Last Updated on by Sampurna Samachar
બંનેની હાલત ખરાબ થતાં હોસ્પિટલમાં દાખલ કરાયા
ઘટનાને પગલે સમગ્ર પરિવારમાં હડકંપ
(સંપૂર્ણ સમાચાર સેવા)
ઉત્તર પ્રદેશના ફિરોઝાબાદમાં એક યુવકને સાપે ડંખ માર્યો હતો , જે બાદ તેની પત્નીએ પતિનો જીવ બચાવવા માટે ફિલ્મી સ્ટાઈલમાં સાપના ડંખવાળી જગ્યા પર મોંથી ઝેર ચૂસવાનું શરુ કરી દીધું. જેનાથી પતિ સાથે સાથે પત્નીની પણ તબિયત ખરાબ થઈ ગઈ હતી. બંનેને હોસ્પિટલમાં હવે એક સાથે દાખલ કરવામાં આવ્યા, જ્યાં તેમની સારવાર ચાલી રહી છે. આ મામલો ફિરોઝાબાદ પોલીસ સ્ટેશ હદ વિસ્તારમાં આવાત નારખી વિસ્તારના ગામ ગોંછ કા બાગનો છે.
નારખી વિસ્તારના ગામ ગોંછ કા બાગમાં યુવક ઘરની બહાર કંઈક કામ કરી રહ્યા હતા. ત્યારે ત્યાં છુપાઈને બેઠેલા એક ઝેરી સાપે તેને ડંખ મારી લીધો. સાપના કરડ્યા બાદ પ્રદીપ જોર જોરથી ચિસો પાડવા લાગ્યો હતો. પ્રદીપનો અવાજ સાંભળી તેની પત્ની સુમન દોડતી આવી. પત્નીને જ્યારે તેની જાણકારી થઈ કે પત્નીને ઝેરી સાપે ડંખ માર્યો છે તો તેણે કંઈ પણ વિચાર્યા વિના જે જગ્યાએ પતિને સાપે ડંખ માર્યો હતો, ત્યાં મોં લગાવીને સાપનું ઝેર ચૂસવા લાગી હતી.
પત્નીના શરીરમાં પણ ઝેર પ્રસરવા લાગ્યું
પતિના શરીરમાંથી ઝેર કાઢતી વખતે સુમનના શરીરમાં પણ ઝેર જતું રહ્યું. જેનાથી થોડી વારમાં પત્નીની પણ તબિયત ખરાબ થવા લાગી. આ ઘટનાની જાણકારી મળતા આખા પરિવારમાં હડકંપ મચી ગયો. પરિવારે તાત્કાલિક બંનેને જિલ્લા હોસ્પિટલમાં દાખલ કર્યા. જ્યાં બંનેની સારવાર ચાલી રહી છે.
પરિવારે આ ઘટના અંગે જણાવ્યું છે કે, સાપના ડંખથી પત્નીએ ઝેર ચૂસવાનો પ્રયાસ કર્યો હતો. તેણે ફિલ્મોમાં જોયું હતું કે મોં દ્વારા ઝેર ચૂસીને બહાર કાઢવામાં આવે છે. તેવી જ રીતે તેણે પણ કોશિશ કરી, જો કે આ ઘટનામાં તેની હાલત ખરાબ થઈ ગઈ. ડોક્ટર્સના જણાવ્યા અનુસાર, પ્રદીપ અને તેની પત્નીની દાખલ કરવામાં આવ્યા હતા.
