Last Updated on by Sampurna Samachar
૪૭ પ્રાંતોમાંથી ૨૨ માટે હીટસ્ટ્રોકની ચેતવણી જાહેર
પહેલી વાર આ આંકડો એક લાખથી વધારે
(સંપૂર્ણ સમાચાર સેવા)
ભારતમાં ભલે ઠંડી દસ્તક દઈ રહી હોય પણ જાપાનમાં હાલમાં ભયંકર ગરમી અને લૂના પ્રકોપે લોકોને થકવી નાખ્યા છે. આ સિઝનમાં હીટસ્ટ્રોકના કારણે કુલ ૧ લાખ ૧સો ૪૩ લોકોને હોસ્પિટલમાં લઈ જવામાં આવ્યા છે. પહેલી વાર આ આંકડો એક લાખથી વધારે છે. તેની જાણકારી જાપાનની ફાયર બ્રિગેડ અને ઇમરજન્સી મેનેજમેન્ટ એજન્સીએ આપી છે.
માહિતી અનુસાર, જાપાનમાં ગરમીની હાલત એવી છે કે લૂ લાગવાથી હજારો લોકોને હોસ્પિટલમાં દાખલ કરવા પડ્યા છે. એજન્સીએ પ્રારંભિક આંકડા જાહેર કર્યા છે, જે અનુસાર, મેથી ૨૮ સપ્ટેમ્બર સુધી આ આંકડો ૨૦૧૫ બાદથી સૌથી વધારે છે. આ ગત વર્ષે નોંધાયેલા ૯૭,૫૭૮ના રેકોર્ડને પાર કરી ગયો છે.
ટોક્યોમાં સૌથી વધારે હીટવેવના કેસ
આ વર્ષે ૧૧૬ દર્દીઓના મોત થઈ ગયા અને ૩૬,૪૪૮ અન્યમાં એવા લક્ષણો દેખાયા, જેના માટે તેમને હોસ્પિટલમાં દાખલ થવું પડ્યું. ૬૫ વર્ષ અથવા તેનાથી વધારે ઉંમરના લોકોની સંખ્યા ૫૭,૨૩૫ હતી, જે કુલ કેસના અડધાથી વધારે છે. સિન્હુઆ સમાચાર એજન્સી અનુસાર, ટોક્યોમાં સૌથી વધારે હીટવેવના ૯૩૦૯ કેસ હતા, ત્યાર બાદ ઓસાકામાં ૭૧૭૫ અને આઈચીમાં ૬૬૩૦ કેસ આવ્યા છે.
હવામાન એજન્સી અનુસાર, આ અગાઉ ૩૦ ઓગસ્ટના રોજ ટોક્યો સહિત કાંટો વિસ્તારથી લઈને દક્ષિણ પશ્ચિમમાં ક્યૂશૂ વિસ્તાર સુધી ૩૫ ડિગ્રી સેલ્સિયસ અને તેનાથી વધારે તાપમાનની આશંકા હતી. જાપાન હવામાન વિજ્ઞાન એજન્સીએ દેશના ૪૭ પ્રાંતોમાંથી ૨૨ માટે હીટસ્ટ્રોકની ચેતવણી જાહેર કરી હતી.
જેએમએએ કહ્યું કે તાકામાત્સુ શહેરમાં દિવસનું અધિકતમ તાપમાન ૩૭ ડિગ્રી સેલ્સિયસ અને ઓસાકા, નાગોયા અને કુરુમે શહેરો સહિત અન્ય સ્થાનો પર ૩૬ ડિગ્રી સેલ્સિયસ રહેવાનું અનુમાન છે. સેન્ટ્રલ ટોક્યો અને સૈતામા, ફુકુઈ અને કોફૂ સહિત અન્ય સ્થાનો પર તાપમાન ૩૫ ડિગ્રી સેલ્સિયસ સુધી વધવાનું પૂર્વાનુમાન છે.
હવામાન અધિકારીઓએ કહ્યું હતું કે કાંટો-કોશિન વિસ્તારથી લઈને કિન્કીના પશ્ચિમી ક્ષેત્ર સુધી પારો ખતરનાક સ્તર સુધી વધી શકે છે અને લોકોને હીટસ્ટ્રોકથી બચવા માટે સાવધાની રાખવાનો આગ્રહ કર્યો હતો.
જાપાનમાં હીટસ્ટ્રોક પર્યાવરણીય કારકો, ખાસ કરીને ઉચ્ચ તાપમાન અને આર્દ્રતાના કારણે હોય છે. જે મોટી ઉંમરની વસ્તી અને શહેરોમાં અર્બન હીટ આઈલેન્ડ પ્રભાવોના કારણો વધારશે. ઉંમર, જૂની બીમારીઓ અને ડિહાઈડ્રેશન જેવા શારીરિક કારકો, ખાસ કરીને વડીલોમાં, જેમના શરીરનું તાપમાન બેકાબૂ કરવાની ક્ષમતા ઓછી હોય છે, તેમના પ્રત્યે સંવેદનશીલતા વધારે છે.
