Last Updated on by Sampurna Samachar
સ્વયંસેવકોને કાર્ડિયો પલ્મોનરી રિસસિટેશનની તાલીમ અપાઈ
૫૫ સ્વયંસેવકોને CPRની ટ્રેનિંગ આપી
(સંપૂર્ણ સમાચાર સેવા)
વડોદરા ઇન્ટરનેશનલ મેરેથોનની ૧૩મી આવૃત્તિ આગામી તા.૧ ફેબ્રુઆરી ૨૦૨૬ના રોજ યોજાનારી છે. જાહેર આરોગ્ય પ્રત્યેની પોતાની પ્રતિબદ્ધતાને વધુ અર્થપૂર્ણ અને અસરકારક બનાવવા મેરેથોનના આયોજનના ભાગરૂપે પૂર્વ તૈયારી હેઠળ સ્વયંસેવકોને કાર્ડિયો પલ્મોનરી રિસસિટેશનની તાલીમ આપવામાં આવી હતી.
મેરેથોનના ગ્રાઉન્ડ લેવલ પર કામગીરી કરતા કુલ ૫૫ સ્વયંસેવકોને કમ્પ્રેશન ઓનલી લાઇફ સપોર્ટ CPRની વિશેષ તાલીમ અપાઈ હતી. આ તાલીમ વડોદરા સ્થિત GMERS મેડિકલ કોલેજ અને હોસ્પિટલ, ગોત્રીના એનેસ્થેસિયા વિભાગ દ્વારા આયોજિત કરવામાં આવી હતી.
યુવાન વર્ગમાં અચાનક હૃદય સંબંધિત ઘટનાઓમાં વધારો
યુવાન વર્ગમાં અચાનક હૃદય સંબંધિત ઘટનાઓમાં વધારાને ધ્યાનમાં રાખીને આ પહેલ હાથ ધરવામાં આવી છે. વિશ્વસ્તરીય રિસસિટેશન માર્ગદર્શિકાઓ મુજબ હોસ્પિટલની બહાર થતી મોટાભાગની હૃદય બંધ થવાની ઘટનાઓ નોન-હોસ્પિટલ પરિસ્થિતિમાં થાય છે અને આવી સ્થિતિમાં તરત આપવામાં આવતી બાયસ્ટેન્ડર CPR જીવ બચવાની સંભાવનાઓમાં નોંધપાત્ર વધારો કરે છે.
