Last Updated on by Sampurna Samachar
ડૉકટરે ઓપરેશનની લોકોને પ્રક્રિયો સમજાવવા ઑપરેશનને કેમેરામાં રેકોર્ડ કર્યું
(સંપૂર્ણ સમાચાર સેવા)
આધુનિક જમાનામાં લોકો અવનવા પ્રયોગો કરતા હોય છે ને ઘણીવાર આ પ્રયોગો ઉલટા પડતા જોખમ પણ વધી જાય છે. આજે વાત કરવી છે એક તબીબની કે જેણે પોતાને બેભાન કરી પોતાની નસબંધીનુ ઓપરેશન કર્યું ને આ ઓપરેશનને કેમેરામાં રેકોર્ડ કરી પોસ્ટ પણ કર્યુ. ત્યારે આ વિશે વિગતવાર જોઇએ.
આ અવનવો પ્રયોગ તાઇવાનના એક પ્લાસ્ટિક સર્જને કર્યો છે. જેના વિશે મળતા અહેવાલ મુજબ, તાઇવાનના પ્લાસ્ટિક સર્જન ચેન વેઇ-નોંગ તાઇપેઈ શહેરના પ્લાસ્ટિક સર્જરી ક્લિનિકમાં સર્જન છે. તે ૩ બાળકોનો પિતા પણ છે. તેની પત્નીને વધુ બાળકો જોઈતા નહોતા, તેથી તેની પત્નીને ખુશ રાખવા માટે તેણે પોતાની નસબંધી કરાવી. હા! તેણે પોતાની જાતને નસબંધી કરાવી. તેણે આ ઑપરેશનને કેમેરામાં રેકોર્ડ કર્યું અને તેને ફેસબુક પર પોસ્ટ કર્યું, જેથી લોકો તેને જોઈ શકે અને પ્રક્રિયા સમજી શકે.
આ સમગ્ર પ્રક્રિયામાં કુલ ૧૧ સ્ટેપ છે. ચેને પોતાને લોકલ એનેસ્થેસિયા આપ્યું અને ઑપરેશન શરૂ કર્યું. પરંતુ જાતે ઑપરેશન કરવું સરળ નથી, તેથી જ ચેન દ્વારા ૧ કલાકમાં સર્જરી પૂર્ણ કરવામાં આવી, જે સામાન્ય રીતે ફક્ત ૧૫ મિનિટ લે છે. જોકે, ઑપરેશન સફળ રહ્યું અને ચેન ઠીક છે. તેણે કહ્યું કે પોતાને નસબંધી કરાવવી એ ખૂબ જ વિચિત્ર અનુભવ હતો. જો સ્ત્રીઓને નસબંધી કરાવવી પડે, તો પ્રક્રિયા થોડી જટિલ છે, પરંતુ પુરુષોના કિસ્સામાં તે એક સરળ પ્રક્રિયા છે. ચેનનો આ વીડિયો વાયરલ થયો હતો અને તેને ૪૦ લાખથી વધુ વ્યૂઝ મળ્યા છે.
ઘણા લોકોએ તેમની હિંમત અને તેની પત્ની પ્રત્યેના પ્રેમની પ્રશંસા કરી, પરંતુ ઘણા લોકોએ ચિંતા પણ વ્યક્ત કરી. લોકોએ કહ્યું કે આ કરવું સલામત નથી અને તેનાથી મોટી મુશ્કેલી પણ આવી શકે છે. કેટલાક લોકોએ તેમને તાઇવાનનો સૌથી નીડર વ્યક્તિ પણ કહ્યા. તે વ્યક્તિ કોઈ કાનૂની મુશ્કેલીમાં ફસાઈ નથી કારણ કે તે ડૉક્ટર હતો અને તેની પાસે સર્જરી કરવાનું લાઇસન્સ પણ હતું.
