Last Updated on by Sampurna Samachar
પાકિસ્તાને ICC સામે ૩ મોટી શરતો મૂકી
૧૫ ફેબ્રુઆરીએ કોલંબોના મેદાનમાં રમી શકે મેચ
(સંપૂર્ણ સમાચાર સેવા)
ભારત અને પાકિસ્તાન વચ્ચે T20 વર્લ્ડ કપના મહામુકાબલાને લઈને ચાલી રહેલી મડાગાંઠમાં હવે નવો વળાંક આવ્યો છે. અત્યાર સુધી બહિષ્કારની ધમકી આપનાર પાકિસ્તાને હવે આંતરરાષ્ટ્રીય ક્રિકેટ પરિષદ સામે શરતો મૂકીને સોદાબાજી શરૂ કરી છે.
લાહોરના ગદ્દાફી સ્ટેડિયમમાં ICC ના ઉપાધ્યક્ષ ઈમરાન ખ્વાજા, PCB ચીફ મોહસિન નકવી અને બાંગ્લાદેશ ક્રિકેટ બોર્ડના અધ્યક્ષ અમીનુલ ઈસ્લામ બુલબુલ વચ્ચે લાંબી બેઠક ચાલી હતી. આ બેઠકનો મુખ્ય ઉદ્દેશ્ય ૧૫ ફેબ્રુઆરીએ કોલંબોમાં યોજાનારી ભારત-પાકિસ્તાન મેચને બચાવવાનો હતો. જોકે, આ મીટિંગમાં કોઈ અંતિમ સમજૂતી થઈ શકી નથી, પણ પાકિસ્તાને તેનો પક્ષ નરમ પાડીને શરતોનું લિસ્ટ પકડાવી દીધું છે.
ભારત અને પાકિસ્તાન આમને-સામને જોવા મળી શકે
PCB ની એ ૩ શરતો જેણે ICC ને વિચારતા કરી દીધા. રિપોર્ટ્સ મુજબ, પાકિસ્તાને ભારત સામે મેચ રમવા માટે ICC સામે ત્રણ મુખ્ય માંગણીઓ રાખી છે:
BCB માટે વળતર: બાંગ્લાદેશ ક્રિકેટ બોર્ડને થયેલા નુકસાનનું વળતર અપાવવું.
પાર્ટિસિપેશન ફી: ટુર્નામેન્ટમાં ભાગ લેવા માટેની ફીમાં વધારો અથવા વિશેષ ભથ્થું.
યજમાનીના અધિકાર: ભવિષ્યમાં આયોજિત થનારી ICC ટ્રોફી કે ઈવેન્ટ્સના યજમાનીના અધિકારોની ખાતરી આપવી.
પાકિસ્તાને ICC સમક્ષ ત્રણ ડિમાન્ડ મૂકી છે
૧ – પાકિસ્તાનને વર્લ્ડ બોડી કરતાં વધું રેવન્યૂ જોઇએ છે.
૨ – ભારત સથે દ્વિપક્ષીય ક્રિકેટ રિલેશન ફરી શરૂ કરવામાં આવે.
૩ – ટી-૨૦ વર્લ્ડ કપમાં ભારતીય ખેલાડીઓ પાકિસ્તાનના ખેલાડીઓ સાથે હેન્ડશેક કરે.
થોડા દિવસો પહેલા જ પાકિસ્તાનના વડાપ્રધાન શહબાઝ શરીફે જાહેરાત કરી હતી કે પાકિસ્તાન ભારત સામે વર્લ્ડ કપમાં નહીં રમે. પરંતુ એક્સપર્ટ્સ પહેલેથી જ માનતા હતા કે આર્થિક ભીંસમાં ફસાયેલું પાકિસ્તાન આટલું મોટું નુકસાન વેઠી શકે તેમ નથી. હવે પાકિસ્તાન કન્ડિશનલ સહમતી દર્શાવી રહ્યું છે, જે એ વાતનો સંકેત છે કે ૧૫ ફેબ્રુઆરીએ કોલંબોના મેદાનમાં ભારત અને પાકિસ્તાન આમને-સામને જોવા મળી શકે છે.
વર્લ્ડ કપમાં અત્યાર સુધી બંને ટીમોના ફોર્મની વાત કરીએ તો, પાકિસ્તાન માંડ-માંડ નેધરલેન્ડ્સ સામે જીત્યું છે, જ્યારે ભારતને પણ અમેરિકા સામે જીતવા માટે સંઘર્ષ કરવો પડ્યો હતો.
