Last Updated on by Sampurna Samachar
લોકોએ સોશિયલ મીડિયા પર કરી ટીકા
૧૭ લાખ રૂપિયાની બાઇક હેલમેટ પહેર્યા વિના ચલાવી
(સંપૂર્ણ સમાચાર સેવા)
બોલિવૂડ એક્ટર સોહેલ ખાનનો એક વીડિયો સોશિયલ મીડિયા પર વાઇરલ થયો છે. જેમાં તે હેલમેટ વગર બાઇક ચલાવતો જોવા મળી રહ્યો છે. વીડિયો વાઇરલ થતાં વિવાદ ઉભો થયો છે. કેમ કે તે હેલમેટ વગર બાઇક ચલાવતો જોવા મળી રહ્યો છે. જેની ખૂબ જ ટીકા કરવામાં આવતાં તેણે માફી પણ માંગી છે.
સલમાન ખાન વર્ષો પહેલાં બાઇક ચલાવતો જોવા મળતો સલમાન બાદ હવે તેના ભાઈ સોહેલ ખાનનો વીડિયો ખૂબ જ વાઇરલ થયો છે. એમાં તે ૧૭ લાખ રૂપિયાની બાઇક હેલમેટ પહેર્યા વિના ચલાવતાં તેની લોકોએ ટીકા કરતાં તેણે સોશિયલ મીડિયા પર માફી માંગી છે.
હું હવે હેલમેટ પહેરવાનુ શરૂ કરીશ : સોહેલ ખાન
સોશિયલ મીડિયા પર પોતાના વાઇરલ બાઇક વીડિયોને સ્ક્રીનશોટ પોસ્ટ કરી સોહેલ ખાને કહ્યું કે ‘હું દરેક બાઇક રાઇડરને વિનંતી કરવા માંગું છું કે મહેરબાની કરીને હેલમેટ પહેરો. હું કેટલીક વાર હેલમેટ નથી પહેરતો કારણ કે હું ક્લોસ્ટ્રોફોબિક છું. જોકે હેલમેટ ન પહેરવાનું એ કોઈ બહાનું નથી. હું નાનો હતો ત્યારથી જ મને રાઇડિંગનો શોખ છે.
સાયકલથી મારામાં આ પેશનની શરૂઆત થઈ હતી અને આજે હવે હું બાઇક ચલાવું છું. હું મોટા ભાગે મોડી રાતે બાઇક ચલાવું છું કારણ કે ત્યારે વધુ ટ્રાફિક નથી હોતો. ત્યારે રિસ્ક ઓછું હોય છે. હું ધીમે ચલાવું છું અને મારી પાછળ મારી કાર પણ ચાલતી હોય છે. હું મારા સાથી રાઇડર્સને એ વાતની ખાતરી આપું છું કે હું મારા ક્લોસ્ટ્રોફોબિકના ડરથી દૂર થવાની કોશિશ કરીશ અને હેલમેટ પહેરવાનું શરૂ કરીશ.’
આ અંગે તેણે માફી પણ માંગી હતી. તેણે કહ્યું છે કે, ‘આ માટે મને તમારા સાથની જરૂર છે. ટ્રાફિક ઓથોરિટીની હું દિલથી માફી માગું છું અને તેમને ભરોસો આપું છું કે હવે હું દરેક નિયમનું પાલન કરીશ. હું એ દરેક રાઇડર્સને સલામ કરું છું જેઓ તેમને થતી અસુવિધાઓ છતાં હેલમેટ પહેરે છે કારણ કે એ આપણી સુરક્ષા માટે જરૂરી છે. અફસોસ કરવા કરતાં હેલમેટ પહેરવું અને સુરક્ષિત રહેવું જરૂરી છે. એક વાર ફરીથી કહું છું મને આ વાતનો ખૂબ જ અફસોસ છે.’
