Last Updated on by Sampurna Samachar
૩૫ વર્ષીય ફેક્ટરી કર્મચારી સાથે રૂ. ૧૦,૦૦૦ ની છેતરપિંડી
ATM કેબિનમાં Google Pay ના નકલી બતાવતા
(સંપૂર્ણ સમાચાર સેવા)
અમદાવાદમાં સાયબર છેતરપિંડીની ઘટનાઓ વધી રહી છે ત્યારે હવે ગઠિયાઓ ATM કેબિનમાં જ ઊભા રહીને લોકોને છેતરી રહ્યા છે. વટવા વિસ્તારમાં આવેલા એક ATM કેબિનમાં Google Pay ના નકલી કન્ફર્મેશન મેસેજથી ૩૫ વર્ષીય ફેક્ટરી કર્મચારી સાથે રૂ. ૧૦,૦૦૦ ની છેતરપિંડી થઈ હોવાની ફરિયાદ નોંધાઈ છે.
મળતી માહિતી મુજબ, વટવા ખાતે કાચની બોટલ બનાવતી કંપનીમાં કામ કરતા ૩૫ વર્ષીય ગુલાબચંદ અવધૂપ્રસાદ સાથે છેતરપિંડીની ઘટના સામે આવી છે. GIDC વટવા ફેઝ-૧ ખાતે આવેલા SBI ATM કેબિનમાં ગુલાબચંદ પોતાની પત્ની નીતુ દેવીના SBI ખાતામાં રૂ. ૧૫,૦૦૦ જમા કરાવ્યા અને પોતાના PNB ખાતામાં રૂ. ૧૦,૦૦૦ જમા કરાવ્યા હતા.
ફૂટેજ દ્વારા આરોપીની ઓળખના પ્રયાસો હાથ ધરાયા
તેઓ ATM હતા એ દરમિયાન જ ૩૫ થી ૪૦ વર્ષની વયનો એક અજાણ્યો શખસ તેમની પાસે આવ્યો અને તેઓ ગૂગલ પેનો ઉપયોગ કરે છે તેવો પ્રશ્ન પૂછ્યો. ગુલાબચંદે હા પાડતા શખસે દાવો કર્યો કે, છ્સ્ મશીનમાંથી રોકડ નીકળતી નથી. તેથી, તેને ૧૦,૦૦૦ રૂપિયા રોકડ માંગ્યા અને ગૂગલ પે દ્વારા રકમ ટ્રાન્સફર કરવાનું જણાવ્યું.
ત્યારબાદ ગુલાબચંદે શખસની મદદ કરવાની ઈચ્છા સાથે પોતાનો ગૂગલ પે નંબર આપ્યો. જોકે, શખસે પોતાના મોબાઈલમાં ૧૦,૦૦૦ રૂપિયા ટ્રાન્સફર થયાનો એક મેસેજ બતાવ્યો જે નકલી હતો. પરંતુ, ગુલાબચંદે તેને સાચો માનીને ૧૦,૦૦૦ રૂપિયા રોકડ આપી દીધા હતા. બાદમાં જ્યારે તેમણે ઘરે જઈને ફોન ચેક કર્યો તો તેમનામાં કોઈ ગૂગલ પે ટ્રાન્ઝેક્શન મળ્યું નહતું.
પરંતુ, એક લિંકની નોટિફિકેશન મળી હતી. બાદમાં જ્યારે ATM સિક્યોરિટી ગાર્ડ પાસે જઈને પૂછપરછ કરી તો જાણવા મળ્યું કે, લિંક ફન્ડ ટ્રાન્સફર સંબંધિત નહતી. પરંતુ, છેતરપિંડી એપ્સ સાથે જોડાયેલી હતી.
સમગ્ર ઘટના વિશે જાણીને ગુલાબચંદને પોતાની સાથે છેતરપિંડી થઈ હોવાની જાણ થઈ અને બાદમાં તેમણે વટવા GIDC પોલીસ સ્ટેશનમાં ફરિયાદ નોંધાવી. વટવા GIDC પોલીસે છેતરપિંડી સંબંધિત જોગવાઈઓ હેઠળ ગુનો નોંધીને ATM અને આસપાસના વિસ્તારના ફૂટેજ દ્વારા આરોપીની ઓળખ કરવાના પ્રયાસો હાથ ધર્યા છે. આ મામલે વધુ તપાસ ચાલી રહી છે.
