સરકારી આરોગ્ય કેન્દ્રમાં રખડતાં શ્વાનોનો સર્વે

Last Updated on 28/02/2026 by Sampurna Samachar

આરોગ્ય કમિશનરનો હોસ્પિટલમાં ફરતા શ્વાનની ગણતરીનો આદેશ

રાજકોટ હોસ્પિટલમાં રખડતા શ્વાનોનો વિડીયો વાયરલ

(સંપૂર્ણ સમાચાર સેવા)

રાજકોટના સરકારી દવાખાનાઓમાં શ્વાનોના ચક્કરથી આરોગ્ય વિભાગ એકશનમાં આવ્યું છે. હોસ્પિટલ-વોર્ડમાં શ્વાનો ફરતાં હોવાનો વીડિયો વાઈરલ થતાં આરોગ્ય કમિશનરે હોસ્પિટલોમાં રખડતાં શ્વાનની ગણતરી કરવાનો આદેશ કર્યો છે.

રાજકોટ જિલ્લામાં તમામ પ્રાયમરી હેલ્થ સેન્ટર , કમ્યુનિટિ હેલ્થ સેન્ટર , સબ ડિસ્ટ્રીક્ટ અને જિલ્લા હોસ્પિટલ પાસેથી આરોગ્ય વિભાગ દ્વારા રિપોર્ટ મંગાવવામાં આવ્યો છે. જેમાં સરકારી આરોગ્ય કેન્દ્રમાં રખડતાં શ્વાનોનો સર્વે કરીને આંકડા આપવા જણાવ્યું છે.

શ્વાન ગણતરી ૩ માર્ચ, ૨૦૨૬ સુધી પૂર્ણ કરવા આદેશ

રાજકોટ જિલ્લામાં ૫૫ PHC , ૧૨ CHC સહિત કુલ તમામ આરોગ્ય સંસ્થાઓમાંથી વિગતવાર માહિતી રજૂ કરવા સૂચન આપવામાં આવી છે. આરોગ્ય કમિશનરે જણાવ્યું કે, શ્વાનોની સંખ્યા, પ્રવેશના કારણો અને નિયંત્રણ પગલાં અંગે અહેવાલ ફરજિયાત આપવો.

આરોગ્ય વિભાગ જણાવ્યું કે, હોસ્પિટલોમાં સ્વચ્છતા અને દર્દીઓની સલામતી સર્વોપરી છે. કમિશનરે હોસ્પિટલમાં રખડતાં શ્વાનની ગણતરી આગામી ૩ માર્ચ, ૨૦૨૬ સુધી પૂર્ણ કરવા જણાવ્યું છે. હવે રિપોર્ટ બાદ જરૂરી કાર્યવાહી હાથ ધરાશે.