આ બે-ત્રણ ચીજવસ્તુઓના દરમાં કોઇ ફેર પડશે નહીં

Last Updated on 22/09/2025 by Sampurna Samachar

૪૦% GST સ્લેબ હેઠળ ઘણી પ્રીમિયમ પ્રોડક્ટ્સ મોંઘી થશે

૪૦% ટેક્સ લક્ઝરી વાહનો પર પણ લાગુ થશે

(સંપૂર્ણ સમાચાર સેવા)

નવા GST દરો ૨૨ સપ્ટેમ્બરથી શરૂઆત સાથે અમલમાં છે. નવા દરો લાગુ થયા પછી મોટાભાગની રોજિંદા વસ્તુઓ સસ્તી થઇ. જોકે, જો તમે ઠંડા પીણા અને સીગારેટના શોખીન છો, તો તમને આંચકો લાગી શકે છે. આ દિવસથી ઠંડા પીણાં અને સીગારેટ વધુ મોંઘા થશે.

નવા રજૂ થયેલા ૪૦% GST સ્લેબ હેઠળ ઘણી પ્રીમિયમ પ્રોડક્ટ્સ મોંઘી થશે. આ નવા સ્લેબ હેઠળ, તમામ પ્રકારના સોફ્ટ ડ્રીન્ક્સ, કાર્બોનેટેડ પીણાં, કેફીનયુક્ત પીણાં અને નોન-આલ્કોહોલિક ફ્લેવર્ડ ડ્રિંક્સ પર સૌથી વધુ જીએસટી લાગશે. આમાં બજારમાં મળતા અનેક પ્રકારના સોફ્ટ ડ્રિંક્સ અને એનર્જી ડ્રિંક્સનો સમાવેશ થાય છે.

નવો ૪૦% GST સ્લેબ આખરે સિન ગુડ્સ પર લાગુ થશે

૪૦% ટેક્સ લક્ઝરી વાહનો પર પણ લાગુ થશે. આ કેટેગરીમાં સામાન્ય રીતે હાઇ-એન્ડ સેડાન, એસયુવી અને પ્રીમિયમ બાઇકનો સમાવેશ થાય છે. આ ઉપરાંત, વ્યક્તિગત ઉપયોગ માટેના લક્ઝરી વાહનો જેમ કે યાટ, ખાનગી વિમાનો અને રેસિંગ કાર પણ આ જ ઉચ્ચ ટેક્સ સ્લેબ હેઠળ આવશે. જોકે, આ વાહનોનો ઉપયોગ માત્ર વ્યક્તિગત અથવા મનોરંજનના હેતુ માટે થાય તો જ ૪૦% ટેક્સ લાગશે, જ્યારે વ્યાવસાયિક ઉપયોગ માટે તેના પર આ ટેક્સ લાગશે નહીં.

૪૦% GST સ્લેબ (૧૧ સપ્ટેમ્બરથી તાત્કાલિક અમલમાં) હેઠળ આવનારી બધી વસ્તુઓની યાદીમાં જોઈએ તો એરાટેડ વોટર, કાર્બોનેટેડ પીણાં, કેફીનયુક્ત પીણાં, નોન આલ્કોહોલિક ફ્લેવર્ડ ડ્રીન્ક, સોફ્ટ ડ્રિંક્સ, એનર્જી ડ્રિંક્સ, ૧૨૦૦ સીસીથી વધુ એન્જિન ક્ષમતા ધરાવતી કાર, ૪૦૦૦ મીમીથી વધુ લાંબી કાર, ૩૫૦ સીસીથી વધુ એન્જિન ક્ષમતા ધરાવતી મોટરસાયકલો, યાટ્સ (વ્યક્તિગત ઉપયોગ માટે) પ્રાઈવેટ વિમાન (વ્યક્તિગત ઉપયોગ માટે) રેસિંગ કાર (વ્યક્તિગત ઉપયોગ માટે)  ૪૦% GST પર કર લાદવામાં આવનારી વસ્તુઓની યાદી:(લોન ચુકવણી પછી)માં જોઈએ તો પાન મસાલા, ગુટખા, સિગારેટ, ચાવવાની તમાકુ, જરદા, કાચી તમાકુની, બીડી.

આ ૪૦%નો સ્લેબ પાન મસાલા, ગુટખા, સિગારેટ, ચાવવાની તમાકુ, જરદા, કાચી તમાકુ અને બીડી જેવી સિન ગુડ્સ માટે નક્કી કરવામાં આવ્યો છે, છતાં પણ આ ઉત્પાદનો પર તાત્કાલિક ધોરણે આ ઉચ્ચ ટેક્સ લાગુ કરવામાં આવશે નહીં.

નાણા પ્રધાન ર્નિમલા સીતારમણે, જેઓ જીએસટી કાઉન્સિલના અધ્યક્ષ પણ છે, તેમણે સ્પષ્ટતા કરતા જણાવ્યું છે કે તમાકુ અને તેના સંબંધિત ઉત્પાદનો પરનો હાલનો ટેક્સ ત્યાં સુધી યથાવત રહેશે જ્યાં સુધી વળતર-સંબંધિત હાલની લોન સંપૂર્ણપણે ચૂકવાઈ ન જાય. આ લોન કેન્દ્ર સરકારે કોવિડ-૧૯ મહામારી દરમિયાન રાજ્યોને જીએસટીની આવકના નુકસાનની ભરપાઈ કરવા માટે લીધી હતી.

સિન ગુડ્સ, જેના પર મૂળ GST દર ઉપરાંત વળતર સેસ પહેલેથી જ લાગે છે, તેના પર હાલ આ જ વ્યવસ્થા હેઠળ ટેક્સ લાગતો રહેશે. નાણા પ્રધાન સીતારમણે જાહેરાત કરતા કહ્યું કે, “નવો ૪૦% જીએસટી સ્લેબ આખરે સિન ગુડ્સ પર લાગુ થશે, પરંતુ તે મહામારી-સંબંધિત આવકના વળતર માટે લેવાયેલી લોન અને તેના વ્યાજની સંપૂર્ણ ચુકવણી પછી જ લાગુ થશે.”