Last Updated on by Sampurna Samachar
મહિલાનું કપાયેલું માથું અને વિકૃત શરીર મળી આવ્યું
પોલીસે આ કેસની ઝીંણવટભરી તપાસ શરૂ કરી
(સંપૂર્ણ સમાચાર સેવા)
કર્ણાટકમાં એક સનસનાટીભરી ઘટના પ્રકાશમાં આવી છે. જેણે વિસ્તારમાં સનસનાટી મચાવી દીધી છે. કર્ણાટકના કોરાટગેરેના કોલાલા ગામમાં રસ્તાના કિનારે પ્લાસ્ટિકની ઘણી થેલીઓમાં એક મહિલાનું કપાયેલું માથું અને વિકૃત શરીર મળી આવ્યું હતું. પોલીસે આ કેસની તપાસ શરૂ કરી છે.
મળતી માહિતી અનુસાર કર્ણાટકના ટુમકુરુ જિલ્લામાં ૧૦ અલગ અલગ સ્થળોએ ૪૨ વર્ષીય મહિલાના શરીરના ભાગો મળી આવ્યા હતા. સિદ્ધારબેટ્ટા નજીક મહિલાનું માથું મળી આવ્યું હતું. ૭ ઓગસ્ટના રોજ લિંગપુરા ગામમાં એક કૂતરો એક કપાયેલ હાથને રસ્તા પર ખેંચતો જોવા મળ્યો હતો.
પોલીસ તપાસ બાદ હત્યાનુ કારણ સામે આવશે
સ્થાનિક લોકોએ પોલીસને જાણ કરી. થોડા અંતરે, પ્લાસ્ટિકની થેલીમાં લપેટાયેલો બીજો હાથ મળી આવ્યો. આ પછી, પોલીસે શોધખોળ શરૂ કરી, જેમાં પોલીસે મહિલાના શરીરના અન્ય ભાગો ઘણી જગ્યાએથી મેળવ્યા. જેમાં આંતરડા, પેટના અંગો, એક પગ અને લોહીથી લથપથ બેગનો સમાવેશ થાય છે. આ શરીરના ભાગો કોરાટગેરે અને કોલાલા પોલીસ સ્ટેશન હેઠળ ઘણી જગ્યાએથી મળી આવ્યા હતા.
મહિલા ૪ ઓગસ્ટથી ગુમ હતી. તેના હાથ અને ચહેરા પરના ટેટૂના આધારે, મૃતકની ઓળખ લક્ષ્મીદેવમ્મા તરીકે થઈ હતી, જે ટુમકુરુ તાલુકાના બેલ્લાવી ગામની રહેવાસી હતી. તે ૪ ઓગસ્ટથી ગુમ હતી. તેના પતિ બસવરાજુએ ફરિયાદ નોંધાવી હતી કે તે ૩ ઓગસ્ટના રોજ ઉર્ડીગેરેમાં તેની પુત્રીને મળવા ગઈ હતી પરંતુ રાત સુધી ઘરે પાછી ફરી ન હતી.
પોલીસનું માનવું છે કે હત્યા ૫ ઓગસ્ટના રોજ કરવામાં આવી હતી અને ઓળખ છુપાવવા માટે મૃતદેહના ટૂકડા અલગ અલગ જગ્યાએ ફેંકી દેવામાં આવ્યા હતા. હત્યા પાછળનો હેતુ અને આરોપીઓ હજુ સુધી બહાર આવ્યા નથી. પોલીસ આ કેસની ગંભીરતાથી તપાસ કરી રહી છે.
પોલીસ અધિકારીએ જણાવ્યું હતું કે હત્યારાઓ કદાચ પ્લાસ્ટિકની થેલીઓમાં પેક કરેલા મૃતદેહનો નિકાલ કરવા માટે કારમાં આવ્યા હતા. તેમને શંકા છે કે આ ટુકડાઓ ચિમ્પુગનાહલ્લી અને વેંકટપુરા ગામોને જોડતા રસ્તા પર પથરાયેલા છે. તેમણે વધુમાં કહ્યું કે મહિલાની હત્યા કદાચ બીજે ક્યાંક કરવામાં આવી હશે અને શરીરના ભાગો અહીં લાવીને ફેંકી દેવામાં આવ્યા હશે. પોલીસ આ કેસની તપાસ કરી રહી છે. જોકે, હત્યાનું સાચું કારણ તો પોલીસ તપાસ બાદ સામે આવશે.
