Last Updated on by Sampurna Samachar
ગિલ પહેલા ઋષભ પંત બીમાર પડી ગયો હતો
ટીમ ઈન્ડિયા હાલમાં દુબઈમાં
(સંપૂર્ણ સમાચાર સેવા)
ભારત અને ન્યુઝીલેન્ડ વચ્ચે દુબઈમાં મેચ રમાવાની છે. ટીમ ઈન્ડિયા ચેમ્પિયન્સ ટ્રોફી ૨૦૨૫ ની સેમિફાઇનલમાં પહોંચી ગઈ છે. હવે તે છેલ્લી ગ્રુપ મેચ રમશે. આ પહેલા એક ચોંકાવનારા સમાચાર સામે આવ્યા છે. એક અહેવાલ મુજબ, ઓપનર શુભમન ગિલની તબિયત ઠીક ન હોવાને કારણે તેણે પ્રેક્ટિસ સેશનમાં પણ ભાગ લીધો ન હતો. ગિલ પહેલા ઋષભ પંત બીમાર પડી ગયો હતો. જોકે, તે હવે મેદાનમાં પાછો ફર્યો છે.
વાત કરીએ તો ટીમ ઈન્ડિયા હાલમાં દુબઈમાં છે. રોહિત શર્માની આગેવાની હેઠળની ભારતીય ટીમ ન્યુઝીલેન્ડ સામેની મેચ પહેલા દરરોજ પ્રેક્ટિસ કરી રહી છે. પરંતુ ગિલ પ્રેક્ટિસ માટે મેદાન પર પહોંચ્યો ન હતો. સ્પોર્ટ્સ જર્નાલીસ્ટ અભિષેક ત્રિપાઠીએ ઇન્સ્ટાગ્રામ પર એક પોસ્ટ શેર કરીને માહિતી આપી કે ગિલ બીમાર છે. આ કારણોસર, તે પ્રેક્ટિસ માટે આવ્યો ન હતો. જોકે, ભારતીય ક્રિકેટ કંટ્રોલ બોર્ડે આ બાબતે કોઈ સત્તાવાર માહિતી શેર કરી નથી.
શુભમને બાંગ્લાદેશ સામે શાનદાર પ્રદર્શન કર્યું
ભારત-ન્યુઝીલેન્ડ મેચમાં હજુ ત્રણ દિવસ બાકી છે. જો શુભમન ગિલ મેચ પહેલા ફિટ રહેશે, તો તે પ્લેઇંગ ઇલેવનનો ભાગ બનશે. જો તેની તબિયત સારી ન હોય તો ટીમ ઈન્ડિયા તેને બ્રેક આપી શકે છે. શુભમને બાંગ્લાદેશ સામે શાનદાર પ્રદર્શન કર્યું હતું અને સદી ફટકારી હતી. ભારતે બાંગ્લાદેશને ૬ વિકેટે હરાવ્યું. તો બીજી તરફ એવા પણ સમાચાર છે કે, ફાસ્ટ બોલર શમી પણ ઈજા સામે ઝઝુમી રહ્યો છે.
જો આપણે ગ્રુપ છ ના પોઈન્ટ ટેબલ પર નજર કરીએ તો, ન્યુઝીલેન્ડ ટોચ પર છે. જ્યારે ભારત બીજા સ્થાને છે. આ બંને ટીમો સેમિફાઇનલમાં પહોંચી ગઈ છે. જ્યારે બાંગ્લાદેશ ત્રીજા અને પાકિસ્તાન ચોથા સ્થાને છે. આ બંને ટીમો ટુર્નામેન્ટમાંથી બહાર થઈ ગઈ છે.
ગ્રુપ બીની વાત કરીએ તો, દક્ષિણ આફ્રિકા નંબર વન પર છે. ઓસ્ટ્રેલિયા બીજા સ્થાને છે અને અફઘાનિસ્તાન ત્રીજા સ્થાને છે. આ ગ્રુપમાંથી કોઈ ટીમ હજુ સુધી સેમિફાઇનલમાં પહોંચી નથી. ઇંગ્લેન્ડ ટુર્નામેન્ટમાંથી બહાર થઈ ગયું છે.
