ માટે ક્વોલિફાય કરવામાં નિષ્ફળ જાય છે, તોભારતને કોઈ પોઈન્ટ મળશે નહીં.
સુપર–૬ સ્ટેજમાંથી ટોપ–૪ ટીમો સેમિફાઇનલ માટે ક્વોલિફાય થશે. આનો અર્થ એ છે કે છ ટીમોમાંથી ચારઆગળ વધશે, જ્યારે બાકીની બે ટીમોની સફર સમાપ્ત થશે. પ્રથમ સેમિફાઇનલ પ્રથમ ક્રમની ટીમ અને ચોથાક્રમની ટીમ વચ્ચે રમાશે, જ્યારે બીજી સેમિફાઇનલ બીજા ક્રમની ટીમ અને ત્રીજા ક્રમની ટીમ વચ્ચે રમાશે. વિજેતાટીમો ફાઇનલમાં પહોંચશે અને ફાઇનલ મેચ જીતનાર ટીમ ટ્રોફી ઉઠાવશે.
