Last Updated on by Sampurna Samachar
૮૬ સદી ફટકારનાર બેટ્સમેનનું અચાનક નિધન
વેન લાર્કિનને ૭૧ વર્ષની વયે અંતિમ શ્વાસ લીધા
(સંપૂર્ણ સમાચાર સેવા)
ભારત અને યજમાન ઇંગ્લેન્ડ ટીમ વચ્ચે ઇંગ્લેન્ડમાં પાંચ મેચની ટેસ્ટ શ્રેણી ચાલી રહી છે. લીડ્સમાં રમાયેલી પહેલી ટેસ્ટ મેચમાં ભારતને ૫ વિકેટથી હરાવીને ઇંગ્લેન્ડે પાંચ મેચની ટેસ્ટ શ્રેણીમાં ૧-૦થી લીડ મેળવી લીધી છે.
ભારત અને ઇંગ્લેન્ડ વચ્ચે બીજી ટેસ્ટ મેચ ૨ જુલાઈએ બર્મિંગહામના એસ્બેસ્ટન મેદાન પર રમાશે. આ ટેસ્ટ મેચ ભારતીય સમય મુજબ બપોરે ૩:૩૦ વાગ્યે શરૂ થશે. ભારત અને ઇંગ્લેન્ડ વચ્ચેની ટેસ્ટ શ્રેણીની વચ્ચે અચાનક એક દુ:ખદ સમાચાર આવ્યા છે. ૪૧,૮૨૦ રન અને ૮૬ સદી ફટકારનાર બેટ્સમેનનું અચાનક અવસાન થયું છે.
ક્રિકેટરે ૧૩૫૮ ઇનિંગ્સમાં કુલ ૪૧,૮૨૦ રન બનાવ્યા
આ દુ:ખદ સમાચાર ઇંગ્લેન્ડની ધરતી પરથી જ આવ્યા છે. ઇંગ્લેન્ડના એક દિગ્ગજ ક્રિકેટરે અચાનક દુનિયાને અલવિદા કહી દીધું છે. આ મહાન ક્રિકેટરે પોતાની આંતરરાષ્ટ્રીય અને સ્થાનિક ક્રિકેટ કારકિર્દીમાં ૧૩૫૮ ઇનિંગ્સમાં કુલ ૪૧,૮૨૦ રન બનાવ્યા છે, જેમાં ૮૬ સદી અને ૧૮૫ અડધી સદીનો સમાવેશ થાય છે. અચાનક મૃત્યુ પામેલા આ ઇંગ્લેન્ડના ક્રિકેટરનું નામ વેઇન લાર્કિન છે. વેન લાર્કિન આંતરરાષ્ટ્રીય ક્રિકેટ તેમજ નોર્થમ્પ્ટનશાયર, ડરહામ અને બેડફોર્ડશાયર માટે ઘરેલુ ક્રિકેટમાં ઇંગ્લેન્ડ માટે રમી ચૂક્યા છે.
ઇંગ્લેન્ડના પૂર્વ બેટ્સમેન વેન લાર્કિનને ૭૧ વર્ષની વયે અંતિમ શ્વાસ લીધા છે. વેન લાર્કિન ગંભીર રીતે બીમાર હતા. વેન લાર્કિનને નેડ તરીકે પણ ઓળખવામાં આવતા હતા. વેન લાર્કિન ૧૯૭૯ થી ૧૯૯૧ દરમિયાન ઇંગ્લેન્ડ માટે ૧૩ ટેસ્ટ અને ૨૫ વનડે રમ્યા હતા. ૧૯૭૯ વર્લ્ડ કપ દરમિયાન વેન લાર્કિન ઇંગ્લેન્ડ ટીમ માટે રમી રહ્યા હતા. ઇંગ્લેન્ડે ૧૯૭૯ વર્લ્ડ કપની અંતિમ મેચ વેસ્ટ ઇન્ડીઝ સામે રમી હતી. ૧૯૭૯ વર્લ્ડ કપની અંતિમ મેચમાં વેન લાર્કિન ખાતું ખોલ્યા વિના પહેલા જ બોલ પર આઉટ થયા હતા. વેસ્ટ ઈન્ડિઝે ૨૩ જૂન ૧૯૭૯ના રોજ ફાઇનલ મેચમાં ઇંગ્લેન્ડને ૯૨ રનથી હરાવીને બીજી વખત ODI વર્લ્ડ કપનો ખિતાબ જીત્યો હતો.
વેન લાર્કિને ૪૮૨ ફર્સ્ટ ક્લાસ મેચોમાં ૩૪.૪૪ની સરેરાશથી ૨૭,૧૪૨ રન બનાવ્યા, જેમાં ૫૯ સદી અને ૧૧૬ અડધી સદીનો સમાવેશ થાય છે. વેન લાર્કિને ૪૮૫ LIST – A મેચોમાં ૩૦.૭૫ ની સરેરાશથી ૧૩,૫૯૪ રન બનાવ્યા. આ સમય દરમિયાન LIST – A મેચોમાં કુલ ૨૬ સદી અને ૬૬ અડધી સદી તેમના બેટથી આવી.
વેન લાર્કિને ઇંગ્લેન્ડ માટે ૧૩ ટેસ્ટ અને ૨૫ ODI આંતરરાષ્ટ્રીય મેચ રમી છે. વેન લાર્કિને તેની ટેસ્ટ કારકિર્દીમાં ૩ અડધી સદીની મદદથી ૪૯૩ રન બનાવ્યા. વેન લાર્કિને ૨૫ ODI આંતરરાષ્ટ્રીય મેચોમાં ૫૯૧ રન બનાવ્યા. આ સમય દરમિયાન, તેમના બેટથી ૧ સદી નીકળી. જો વેન લાર્કિનના આંતરરાષ્ટ્રીય અને સ્થાનિક ક્રિકેટ કારકિર્દીના રેકોર્ડને જોડવામાં આવે તો, તેમણે ૧૩૫૮ ઇનિંગ્સમાં કુલ ૪૧,૮૨૦ રન બનાવ્યા છે, જેમાં ૮૬ સદી અને ૧૮૫ અડધી સદીનો સમાવેશ થાય છે.
