Last Updated on by Sampurna Samachar
અમેરિકન વિદેશમંત્રીએ સોશિયલ મીડિયા પર માહિતી આપી
તાલિબાને અમેરિકન નાગરિકને મુક્ત કર્યા
(સંપૂર્ણ સમાચાર સેવા)
અમેરિકા તાલિબાન સાથે સંબંધો સુધારવાની દિશામાં આગળ વધ્યું છે. અફઘાનિસ્તાન સ્થિત તાલિબાનીઓએ બે વર્ષથી કેદ અમેરિકન નાગરિકને ગત સપ્તાહે મુક્ત કર્યો છે, જેના બદલે ટ્રમ્પ સરકારે તાલિબાનને ભેટ આપી છે.
અમેરિકન સરકારે જાહેરાત કરી છે કે, તાલિબાને અમેરિકન નાગરિકને મુક્ત કર્યા છે, તેથી અમે તેમના ત્રણ પ્રમુખ નેતાઓ સિરાજુદ્દીન હક્કાની, અબ્દુલ અજીજ હક્કાની, યાહ્યા હક્કાની પર જાહેર કરેલું ઈનામ હટાવી દીધું છે.
ત્રણેય નેતાઓ પર ઈનામની જાહેરાત હટાવાઇ
અફઘાનિસ્તાનના આંતરિક બાબતોના મંત્રાલયે અમેરિકન સરકારની જાહેરાતની પુષ્ટી કરી છે અને કહ્યું કે, અમેરિકન સરકારે અમારા ત્રણ પ્રમુખ નેતાઓ પર લગાવેલું હજારો મિલિયન ડૉલર ઈનામ હટાવી દીધું છે. અમેરિકાના આદેશ બાદ ત્રણેય નેતાઓ પર ઈનામની જાહેરાત કરવામાં આવી હતી.
મીડિયા રિપોર્ટ મુજબ હક્કા પર મુકવામાં આવેલ ઈનામ હટાવવાની જાહેરાત કરવામાં આવી હતી. બીજીતરફ એવો મીડિયા રિપોર્ટ સામે આવ્યો છે કે, અમેરિકન સરકારે હક્કાની પરનું ઈનામ હટાવવાની જાહેરાત કરી છે, FBI ની વેબસાઈટ પર ઈનામની યાદીમાંથી હક્કાનીનું નામ હટાવાયું નથી. યાદીમાં કહેવાયું છે કે, હક્કાની ઉપર અફઘાનિસ્તાન સ્થિત અમેરિકન અને NATO સૈનિકો વિરુદ્ધ હુમલાની વ્યવસ્થા કરવામાં તેમજ તેમાં સામેલ થવાનો આરોપ છે.
વાસ્તવમાં તાલિબાને બે વર્ષથી કેદ અમેરિકન નાગરિકને મુક્ત કર્યો હતો, ત્યારબાદ અમેરિકાએ આ જાહેરાત કરી છે. અમેરિકન વિદેશમંત્રી માર્કો રૂબિયોએ સોશિયલ મીડિયા પર પોસ્ટ કરીને માહિતી આપી છે કે, ‘અફઘાનિસ્તાને અમેરિકન નારિક જૉર્જ ગ્લીજમૈન બે વર્ષથી કેદ રાખ્યા હતા, જોકે હવે તેમને મુક્ત કરાયા છે.’ ૬૫ વર્ષિય અમેરિકન નાગરિક અઢી વર્ષ પહેલા અફઘાનિસ્તાનના પ્રવાસે ગાય હતા, આ દરમિયાન તાલિબાને તેમની ધરપકડ કરી હતી.
