Last Updated on by Sampurna Samachar
સેન્સેક્સની ૨૪ કંપનીઓના શેર વધારા સાથે લીલા રંગમાં જોવા મળી
ભારતીય શેરબજારમાં સારી રિકવરી મળી જોવા
(સંપૂર્ણ સમાચાર સેવા)
શેર બજારે લીલા નિશાન સાથે ટ્રેડિંગ શરૂ કર્યું અને મોટા વધારા સાથે બંધ થયું હતુ. સતત ૧૦ દિવસ સુધી ઘટાડા સાથે બંધ રહ્યા પછી બજારે વધારા સાથે કારોબાર પૂર્ણ કર્યો હતો. જે પછી આજે ફરી એકવાર બજારમાં તેજી જોવા મળી અને તે સારા વધારા સાથે બંધ થયું. ભારતીય શેરબજારમાં આજે સતત બીજા દિવસે સારી રિકવરી જોવા મળી.
બંને મુખ્ય શેરબજાર સૂચકાંકો સારા વધારા સાથે બંધ થયા. બીએસઇ સેન્સેક્સ ૬૦૯.૮૬ પોઈન્ટ (૦.૮૩%) ના વધારા સાથે ૭૪,૩૪૦.૦૯ પોઈન્ટ પર બંધ થયો. તેવી જ રીતે એનએસઇ નિફ્ટી ૫૦ ઇન્ડેક્સ પણ ૨૦૭.૪૦ પોઈન્ટ (૦.૯૩%) વધીને ૨૨,૫૪૪.૭૦ પોઈન્ટ પર બંધ થયો. ૭૩,૭૩૦.૨૩ પોઈન્ટ પર બંધ થયેલા સેન્સેક્સે ૭૪,૩૦૮.૩૦ પોઈન્ટની મજબૂત તેજી સાથે વેપાર શરૂ કર્યો હતો, પરંતુ થોડા સમય પછી બજારમાં અચાનક તીવ્ર ઘટાડો જોવા મળ્યો અને સેન્સેક્સ ૭૩,૪૧૫.૬૮ પોઈન્ટ પર આવી ગયો હતો.
ભારતીય શેરબજાર સળંગ બીજા દિવસે સુધર્યા
સેન્સેક્સની ૩૦ કંપનીઓમાંથી ૨૪ કંપનીઓના શેર વધારા સાથે લીલા રંગમાં અને ૫ કંપનીઓના શેર નુકસાન સાથે લાલ રંગમાં બંધ થયા હતા. જ્યારે HDFC બેંકના શેર કોઈ ફેરફાર વિના બંધ થયા. બીજી તરફ નિફ્ટી ૫૦ ની ૫૦ કંપનીઓમાંથી ૩૮ કંપનીઓના શેર વધારા સાથે લીલા નિશાનમાં બંધ થયા હતા અને બાકીની ૧૨ કંપનીઓના શેર નુકસાન સાથે લાલ નિશાનમાં બંધ થયા હતા. સેન્સેક્સ કંપનીઓમાં એશિયન પેઇન્ટ્સના શેર સૌથી વધુ ૪.૭૦ ટકાના વધારા સાથે બંધ થયા, જ્યારે ટેક મહિન્દ્રાના શેર સૌથી વધુ ૨.૩૧ ટકાના ઘટાડા સાથે બંધ થયા.
આ ઉપરાંત NTPC ના શેર ૩.૪૧ ટકા, રિલાયન્સ ઇન્ડસ્ટ્રીઝ ૨.૯૬ ટકા, ટાટા સ્ટીલ ૨.૮૭ ટકા, બજાજ ફિનસર્વ ૨.૩૯ ટકા, હિન્દુસ્તાન યુનિલિવર ૨.૨૨ ટકા, સન ફાર્મા ૨.૦૯ ટકા, અદાણી પોર્ટ્સ ૨.૦૪ ટકા, એક્સિસ બેંક ૧.૮૫ ટકા, TCS ૧.૪૨ ટકા, ટાઇટન ૧.૩૫ ટકા, બજાજ ફાઇનાન્સ ૦.૯૫ ટકા, HCL ટેક ૦.૭૫ ટકા, લાર્સન એન્ડ ટુબ્રો ૦.૬૬ ટકા વધ્યા હતા. જ્યારે કોટક મહિન્દ્રા બેંકના શેરમાં આજે ૨.૩૧ ટકા, ઝોમેટો ૦.૬૨ ટકા, ટાટા મોટર્સ ૦.૧૯ ટકા અને ઇન્ડસઇન્ડ બેંકના શેરમાં ૦.૦૭ ટકાનો ઘટાડો થયો હતો.
અમેરિકાના રાષ્ટ્રપ્રમુખ ડોનાલ્ડ ટ્રમ્પના ટેરિફ વોર વચ્ચે ભારતીય શેરબજાર સળંગ બીજા દિવસે સુધર્યા છે. આજે સેન્સેક્સ ઈન્ટ્રા ડે ૯૭૫.૧૨ પોઈન્ટની વોલેટિલિટીના અંતે ૬૦૯.૮૬ પોઈન્ટના ઉછાળા સાથે ૭૪૩૪૦.૦૯ પર બંધ રહ્યો હતો.
સાવર્ત્રિક સુધારાના પગલે રોકાણકારોની મૂડી આજે રૂ. ૪.૨૧ લાખ કરોડ વધી છે. રિલાયન્સ, એશિયન પેઈન્ટ, એનટીપીસી, ટાટા સ્ટીલ સહિતના શેરોમાં ૫ ટકા સુધી ઉછાળો નોંધાતાં નિફ્ટીએ ફરી પાછી અતિ મહત્ત્વની ૨૨૫૦૦ની સપાટી પાછી મેળવી છે. આજે ૨૦૭.૪૦ પોઈન્ટ ઉછળી નિફ્ટી ૨૨૫૪૪.૭૦ પર બંધ રહ્યો હતો.
OPEC + એ ધીમે ધીમે તેના સ્વૈચ્છિક ઉત્પાદન કાપની મયાર્દા દૂર કરવાની જાહેરાત કરતાં ક્રૂડ ઓઇલના ભાવમાં ઘટાડો નોંધાયો હતો. ક્રૂડ ઓઈલ ઉત્પાદકો આગામી બે વષર્માં ૨.૨ મિલિયન બેરલ પ્રતિ દિવસ (MBPD) પુરવઠો પુન:સ્થાપિત કરવાનો લક્ષ્યાંક ધરાવે છે, જે ૨૦૨૨ થી લાદવામાં આવેલા ૫.૯ MBPD કાપના ૩૮ ટકા છે. આ જાહેરાતના પગલે છેલ્લા ચાર સેશનમાં બ્રેન્ટ ક્રૂડ ૬.૫ ટકા ઘટ્યું હતું, જે ડિસેમ્બર ૨૦૨૧ પછીના તેના સૌથી નીચા સ્તરે પહોંચ્યું હતું, જ્યારે WTI ૫.૮ ટકા ઘટ્યું હતું, જે મે ૨૦૨૩ પછીના તેના સૌથી વધુ ઘટાડો દર્શાવે છે.
ક્રૂડ ઓઈલના ભાવમાં ઘટાડો નોંધાતા ભારતીય ઓઈલ એન્ડ ગેસ કંપનીઓના શેર આજે ઉછળ્યા છે. રિલાયન્સ ઈન્ડસ્ટ્રીનો શેર ૨.૯૬ ટકા સુધર્યો છે. જ્યારે હિન્દુસ્તાન પેટ્રોલ, BPCL, IGL ના શેર ૪ ટકા સુધી ઉછાળે બંધ રહ્યા છે. BSE એનર્જી પેકમાં સામેલ શેર ૧૨ ટકા સુધી વધતાં ઈન્ડેક્સ ૨.૭૮ ટકા ઉછાળે બંધ રહ્યો હતો.
