Last Updated on by Sampurna Samachar
અટકળો બાદ BCCI નું મોટું નિવેદન
વ્હાઇટ બોલ ક્રિકેટમાં ગૌતમ ગંભીરનો રેકોર્ડ સારો
(સંપૂર્ણ સમાચાર સેવા)
ભારતીય ક્રિકેટ ટીમના હેડ કોચ ગૌતમ ગંભીરને લઇ કેટલીક ચર્ચાઓ ચાલી રહી છે. જેમાં ટેસ્ટ ટીમમાં ગૌતમ ગંભીરને બદલે અન્ય કોઈ વ્યક્તિને કોચ બનાવવાની અટકળો ચાલી રહી છે. એવામાં BCCI ના સચિવ દેવજીત સાઇકિયાએ જવાબ આપ્યો છે.
મીડિયા સાથે વાતચીતમાં BCCI સચિવે કહ્યું છે, કે ગૌતમ ગંભીરને ટેસ્ટ કોચ પદથી હટાવવા મુદ્દે કોઈ ચર્ચા નથી થઈ. આવી વાતો માત્ર અફવા છે. તેમના કોન્ટ્રાક્ટનો અંત ન થાય ત્યાં સુધી તેઓ કોચ તરીકે જવાબદારી નિભાવતા રહેશે.
SENA દેશો સામે ભારત ટેસ્ટ ક્રિકેટમાં ૧૦ મેચો હાર્યું
ટેસ્ટ ક્રિકેટમાં છેલ્લા કેટલાક સમયથી ભારતીય ક્રિકેટ ટીમ સારો દેખાવ નથી કરી રહી. હાલમાં જ દક્ષિણ આફ્રિકા અને ઇંગ્લૅન્ડ સામે ટેસ્ટ સીરિઝમાં ભારતનો પરાજય થયો હતો. જે બાદથી જ ટીમ ઇન્ડિયાના મેનેજમેન્ટ અને હેડ કોચ ગૌતમ ગંભીર સામે સવાલો ઊભા થયા હતા. અહેવાલ અનુસાર BCCI ના એક અધિકારીએ ગૌતમ ગંભીરને બદલે નવા કોચ માટે ફફજી લક્ષ્મણનો સંપર્ક કર્યો હતો.
નોંધનીય છે કે વ્હાઇટ બોલ ક્રિકેટમાં તો ગૌતમ ગંભીરનો રૅકોર્ડ સારો છે. તેમના નેતૃત્વમાં ભારતે ચેમ્પિયન્સ ટ્રોફી અને એશિયા કપમાં જીત હાંસલ કરી. જોકે ટેસ્ટ ક્રિકેટમાં ગંભીરનો રૅકોર્ડ સારો નથી. SENA દેશો સામે ભારત ટેસ્ટ ક્રિકેટમાં ૧૦ મેચો હાર્યું. એવામાં ગયા મહિને દક્ષિણ આફ્રિકા સામે ભારતની ભૂંડી હાર બાદ BCCI હરકતમાં આવ્યું હતું.
રિપોર્ટ અનુસાર BCCI ના એક અધિકારીએ અનૌપચારિક રીતે ફફજી લક્ષ્મણનો સંપર્ક કર્યો હતો અને તેમને ટેસ્ટ ક્રિકેટ માટે ટીમને કોચિંગ આપવા પૂછ્યું હતું. જોકે સામે એક સમયના દિગ્ગજ ક્રિકેટર ફફજી લક્ષ્મણે જવાબ આપ્યો હતો કે તેઓ બેંગલુરુમાં સેન્ટર ઑફ એક્સિલેન્સમાં પ્રમુખ તરીકે કામ કરીને ખુશ છે.
