Last Updated on by Sampurna Samachar
રોકાણકારોને ૯૦૦૦૦૦ કરોડ ગુમાવવાનો વારો આવ્યો
(સંપૂર્ણ સમાચાર સેવા)
સ્થાનિક શેરબજારમાં હાહાકાર જોવા મળ્યો હતો. બોમ્બે સ્ટોક એક્સચેન્જ બેન્ચમાર્ક સેન્સેક્સ સપ્તાહના છેલ્લા ટ્રેડિંગ સેશનમાં ૧૧૭૬.૪૬ પોઈન્ટ ઘટીને ૭૮,૦૪૧.૫૯ ના સ્તરે બંધ થયો હતો. એ જ રીતે નેશનલ સ્ટોક એક્સચેન્જનો નિફ્ટી પણ ૩૬૪.૨ પોઈન્ટના મોટા ઘટાડા સાથે ૨૩૫૮૭.૫૦ ના સ્તરે બંધ રહ્યો હતો.
બજારમાં ભારે ઘટાડાથી રોકાણકારોને ભારે નુકસાન થયું હતું. તમને જણાવી દઈએ કે BSE પર લિસ્ટેડ કંપનીઓની માર્કેટ કેપ ૧૯ ડિસેમ્બરે ૪.૪૯ લાખ કરોડ રૂપિયા હતી, જે ૨૦ ડિસેમ્બરે ઘટીને ૪.૪૦ લાખ કરોડ રૂપિયા થઈ ગઈ. આ રીતે રોકાણકારોએ એક જ દિવસમાં ૯ લાખ કરોડ રૂપિયા ગુમાવ્યા. નિફ્ટીમાં ટ્રેન્ટ, ટેક મહિન્દ્રા, એમએન્ડએમ, ઇન્ડસઇન્ડ બેન્ક, એક્સિસ બેન્ક સૌથી વધુ ઘટ્યા હતા, જ્યારે ડૉ. રેડ્ડીઝ લેબ્સ, નેસ્લે ઇન્ડિયા, આઇસીઆઇસીઆઇ બેન્ક વધ્યા હતા. તમામ ક્ષેત્રીય સૂચકાંકો લાલ નિશાનમાં બંધ થયા છે. આમાં રિયલ્ટી ઈન્ડેક્સ ૪ ટકા, ઓટો, આઈટી, કેપિટલ ગુડ્સ, મેટલ, ટેલિકોમ, પીએસયુ બેન્ક દરેક ૨ ટકા ઘટ્યા હતા. મ્જીઈ મિડકેપ અને સ્મોલકેપ સૂચકાંકોમાં ૨% થી વધુનો ઘટાડો નોંધાયો છે.
માર્કેટમાં આજના ઘટાડાનું કારણ FII દ્વારા વેચવામાં આવેલ તીવ્ર વધારો છે. સતત પાંચમા સત્રમાં ઘટાડો જોવા મળ્યો હતો. છેલ્લા પાંચ દિવસમાં રોકાણકારોને ૧૮ લાખ કરોડનું નુકસાન થયું છે, કારણ કે BSE-લિસ્ટેડ કંપનીઓની કુલ માર્કેટ મૂડી ૧૩ ડિસેમ્બર, શુક્રવારે ૪૫૯ લાખ કરોડ હતી. NSE પર તમામ મુખ્ય ક્ષેત્રીય સૂચકાંકો ૨૦ ડિસેમ્બરે ઘટ્યા હતા. નિફ્ટી રિયલ્ટી ૪ ટકા, જ્યારે પીએસયુ બેન્ક અને આઇટી સૂચકાંકો લગભગ ૩ ટકા ઘટ્યા હતા. નિફ્ટી મેટલ, મીડિયા, ઓટો અને નિફ્ટી બેન્ક ઇન્ડેક્સમાં ૨ ટકા સુધીનો ઘટાડો નોંધાયો હતો.
વૈશ્વિક શેરબજારમાં ઘટાડો જોવા મળ્યો હતો. બ્રિટનનો FTSE ૧૦૦ ૦.૩% ઘટીને ૮,૦૭૮.૨૧ પર અને પેરિસમાં CAC ૪૦ ૦.૯% ઘટીને ૭,૨૨૬.૭૦ થયો. જર્મનીનો ૦.૯% ઘટીને ૧૯,૭૮૦.૬૩ થયો. S & P ૫૦૦ ફ્યુચર્સ ૦.૪% ડાઉન હતા અને ડાઉ જોન્સ ઇન્ડસ્ટ્રિયલ એવરેજ ૦.૨% ડાઉન હતા. નવેમ્બરના ફુગાવાના આંકડા જાહેર થયા બાદ ટોક્યોનો નિક્કી ૨૨૫ ઇન્ડેક્સ ૦.૩% ઘટીને ૩૮,૭૦૧.૯૦ થયો હતો. હોંગકોંગમાં હેંગસેંગ ૦.૨% વધીને ૧૯,૭૨૦.૭૦ પર પહોંચ્યો હતો, જ્યારે શાંઘાઈ કમ્પોઝિટ ઇન્ડેક્સ ૦.૧% ઘટીને ૩,૩૬૮.૦૭ થયો હતો, કારણ કે ચીનની મધ્યસ્થ બેંકે તેના ધિરાણના પ્રાઇમ રેટને યથાવત રાખ્યા હતા.
