ગુજરાતના લાખો યુવાનો માટે પોલીસ બનવાની તક

Last Updated on 01/12/2025 by Sampurna Samachar

ગુજરાત પોલીસમાં નવી પોલીસ ભરતીની જાહેરાત

કુલ ૧૩,૫૯૧ જગ્યાઓ પર ભરતી કરવામાં આવશે

(સંપૂર્ણ સમાચાર સેવા)

ગુજરાતમાં પોલીસની તૈયારી કરતા નવ યુવાનો માટે ગુજરાત પોલીસમાં જોડાઈને રાજ્યની સેવા કરવાની સુવર્ણ તક આવી ગઈ છે. ગુજરાત સરકારે પોલીસ સબ ઇન્સ્પેક્ટર અને લોકરક્ષક દળ ની મોટી ભરતીની સત્તાવાર જાહેરાત કરી દીધી છે. આ ભરતીમાં કુલ ૧૩,૫૯૧ જગ્યાઓ પર ભરતી કરવામાં આવશે. આ જાહેરાત રાજ્યના હજારો યુવાનોના સપના સાકાર કરવા માટેનો એક મોટો અવસર છે.

પોલીસ વિભાગમાં જોડાવા ઇચ્છુક ઉમેદવારો માટે ઓનલાઈન અરજી પ્રક્રિયાની તારીખો પણ જાહેર કરવામાં આવી છે.

ફોર્મ ભરવાની શરૂઆતની તારીખ: ૦૩/૧૨/૨૦૨૫

ફોર્મ ભરવાની છેલ્લી તારીખ: ૨૩/૧૨/૨૦૨૫

મોટી સંખ્યામાં જગ્યાઓ હોવા છતાં, સ્પર્ધા કડક બની રહેશે

ઉમેદવારોએ નિર્ધારિત સમયગાળા દરમિયાન જ પોતાની અરજી ઓનલાઈન માધ્યમથી કરવાની રહેશે. છેલ્લી ઘડીની ધમાલથી બચવા માટે વહેલી તકે ફોર્મ ભરી દેવું સલાહભર્યું છે. આ ભરતી પ્રક્રિયામાં લેખિત પરીક્ષા અને શારીરિક કસોટી મુખ્ય ભૂમિકા ભજવશે. મોટી સંખ્યામાં જગ્યાઓ હોવા છતાં, સ્પર્ધા કડક બની રહેશે. તેથી, ઉમેદવારોએ હવે સમય બગાડ્યા વિના તાત્કાલિક ધોરણે પોતાની તૈયારી શરૂ કરી દેવી જોઈએ. સત્તાવાર નોટિફિકેશન અને અભ્યાસક્રમની વધુ માહિતી માટે ઉમેદવારોને ગુજરાત પોલીસ ભરતી બોર્ડની અધિકૃત વેબસાઇટની મુલાકાત લેવા વિનંતી છે.

“ભારતમાં કેન્દ્રીય અથવા રાજ્ય અધિનિયમ દ્વારા અથવા હેઠળ સ્થાપિત અથવા સમાવિષ્ટ થયેલી કોઈપણ યુનિવર્સિટીમાંથી અથવા આવી માન્યતા પ્રાપ્ત અન્ય કોઈપણ શૈક્ષણિક સંસ્થામાંથી અથવા યુનિવર્સિટી ગ્રાન્ટ્સ કમિશન અધિનિયમ, ૧૯૫૬ની કલમ ૩ હેઠળ યુનિવર્સિટી તરીકે જાહેર કરાયેલી માન્યતા પ્રાપ્ત સંસ્થામાંથી મેળવેલી સ્નાતકની પદવી ધરાવતા હોવા જોઈએ અથવા સરકાર દ્વારા માન્યતા પ્રાપ્ત તેની સમકક્ષ લાયકાત ધરાવતા હોવા જોઈએ.”