CSK એ સેમ કરનને ૨.૪૦ કરોડ રૂપિયામાં ખરીદ્યો
(સંપૂર્ણ સમાચાર સેવા)
IPL ૨૦૨૫ મેગા હરાજીમાં ચેન્નઈ સુપર કિંગ્સ ખૂબ જ સક્રિય જોવા મળી હતી. બીજા દિવસે પણ આ ટીમ ચતુરાઈપૂર્વક બોલી લગાવતી જોવા મળી છે. ચેન્નઈ સુપર કિંગ્સએ સેમ કરનને ૨.૪૦ કરોડ રૂપિયામાં ખરીદ્યો છે. જ્યારે ભારતના ઉભરતા સ્પિન બોલર વોશિંગ્ટન સુંદર પર ગુજરાત ટાઈટન્સે બાજી મારી છે, તેમના પર છેલ્લી બોલી ૩.૨૦ કરોડ રૂપિયાની લાગી. જ્યારે દિલ્હી કેપિટલ્સને બમ્પર ફાયદો થયો છે, કારણ કે DCA ફાફ ડુ પ્લેસિસને માત્ર ૨ કરોડ રૂપિયામાં ખરીદી લીધો છે.
ફાફ ડુ પ્લેસિસ વર્ષ ૨૦૨૨થી જ રોયલ ચેલેન્જર્સ બેંગલોરની કેપ્ટનશિપ કરી રહ્યા હતા, તેમનું વ્યક્તિગત પ્રદર્શન પણ શાનદાર રહ્યું છે. મેગા હરાજીમાં તેમની બેઝ પ્રાઈસ ૨ કરોડ રૂપિયા રહી અને દિલ્હી કેપિટલ્સે તેમને બેઝ પ્રાઈસમાં ખરીદવામાં સફળતા મેળવી. ૨૦૨૦-૨૦૨૧માં ચેન્નઈ સુપર કિંગ્સ માટે રમી ચૂકેલા સેમ કરનને CSK એ ૨.૪૦ કરોડ રૂપિયામાં ખરીદી લીધો છે. તેમના સિવાય વોશિંગ્ટન સુંદર પર ગુજરાત ટાઈટન્સે દાવ રમતા ૩.૨૦ કરોડ રૂપિયામાં ખરીદ્યો છે.
ફાફ ડુપ્લેસિસ પર તો કોઈ અન્ય ટીમે બોલી લગાવી નહીં, પરંતુ સેમ કરનને ખરીદવા માટે CSK ને લખનઉ સુપર જાયન્ટ્સ સાથે સ્પર્ધા કરવી પડી. બીજી તરફ વોશિંગ્ટન સુંદર પર ગુજરાત અને લખનઉ ટીમો વચ્ચે જદ્દોજહદ જોવા મળી. તેમની બેઝ પ્રાઈસ ૨ કરોડ રૂપિયા હતી અને લખનઉએ ૩ કરોડ રૂપિયાથી આગળ બોલી લગાવવાનું યોગ્ય ન માન્યું. અંતે ગુજરાતે ૩.૨૦ કરોડ રૂપિયાની બોલી લગાવીને સુંદરને પોતાની સ્ક્વોડમાં સામેલ કર્યો.
સુંદરન તેમની છેલ્લી સીઝન સનરાઈઝર્સ હૈદરાબાદ માટે રમ્યા હતા, જ્યારે ડુ પ્લેસિસ RCB માટે છેલ્લી ત્રણ સીઝનમાં ૪૦૦થી વધુ રન બનાવતા આવ્યા હતા. ડુ પ્લેસિસે આ દરમિયાન ૨૦૨૩ સીઝનમાં ૭૩૦ રન પણ બનાવ્યા. સેમ કરન તેમના IPL કરિયરમાં ૮૮૩ રન અને ૫૮ વિકેટ પણ ઝડપી ચૂક્યા છે. IPL ૨૦૨૫ મેગા હરાજીના બીજા દિવસે આશ્ચર્યજનક ઘટના બની. અજિંક્ય રહાણે અને કેન વિલિયમ્સન સહિત ઘણા દિગ્ગજ ખેલાડીઓ પ્રથમ રાઉન્ડમાં વેચાયા નહીં. પૃથ્વી શો અને મયંક અગ્રવાલ માટે પણ કોઈએ બોલી ન લગાવી. વિલિયમ્સનની બેઝ પ્રાઈસ ૨ કરોડ રૂપિયા હતી. જ્યારે રહાણેની બેઝ પ્રાઈસ ૧.૫૦ કરોડ રૂપિયા હતી. પૃથ્વી શોની બેઝ પ્રાઈસ માત્ર ૭૫ લાખ રૂપિયા હતી. પૃથ્વી ટીમ ઈન્ડિયાથી બહાર થયા બાદ ડોમેસ્ટિક ટીમમાંથી પણ બહાર થયા હતા. તેમની વિરુદ્ધ એક્શન પણ લેવામાં આવ્યું હતું.
