મહિલાની છેડતી થઇ ને કર્ણાટકના ગૃહમંત્રીએ આ શુ કહ્યુ

Last Updated on 08/04/2025 by Sampurna Samachar

સદ્દુગુંટેપલ્યા નજીક રસ્તા પર મહિલાની છેડતી થઇ

છેડતીની ઘટના CCTV  માં કેદ થઇ

(સંપૂર્ણ સમાચાર સેવા)

કર્ણાટકની રાજધાની બેંગલુરુમાં રસ્તા પર એક છોકરી સાથે છેડતીનો મામલો સામે આવ્યો છે. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. આ દરમિયાન, કર્ણાટકના ગૃહમંત્રી જી પરમેશ્વરે આ મામલે વિવાદાસ્પદ નિવેદન આપ્યું છે. તેમણે કહ્યું કે મોટા શહેરોમાં આવી ઘટનાઓ ઘણીવાર બનતી રહે છે. જે પણ કાયદાકીય કાર્યવાહી કરવાની હોય તે કાયદા મુજબ જ કરવામાં આવશે. મેં મારા કમિશનરને બીટ પેટ્રોલિંગ વધારવાનો નિર્દેશ આપ્યો છે.

દક્ષિણ પૂર્વ બેંગલુરુના DCP સારા ફાતિમાએ જણાવ્યું હતું કે સદ્દુગુંટેપલ્યા નજીક રસ્તા પર એક મહિલાની છેડતી કરવામાં આવી હતી. આ ઘટના નજીકમાં લગાવેલા CCTV કેમેરામાં કેદ થઈ ગઈ હતી. પોલીસે BNS ની કલમ ૭૪, ૭૫, ૭૮ હેઠળ FIR નોંધી છે અને તપાસ શરૂ કરી છે.

મહિલાના પ્રાઈવેટ પાર્ટને ટચ કર્યો

વાયરલ થયેલા વીડિયોમાં જોવા મળ્યુ કે બે છોકરીઓ એક સાંકડી શેરીમાંથી પસાર થઈ રહી છે. એક યુવાન તેમની પાછળ આવે છે. થોડે દૂરથી યુવક તે મહિલાની છેડતી કરવાનું શરૂ કરે છે. ગુનો કર્યા પછી, તે સ્થળ પરથી ભાગી જાય છે. જોકે, આ ઘટના નજીકમાં લાગેલા કેમેરામાં કેદ થઈ ગઈ છે. આરોપી મહિલાના પ્રાઈવેટ પાર્ટને ટચ કરે છે. આખી શેરી સૂમસામ છે. બંને બાજુ ફક્ત બાઇક જ પાર્ક કરેલી જોવા મળે છે.

તપાસમાં જાણવા મળ્યું છે કે વાયરલ વીડિયો બેંગલુરુના BTM લેઆઉટ વિસ્તારનો છે. બીજી તરફ, વીડિયો સામે આવ્યા બાદ સોશિયલ મીડિયા પર લોકોનો ગુસ્સો ફાટી નીકળ્યો. લોકોએ આરોપીઓ સામે કડક કાર્યવાહી અને પીડિતાને ન્યાય આપવાની માંગ કરી છે.