Last Updated on by Sampurna Samachar
પોલીસે ગુનો નોંધી તપાસ હાથ ધરી
(સંપૂર્ણ સમાચાર સેવા)
પાટણ શહેરના બગવાડા દરવાજા વિસ્તારમાં આવેલી મ્યુનિસિપલ માર્કેટમાં આવેલી એક કપડાની દુકાનમાંથી ૩.૫૦ લાખ રૂપિયાની રોકડ રકમની ચોરીનો મામલો પ્રકાશમાં આવ્યો છે.
મળતી માહિતી અનુસાર પાટણ શહેરમાં દુકાનના માલિક અજિતકુમાર રસિકલાલ શાહે ચોરીની ઘટનાના ૫ દિવસ પછી ફરિયાદ નોંધાવી છે. અહેવાલો મુજબ, ૨૯ જાન્યુઆરીના રોજ અજિતકુમાર શાહ ચોરીના પૈસાથી સામાન ખરીદવા માટે કાપડની થેલીમાં ૩.૫૦ લાખ રૂપિયા રોકડા લઈને દુકાનમાં આવ્યા હતા. તેમણે બેગ દુકાનની સીટ પર મૂકી હતી. આ સમય દરમિયાન બે અજાણ્યા વ્યક્તિઓ દુકાનમાં આવ્યા અને ચણીયા કાપડ બતાવવા કહ્યું.
જ્યારે વેપારી તેમને કાપડ બતાવવામાં વ્યસ્ત હતો, ત્યારે આ બે વ્યક્તિઓએ બેગમાંથી રોકડ કાઢી અને કંઈપણ ખરીદ્યા વિના ચાલ્યા ગયા. વેપારી છેલ્લા પાંચ દિવસથી ચોરોને શોધી રહ્યો હતો, પરંતુ તેને કોઈ સફળતા મળી ન હતી. મુંબઈથી આવેલા નાના દીકરા ગૌરાંગભાઈની સલાહ પર, તેમણે આખરે પોલીસમાં ફરિયાદ નોંધાવી હતી. જેથી પાટણ પોલીસે ચોરીનો ગુનો નોંધીને તપાસ શરૂ કરી છે.
