Last Updated on by Sampurna Samachar
સ્ટીવ સ્મિથ અને ગ્લેન ફિલિપ્સને પાછળ છોડી દીધા
આ ક્રિકેટરનુ મહત્વપૂર્ણ યોગદાન
(સંપૂર્ણ સમાચાર સેવા)
ભારતીય બેટ્સમેન શુભમન ગિલને ICC પ્લેયર ઓફ ધ મંથ ફેબ્રુઆરી એવોર્ડ એનાયત કરવામાં આવ્યો છે. આ રીતે શુભમન ગિલે ત્રીજી વખત ICC પ્લેયર ઓફ ધ મંથનો એવોર્ડ જીત્યો છે. જોકે, આ બાબતમાં શુભમન ગિલે જસપ્રીત બુમરાહને પાછળ છોડી દીધો છે. અત્યાર સુધી જસપ્રીત બુમરાહ ભારતીય ક્રિકેટર છે જેણે સૌથી વધુ વખત ICC પ્લેયર ઓફ ધ મંથનો એવોર્ડ જીત્યો છે. જસપ્રીત બુમરાહ બે વાર ICC પ્લેયર ઓફ ધ મંથનો એવોર્ડ જીતી ચૂક્યો છે. પરંતુ હવે શુભમન ગિલે જસપ્રીત બુમરાહને પાછળ છોડી દીધો છે.
ગયા મહિને શુભમન ગિલે વન-ડે ફોર્મેટમાં રનનો વરસાદ વરસાવ્યો હતો. શુભમન ગિલે વન-ડે ફોર્મેટમાં ૧૦૧.૫૦ની સરેરાશથી ૪૦૬ રન ફટકાર્યા હતા. શુભમન ગિલ ઉપરાંત ઓસ્ટ્રેલિયાના કેપ્ટન સ્ટીવ સ્મિથ અને ન્યૂઝીલેન્ડના ગ્લેન ફિલિપ્સને ફેબ્રુઆરી માટે ICC પ્લેયર ઓફ ધ મંથ માટે નામાંકિત કરવામાં આવ્યા હતા, પરંતુ શુભમન ગિલે આ એવોર્ડ જીત્યો હતો.
બેવડી સદી ફટકારવાની સિદ્ધિ હાંસલ કરી
તાજેતરમાં, રોહિત શર્માના નેતૃત્વ હેઠળની ભારતીય ટીમે ચેમ્પિયન્સ ટ્રોફી જીતી હતી. ટીમ ઈન્ડિયાની જીતમાં શુભમન ગિલનું યોગદાન મહત્વપૂર્ણ માનવામાં આવતું હતું. આ બેટ્સમેને પોતાના બેટથી ભારતીય ટીમનું કામ સરળ બનાવી દીધું હતું.
શુભમન ગિલે ૫૫ ODI મેચોમાં ભારતીય ટીમનું પ્રતિનિધિત્વ કર્યું છે. આ ફોર્મેટમાં શુભમન ગિલે ૯૯.૫૭ના સ્ટ્રાઇક રેટ અને ૫૯.૦૪ની સરેરાશથી ૨૭૭૫ રન ફટકાર્યા હતા. આ બેટ્સમેને વન-ડે ફોર્મેટમાં ૮ સદી ફટકારી છે. આ ઉપરાંત, તેણે ૧૫ વખત પચાસ રનનો આંકડો પાર કર્યો છે. શુભમન ગિલનો આ ફોર્મેટમાં શ્રેષ્ઠ સ્કોર ૨૦૮ રન છે. શુભમન ગિલ વિશ્વ ક્રિકેટમાં ખૂબ જ ઓછા બેટ્સમેનોમાંનો એક છે જેમણે વન-ડે ફોર્મેટમાં બેવડી સદી ફટકારવાની સિદ્ધિ હાંસલ કરી છે.
